جاڭا اۋە جولى

شىمكەنتتىك SCAT اۆياكوم­پانياسى ناۋرىز ايىنان باس­تاپ الماتى – شارم-ەل شەيح – الماتى باعىتىنداعى اۋە قا­تى­ناسىن اشۋدى جوسپارلاپ وتىر. كونە مىسىر ەلىنە اۋە كەڭىستىگى اشىلاتىندىعى جونىندە ينۆەستيتسيالار جانە دامۋ مينيسترلىگىنىڭ ءباسپاسوز قىزمەتى وسىلاي دەپ حابارلادى. ءوز كەزەگىندە Fly Egypt اۋە كومپانياسى قازاقستانعا ناۋرىز ايىنان باستاپ اپتاسىنا ەكى رەت تۇراقتى رەيستەر ۇشىرۋدى كوزدەۋدە. قازاقستاننىڭ ازاماتتىق اۆياتسياسى قاجەتتى قۇجاتتارىن راسىمدەگەننەن كەيىن اۆياكوم­پانياعا وتىز كۇن ارالىعىندا رۇقسات بەرىلەدى. بۇگىندە ەكى ەل اراسىنداعى اۋە كەڭىستىگى قاۋىپسىزدىك ماسەلەلەرىن شەشۋ ماقساتىندا قازاقستان تۋريستىك قاۋىمداستىعىنىڭ قاتىسۋىمەن بىرلەسكەن جۇمىستار جۇرگىزىپ جاتىر. اۋە كەڭىستىگىنىڭ قاۋىپسىزدىك جۇيەسى شارم-ەل-شەيح حا­لىق­ارالىق اۋەجايى بارلىق تالاپ­تارعا ساي دەگەن قورىتىندىعا كەلدى. وقىرمانعا تۇسىنىكتى بولۋ ءۇشىن ارتقا شەگىنسەك, ءوت­كەن جىلدىڭ قازان ايىنىڭ سو­ڭىندا مىسىر جەرىندە رەسەي ۇشاعى اپاتقا ۇشىراعاننان كەيىن قازاقستان مەن ەگيپەت ارا­سىندا قاتىنايتىن اۆياكوم­پانيالاردىڭ قىزمەتى توقتاعان بولاتىن. بۇگىندە قۇرساۋداي قىسقان سەڭ بۇزىلدى. «بارماساڭ كەلمەسەڭ, جات بولاسىڭ», دەيدى حالىق دا­نالىعى. ونىڭ ۇستىنە, اراب كاسىپ­كەرلەرى قازاقستانعا ءىرى كولەمدە ينۆەستيتسيا سالۋدا. سوندىقتان قازاقستانعا قۇشاعى اشىق ەلمەن قايتادان بايلانىس ورناتۋدىڭ ماڭىزى زور.  باقتيار تايجان, «ەگەمەن قازاقستان». وڭتۇستىك قازاقستان وبلىسى.