قازاقتىڭ قىمىزى

قىتايدا ينتەرنەت ارقىلى ساتىلماق الداعى ۋاقىتتا قىتايدىڭ Tmall ينتەرنەت-دۇكەنىندە قازاق­ستاندىق برەندتەر ساتىلىمعا شىعارىلۋى مۇمكىن. ولاردىڭ اراسىندا ۇلتتىق سۋسىنىمىز – قىمىز دا بار. مۇنداي جاعىمدى جاڭالىق «سامۇرىق-قازىنا» اق باسشىسى ومىرزاق شوكەەۆتىڭ قىتايدىڭ ەڭ باي ادامى, Alibaba Group كومپانياسىنىڭ باسقارما توراعاسى دجەك مامەن كەزدەسۋىنەن كەيىن بەلگىلى بولدى. «قازپوشتا» اق باسشىسى باعدات ءمۋسيننىڭ Facebook الەۋمەتتىك جەلىسىندەگى جەكە پاراقشاسىنا جازعان جازباسىنا قاراعاندا, كەزدەسۋ بارىسىندا تاراپتار ينتەرنەت-ساۋدا, تولەم جۇيەسىن دامىتۋ, تاسىمال الەۋەتىن پايدالانۋ سىندى بىرقاتار ماسەلەگە توقتالىپ, وسى سالالارداعى ىنتىماقتاستىقتى ارتتىرۋ جونىندە ءسوز قوزعاعان. «ەڭ باستىسى, ءبىز Tmall ينتەر­نەت-دۇكەنىنە قازاقستاندىق 150 برەندتىڭ ءتىزىمىن ۇسىندىق. Tmall – قىتايدىڭ ىشكى نارىعىندا ەلەكتروندى كوممەرتسيامەن اينالىسىپ, تاۋار ساتاتىن پلاتفورما. ول جەردە ميلليونداعان ترانزاكتسيالار جاسالادى», – دەپ جازادى «قازپوشتا» باسشىسى. «بۇل – قازاقستاندىق كاسىپ­كەرلەرگە بەرىلىپ وتىرعان مول مۇمكىندىك», – دەگەن «قازپوشتا» اق ماركەتينگتىك كوممۋنيكاتسيا­لار دەپارتامەنتىنىڭ ديرەكتورى بايرام ءازيزوۆ ۇسىنىلعان تاۋارلاردىڭ ىشىندە قىمىز, قۇرعاق قىمىز, شوكولاد, بال سىندى ءونىم تۇرلەرى بار ەكەنىن ايتتى. ەرنار مۇحامبەت.