ۆاگون پاركى جاڭعىرتىلادى

«زيكستو» زاۋىتى شيرەك عا­سىرعا جۋىق تەمىرجول سالاسىنا جۇك ۆا­گوندارى مەن پلاتفور­مالار شىعا­رۋمەن اينالىسىپ كەلەدى. وسى ۋاقىت بەدەرىندە ءبىراز ءتا­جىري­بە جيناقتاپ, باسەكەگە قابى­لەتتى وتان­دىق ونىمدەر يگەرۋ جونىندە ەلىمىز­دەگى جەتەكشى كاسىپ­ورىنداردىڭ بىرىنە اينالىپ وتىر. الايدا, سوڭعى كەز­دەردەگى الەمدىك قارجى داعدارى­سىنىڭ سالقىنى سالدارىنان يننو­ۆاتسيالىق تەحنولوگيالاردى ءوندى­رىسكە ەنگىزۋ ماسەلەسىندە ءبىراز قيىن­­دىق­تاردىڭ تۋىنداعانى راس. اسىرەسە, رەسەي سەكىلدى الپاۋىت مەملەكەتپەن باسە­كەلەستىككە شىداۋ وڭاي ەمەس. تى­عىرىقتان شىعۋ جولدارىن قان­شا قاراستىرعانمەن, مەملەكەتتىڭ قولداۋىنسىز العا ىلگەرىلەۋ قيىن. «قازاقستان تەمىر جولى» ۇلتتىق كومپانياسى» اق پرەزيدەنتى اسقار مامين قىزىلجار وڭىرىندە بولعان جۇمىس ساپارىندا جول­داۋداعى تاپسىرمالارعا سايكەس ەكونوميكانىڭ جەكە سەكتورلارىن دامىتۋدىڭ ارنايى قابىلدانعان باعدارلاماسى شەڭبەرىندە اتالمىش كاسىپورىندا جيىن وتكىزدى. وندا «ۆاگون پاركتەرىن جاڭعىرتۋ» جوباسى بويىنشا جۇزەگە اسىرىلاتىن باسىم باعىتتار تالقىعا سالىنىپ, وزەكتى ماسەلەلەر اياسىندا وي-پىكىرلەر الماسىلدى. ا.مامين ءوز سوزىندە ۇكىمەت ۆاگون قۇراستىرۋ ءۇشىن 17,5 ميلليارد تەڭگە بولگەنىن, نەگىزگى سالماق قىزىلجار ءوڭىرىنىڭ اۋىر ماشينا جاساۋ جۇمىسشى-قىزمەتكەرلەرىنە تۇسەتىنىن, سول سەبەپتى پلاتفورمالار مەن بيداي تاسىمالداۋ ۆاگوندارىن قۇراستىرۋ ءۇشىن جەرگىلىكتى جەرلەردەن جوعارى بەلسەندىلىك, زور ۇيىمداستىرۋشىلىق تالاپ ەتىلەتىنىن اتاپ كورسەتتى. وبلىس اكىمى ەرىك سۇلتانوۆ ۆاگون پاركىن جاڭارتۋ سالاسىندا ءوڭىر مۇمكىنشىلىگى جوعارى ەكەنىن, ەكىجاقتى ءتيىمدى ءارىپ­تەستىك قارىم-قاتىناستى دامىتۋ ويدا­عىداي ورىندالاتىنىن جەتكىزدى. «زيكستو» اق-تىڭ باس ديرەكتورى ۆالەري سپيتسىن ءونىمنىڭ وزىندىك قۇنىن تومەندەتۋ, ساپاسىن ارتتىرۋ باعىتىندا اتقا­رىلىپ جاتقان جۇمىستار ءجونىن­دە اڭگى­­مەلەدى. ونىڭ ايتۋىن­شا, 25 توننا­لىق ۆاگونداردى ءجون­دەۋدەن وتكىزۋ­دىڭ دياگنوستيكالىق ورتا­لىعىن قۇرۋ بەلگىلەنگەن. بۇگىندە ليتسەنزيالىق شارتتار ازىرلەنگەن. رەسەيلىك «ۋرال­ۆاگونزاۆود» اق-پەن كەلىسىم ورناتۋ ارقىلى جوبانىڭ ەكى نۇسقاسى جۇزەگە اسىرىلاتىن بولادى. ونىڭ ىشىندە جۇك كوتەرۋ اۋقىمدىلىعى جوعارى جارتىلاي ۆاگونداردىڭ ۇلەسى مول. كەزدەسۋدەن كەيىن «پەتروپاۆل اۋىر ما­شينا جاساۋ زاۋىتى», «كي­­روۆ اتىنداعى زاۋىت», «»مۇ­ناي­ماش» اق-تار مەن «گريبو» جشس-ءنىڭ ونىمدەرى قويىل­عان كورمە تاماشا­لاندى. «پەتروپاۆل اۋىر ماشينا جاساۋ زاۋىتى» اق-تىڭ تەمىر­جول كومپانياسىمەن بايلانىسى وزگەلەرگە ۇلگى رەتىندە ۇسى­نىل­دى. ونىڭ باس ديرەكتورى قۋا­نىش ءبيشىموۆ ون جىلدان بەرى مەملەكەتتىك تاپسىرىسپەن جۇمىس ىستەيتىندەرىن, مەملەكەت تاراپىنان كورسەتىلگەن قولداۋدىڭ ارقاسىندا ءونىم كولەمى ارتا تۇسكەنىن مالىمدەدى. ءومىر ەسقالي, «ەگەمەن قازاقستان». سولتۇستىك قازاقستان وبلىسى.