تۇلعالار تۇتىنعان زاتتار

«ۇلتتىق مۋزەيگە سىي تارتۋ» اكتسياسىنا وراي ۇيىم­داس­تىرىلعان جادىگەرلەردى قابىلداۋ ءراسىمى ەرەكشە سيپاتتا ءوتتى. ۇلتتىق مۋزەيدەگى جيىندا ءسوز سويلەگەن ۇلتتىق مۋزەي دي­رەك­تورىنىڭ ورىنباسارى جاكەن تايماعامبەتوۆ «ۇلتتىق مۋزەيگە سىي تارتۋ» اكتسياسى قۇندى ءجا­­­­دى­گەرلەردى جوعالىپ كەتۋدەن ساقتاپ قالۋ ءۇشىن جانە ولاردى ءبىر ورىندا توپتاستىرۋ ماقساتىندا ءجۇرىپ جاتقانىن ايتا كەلىپ: «وسى­دان ءبىر جىلداي ۋاقىت بۇرىن ءدال وسى جەردە بۇل اكتسيا العاش رەت ءجۇ­زەگە اسىرىلعان بولاتىن. وسى ارا­لىقتا اكتسيا استانا, الماتى جانە قىزىلوردا قالاسىندا ءۇش دۇركىن ءوتىپ, ناتيجەسىندە مۋزەي قو­­رىنا تۇسكەن 1305 جادىگەردەن جەلتوقسان ايىندا «ۇلتتىق مۋزەيگە سىي» كورمەسى ۇيىمداستىرىلدى. سول العاشقى جوبا بارىسىندا قوعام جانە ساياسات قايراتكەرى ەر­لان قارين جەبەنىڭ وقتارىن, ءادى­لەت ءمينيسترىنىڭ ورىنباسارى با­قىتجان ءابدىرايىم بيلەر سوتى­نىڭ لاۋازىمدىق بەلگىسى سىندى تا­ريحي جادىگەرلەردى سالتانات­تى جاعدايدا تاپسىرعان ەدى. سونىمەن قاتار, كەز كەلگەن قازاق ەسىم­دەرىن ماقتانىشپەن ايتاتىن ءشامشى قال­داياقوۆ, كەنەن ازىرباەۆ, قا­دىر مىرزا ءالى, جاقسىلىق ءۇش­كەم­­­پىروۆ سياقتى, مۇنان دا باسقا بەل­گىلى تۇلعالاردىڭ پايدالانعان بۇيىمدارىن, ەڭبەكتەرىن ەندى مۋزەي ەكسپوزيتسياسىنان كورۋگە بولادى», – دەدى ج.تايماعامبەتوۆ. بۇل جولعى قابىلدانعان ءجا­­­­­­­­­دى­­­­­گەرلەردىڭ اراسىندا ءابىش كە­­كىل­باەۆ, روزا باعلانوۆا, زەي­نوللا الشىنباەۆ, ءمادينا ەر­اليەۆا, الەكساندر ۆينوكۋروۆ قا­تارلى داڭق­تى تۇلعالاردىڭ جانە تاعى دا باسقا تانىمال ادام­داردىڭ جەكە ءومى­رى مەن شىعارماشىلىعىنا قا­تىستى زاتتار بار. ر.باعلانوۆانىڭ كەلىنى مارال باعلانوۆا: «ءبىز انامىزدىڭ 1960 جىلداردىڭ اياق شەنىندە تىگىلگەن ساحنالىق كويلەگىن, قولىنا ۇستاعان ورامالىن جانە ساحنالىق اياق كيىمىن بۇگىن مۋزەيگە تابىستاپ جاتىرمىز. بۇل كيىمدەردىڭ بارلىعىن ءانشىنىڭ جەكە تىگىنشىسى تىككەن بولاتىن. سو­نىمەن قاتار, ءوزىمىزدىڭ سۋرەتشى سالعان اپامىزدىڭ پورترەتى, شاعىن كارتينالارى بار. ۇلت تاريحىنا قاتىستى جادىگەرلەردى جيناپ جات­قان ۇلتتىق مۋزەيگە العىسىمىز شەك­سىز» دەپ ريزاشىلىعىن ءبىل­دىرسە, م.ەراليەۆانىڭ ۇلى ار­سەن ەراليەۆ: «1997 جىلى دا­يىن­دالعان انامنىڭ ساحنالىق كيىمىنە, تۇتىنعان زاتتارىنا قو­سا, ءبىز ءۇشىن ەڭ قۇندى جادىگەر – انامنىڭ ۇستاعان بايانىن ۇلتتىق مۋزەيگە سىيعا تارتتىق. ول كى­سىنىڭ 1970 جىلدان باستاپ 1995 جىل­دارعا دەيىن بايانمەن قوسىلىپ ءان سالعانىن بىلمەيتىن جان نەكەن-ساياق. تالاي گاسترولدىك ساپارلاردا وسى مۋزىكالىق اسپاپتى ارقالاپ جۇرگەن بولاتىن. سوندىقتان دا بۇل دۇنيەنىڭ حالقىمىز ءۇشىن دە, ءبىز ءۇشىن دە ورنى ەرەكشە دەپ ويلايمىز» دەدى. سونىمەن قاتار, قازاقستان كور­كەم­ونەر اكادەمياسىنىڭ اكا­دە­ميگى, قازاقستاننىڭ ەڭبەك سىڭىرگەن قايراتكەرى, ۇلتتىق ناقىشپەن ءور­نەكتەلگەن شىعارمالارى اڭىز بەن ەرتەگىلەر الەمىن ەلەستەتەتىن تىلەۋ­جان باتانوۆ, قازاقستاننىڭ ەڭبەك سىڭىرگەن قايراتكەرى, سيمۆوليست-سۋرەتشى, مونۋمەنتاليست, «قازاق ەلى» مونۋمەنتىنىڭ اۆتورى, ءمۇسىنشى سەمبىعالي سماعۇلوۆ, سۋرەتشىلەر وداعىنىڭ مۇشەسى, قازاقستاننىڭ ەڭبەك سىڭىرگەن ونەر قايراتكەرى, كور­كەم­ونەر اكادەمياسىنىڭ تو­لىق مۇشەسى, كەسكىندەمەشى, سۋ­رەت­شى-مونۋمەنتشى, پورترەتشى ەرلان سا­حيپ ۇلى قاتارلى سۋرەتشى, ءمۇسىن­شىلەر دە ءوز تۋىندىلارىن مۋزەيگە تارتۋ رەتىندە سىيلادى. «ەگەمەن-اقپارات».