مەموراندۋم – ماڭىزدى قۇجات

قازىرگى تاڭدا باسا كوڭىل بولەتىن ماسەلەنىڭ ءبىرى – وندىرىستىك كاسىپ­ورىندارداعى جۇمىس ورىندارىن ساقتاپ قالۋ. بۇگىنگى قيىنشىلىق كە­زىندە نان جەپ وتىرعان جۇمىسى­نان ايىرىلعان ادامنان وتكەن بەي­باق جوق. جانە دە مۇنىڭ كەسىرى ەڭ الدىمەن الەۋمەتتىك تۇراق­تى­لىققا تيەدى. مىنە, وسى وزەكتى ماسەلەنىڭ الدىن الۋ ءۇشىن قاراعان­دى وبلى­سىنىڭ باسشىلىعى قولدا­عى بار مۇمكىندىكتىڭ ءبارىن قاراستى­رىپ, جان-جاقتى شارالار قابىل­داپ جاتىر. وسىنىڭ ءبىر مىسا­لى رەتىندە, قارا­عاندى وبلىسى­نىڭ اكىمدىگى مەن وڭىردەگى ءىرى وندىرىستىك كاسىپ­ورىنداردىڭ ايماقتاعى ەكونو­ميكانىڭ دامۋى مەن الەۋمەتتىك تۇراقتىلىقتى ساقتاپ قالۋ جونىندەگى ءوزارا ىنتىماقتاستىق مەموراندۋمىنا قول قويعان ءىس-ارەكەتىن ايتۋعا بولادى. ءىرى كاسىپورىندار دەمەكشى, بۇ­لاردىڭ قاتارىندا «ارسەلورميتتال تەمىرتاۋ» اق, «قازاقمىس» كور­پو­راتسياسى» جشس, «جايرەم تاۋ كەن-بايىتۋ كومبيناتى» اق, «قار­تسەمەنت» اق, «تەمىرتاۋ ەلەكتر مەتال­لۋرگيا كومبيناتى» اق, «Nova تسينك» جشس سىندى الپاۋ­ىت كوم­پانيالار بار. جالپى, مە­مو­­ران­دۋمعا 23 ءىرى كاسىپورىن قول قويدى. سونداي-اق, ءىرى وندىرىستىك كاسىپ­ورىندار قاراعاندى وبلىسىن­دا­عى شاعىن جانە ورتا بيزنەس سالا­سىنداعى وندىرۋشىلەردى قولداۋعا دايار ەكەندىكتەرىن ءبىلدىردى. سونىڭ ناتيجەسىندە تاۋار ساتىپ الۋ, جۇمىس جانە قىزمەت كورسەتۋگە تاپسىرىس بەرۋ ارقىلى جالپى سوماسى 52,2 ملرد. تەڭگە بولاتىن بىرقاتار مەموراندۋمدارعا قول قويىلدى. نەگىزى, بۇل جۇمىستاردى وبلىس­تىق اكىمدىك تۇراقتى تۇردە جۇرگىزىپ كەلەدى. بۇگىنگى كۇننىڭ وزىندە وبلىس­تا وندىرىستىك ۇدەرىستەردى تۇراق­تاندىرۋ, بيزنەستىڭ ۇزاق مەرزىمدى ورنىقتىلىعى مەن جۇمىس­كەرلەردىڭ ەڭبەك قۇقىقتارىن قامتاماسىز ەتۋ ماسەلەلەرى بويىنشا اكىمدىك پەن جۇمىس بەرۋشىلەر جانە كاسىپوداقتار اراسىندا 2993 ءوزارا ىنتىماقتاستىق مەموراندۋمىنا قول قويىلعان. مۇنىڭ ىشىندە 171 ءىرى جانە 461 ورتا كاسىپورىندارمەن مە­موراندۋم مىندەتتەرى تۋرا­لى كەلىسىمگە قول جەتكىزىلدى. بۇل دەگەنىڭىز, وبلىستا تىركەلگەن ءىرى جانە ورتا كاسىپورىنداردىڭ 100%-ىن قۇ­رايدى. ال كىشى كاسىپ­ورىن­دارمەن قول قويىلعان مەمو­ران­دۋمداردىڭ سانى 2361-گە جەتكەن. وسى يگى شارالاردىڭ ناتيجە­سىن­دە, مەموراندۋم بويىنشا موينىنا مىندەتتەمە العان كاسىپ­ورىندارداعى 300 مىڭ جۇمىس ورنىن ساقتاپ قالۋعا مۇمكىندىك تۋدى. بۇل جاي عانا قۇرعاق ءسوز, قۇن­سىز قۇجات ەمەس. مەموراندۋمدا كەلىسىل­گەن شارتتاردىڭ ورىندالۋىن وبلىس اكىمدىگى ۇنەمى قاداعالاپ وتىرادى. مەموراندۋمداردىڭ مازمۇنى وبلىستىڭ الدىندا تۇرعان الەۋ­مەتتىك-ەكونوميكالىق مىندەتتەردى ەسەپكە الا وتىرىپ تۇزىلگەن. ەگەر دە ءوندىرىس كولەمى ازايىپ, ەڭبەككەرلەر جۇمىسىنان ايىرىلىپ قالار كۇن تۋىپ جاتسا تاراپتاردىڭ, اتاپ ايتقاندا, اتقارۋشى بيلىك, جۇمىس بەرۋشى جانە كاسىپوداقتاردىڭ ءىس-ارەكەتى مەموراندۋم قۇجاتتارىندا تايعا تاڭبا باسقانداي ەتىپ كورسەتىلگەن. ياعني, بۇگىنگى كۇندە مەموراندۋم – وندىرىستىك دامۋ مەن الەۋمەتتىك تۇراقتىلىقتىڭ ارا جىگىن اجىراتپاي ۇستاپ تۇرعان قۇندى دا ماڭىزدى قۇجات. قايرات ءابىلدينوۆ, «ەگەمەن قازاقستان». قاراعاندى.