مايكلدىڭ كيىز ءۇيى

كانادالىق مايكل دجەف­فري ەسىمدى ستۋدەنت ءبىرازدان بەرى كوپ قاباتتى ۇيدەگى ءپا­تەردەن بەزىپ, ءوزى ارنايى تىگىپ العان كيىز ۇيدە تۇرىپ جاتقان كو­رىنەدى. بۇگىندە بريتان كو­لۋمبياسى پروۆينتسياسىنا قا­راستى كامپلۋپس قالاسىندا تۇ­راتىن ول Thompson Rivers ۋنيۆەرسيتەتىندە وقيدى. زا­مانعا تەز بەيىمدەلگىش جىگىت كوپ قاباتتى كوممۋنالدى ۇيلەرگە قاراعاندا, كيىز ءۇي­دە تۇرۋ الدەقايدا ارزانعا تۇسەدى دەپ ەسەپتەيدى. ونىڭ تاعى تيىمدىلىگىن ول كيىز ءۇيدىڭ موبيلدىگىمەن, ياعني تەز جي­ناپ الىپ, كوشىپ كەتۋگە بو­لاتىندىعىمەن تۇسىندىرەدى. ستۋدەنتتىڭ قازىرگى بار شىعىنى – ءۇي تىگىپ العان ورنى ءۇشىن جەر يەسىنە ايىنا 150 دوللار اقى تولەيدى ەكەن. ءۇيدىڭ ىشىنە پەش قويىپ العان, ءىس جۇزىندە ەلەكتر قۋاتىن پايدالان­بايدى. ۇيالى تەلەفونى مەن نوۋتبۋگىن جاقىن ارادا تۇرعان ءدامحانادان قۋاتتاۋعا تىرىسادى. مايكل دجەففريگە باتىس ادامىنىڭ ويىنا كى­رە بەرمەيتىن مۇنداي يدەيا الا جازداي ەدمونتونداعى دو­سىنىڭ كيىز ۇيىندە تۇرعاندا كەلسە كەرەك. «مەنىڭ ءبىر كۋرستا وقيتىن كەي دوستارىم ءبىر بولمەلى پاتەر جالداۋ ءۇشىن ايىنا 400 دوللار تولەيدى, ال مەنىڭ قانشالىق ۇنەمدەيتىنىم تۋرالى ايتىپ جاتۋ ارتىق. قازىرگى كانادالىقتار ورتالىق جىلۋ جۇيەسىنسىز ءومىر سۇرە المايدى. بارلىعىمىز جايلى ومىرگە ۇيرەنىپ العانبىز. بۇرىن جۇزدەگەن, مىڭداعان جىلدار بويى ادامدار وسىنداي ۇيدە تۇردى عوي. مۇنى ناعىز ىڭعايلى مەكەن دەپ ەسەپتەيمىن», – دەيدى ول. ايان ءابدۋالي.