اسپانعا ۇشاتىن اۆتوكولىك

دۇنيە جۇزىندە ءبىرىنشى رەت ومىرگە كەلگەلى تۇر امەريكانىڭ Terrafugia كومپانياسى الەمدە ءبىرىنشى بولىپ ۇشاتىن ءاۆتوموبيلدى جاساپ شى­عاردى. اۆتو­موبيلدى اسپانعا الىپ شىعاتىن TF-X قوندىرعىسى ءوزىنىڭ العاشقى اەروديناميكالىق سىناعىنا كىرىسىپ كەتتى. ءوندىرىس ورنى جاڭا كولىكتى 2018 جىلى جاپپاي وندىرىسكە قويعالى جاتىر. كومپانيا وكىلى ۇشۋشى اۆتومو­بيلدى جاساۋعا ماسساچۋسەتس تەحنو­لوگيالىق ينستيتۋتى ماماندارىنىڭ قاتىسقانىن مالىمدەدى. قازىرگى كۇندەرى TF-X قوندىرعىسىنىڭ ءبىرىنشى ءپروتوتيپى تاپ وسى وقۋ ور­نىنداعى اەروديناميكالىق تۇر­بادا تەكسەرۋدەن وتۋدە. ماشينا جاساۋشىلاردىڭ ايتۋلارىنشا, ۇشۋشى جابدىقتىڭ 300 اتتىڭ كۇشىنە تەڭ ەكى جىلجىمالى قانا­تى بار. سولاردىڭ كومەگىمەن TF-X ساعاتىنا 322 شاقىرىمدىق جىل­دامدىقپەن ۇشا الادى. ۇشۋ كەزىندە ماشينانى اۆتوپيلوت باسقارادى. مۇنداي قوزعالىس قۇرالىنىڭ يەسىنە كومپيۋتەرگە باراتىن جەردى ايتىپ بەرسە, جەتىپ جاتىر. سودان سوڭ ونىڭ ءوزى جولاۋ­شىنى قوناتىن نۇكتەگە بارىنشا قىسقا جولمەن ءوزى الىپ بارادى. «بولاشاقتىڭ ءاۆتوموبيلىن» ويلاپ تابۋشىلار وزدەرىنىڭ باس­تى ماقساتى جولاۋشى مەن جۇكتى «ەسىكتەن – ەسىككە» الىپ باراتىن, كا­دىمگى ماشينا ءتارىزدى گاراجعا سىيى­پ كەتە بەرەتىن كولىك جاساۋ بولىپ تابىلاتىنىن اتاپ ءوتتى. بىراق ولار وزدەرى شىعارعان يننوۆاتسيانى اۆتوموبيل رەتىندە اتاپ وتىرعان جوق. دامير قوجامقۇل. جاڭا تەكتى ءاۆتوموبيلدىڭ ۇشۋى ءساتىن حاباردىڭ سايتتاعى نۇسقاسىنان كورە الاسىزدار. https://youtu.be/wHJTZ7k0BXU