ساۋالدارىنا – ۇعىنىقتى جاۋاپ

كەشە «اق جول» دەموكراتيالىق پارتياسىنىڭ مۇشەلەرى – ءماجىلىس دەپۋتاتتىعىنان ۇمىتكەرلەر نۇرلان جازىلبەكوۆ پەن دميتري ۆاسيلەۆ تالدىقورعان قالاسىندا, قوعامدىق قابىلداۋ وتكىزدى. قوعامدىق قابىلداۋعا تالدىقورعان قالاسى مەن ىرگەسىندەگى اۋدانداردان 22 ادام كەلىپ, وزدەرىن تولعاندىرعان تاقىرىپتا ساۋالدارىن قويدى. قالا تۇرعىنى, ءىى توپتاعى مۇگەدەك مەيىس­حان بوتانتاەۆا ءوزىنىڭ 10 جىلدان بەرى اكىمدىكتە 540-بولىپ تۇر­عىن ءۇي كەزەگىندە تۇرعانىن, بىراق كەزەگى­نىڭ جىلجىمايتىندىعىن, قالا تۇرعى­نى ايدا دۋدارەۆا تالدىقورعان قالا­سىن­داعى ءۇيتاس ساياجايىندا تۇرعان تۇر­عىن­داردىڭ اۋىز-سۋدىڭ جوقتىعىن ايتىپ, وسى ماسەلە تۋرالى بىرنەشە رەت اكىم­دىككە ارىز-شاعىم تۇسىرگەنىمەن, ەش­قان­داي ناتيجە بولماعانىن, ەسكەل­دى اۋدانىنىڭ تۇرعىنى وراز سىدى­قوۆ تالاي جىلدان بەرى قوعامدىق جۇمىس­تار­دا ءجۇرىپ, ارالىقتا قىسقارتۋعا ۇشى­راپ, جۇمىسسىز جۇرگەنىن ايتىپ, كومەك سۇرادى. قالا تۇرعىنى عابدىراشيت قادىروۆ بالاسىنىڭ تالاي جىلدان بەرى اسكەري قىزمەتتە بولىپ, ءبىر تۇسىنىكسىز وقيعادان كەيىن زاڭسىز سوتتالىپ كەتكەنىن ايتىپ, «اق جول» دەموكراتيالىق پارتيا­سى­نان كومەك سۇرادى. قالا تۇرعىنى باقىت سەيىتجانوۆا جەكە كاسىپكەر رەتىن­دە ءوزىنىڭ سالىق تولەۋ جاعىنان ءتۇسىن­بەۋ­شىلىك بولىپ جاتقانىن ايتتى. تال­دى­قور­عاندىق روزا دارحانوۆا تۇرعىن ءۇي ساتىپ الۋ بارىسىندا زاڭ بىلمەۋشىلىكتىڭ ءارى وزگەگە سەنىم ارتۋدىڭ سالدارىنان شى­عىنعا باتقانىن جەتكىزدى. قوعامدىق قابىلداۋعا كەلگەن ازا­مات­تاردىڭ ءبارى دە تيىسىنشە ساۋالدارىنا قاناعاتتانارلىق جاۋاپتارىن الىپ قايتتى. ال وسىنىڭ الدىندا «اق جول» پار­تياسىنىڭ باسقارما مۇشەسى نۇرلان جا­زىل­بەكوۆ باستاعان توپ وزدەرىنە بۇرىن­نان تانىس «الماتى بوياۋلارى» اتتى ءوندىرىس ورنىن ارالاعان ەدى. سەبە­بى, وسىدان 2 جىل بۇرىن اتالعان كاسىپ­ورىن اقجولدىقتاردىڭ ارالاسىپ, ىقپال ەتۋى­مەن مەملەكەتتىك باعدارلاماعا ءساي­كەس ءتۇرلى قاجەتتىلىكتەرىنە جاراتۋ ءۇشىن بيۋد­جەتتەن قاراجات العان-تىن. وسى ءوندىرىس ورنىندا 150 ادام تۇ­راقتى جۇمىس ىستەپ, ايىنا 60 مىڭ تەڭ­گەدەن جوعارى جالاقى الىپ وتىرعانى ءوز الدىنا بولەك اڭگىمە. جالپى, ريما ساۋلىقوۆا باسقاراتىن «الماتى بوياۋ­لارى» جشس تاۋلىگىنە 20 مىڭ توننادان استام 18 ءتۇرلى بوياۋ شىعارادى. قۋانارلىعى سول, وتاندىق ءوندىرىس ورنىنا قاجەتتى شيكىزات تا ءوز ەلىمىزدەن ساتىپ الى­نىپ, وڭدەلەدى. قازاقستان بويىنشا جول بەلگىلەرىن بوياۋعا قاجەتتى بوياۋلار تەك وسى ءوندىرىس ورنىنان عانا ساتىپ الىناتىندىعىن نۇرلان جازىلبەكوۆ ەرەكشە ايتتى. قورىتا ايتقاندا, «اق جول» دەمو­كرا­تيالىق پارتياسىنىڭ وكىلدەرى تالدى­قور­­عانداعى «الماتى بوياۋلارى» جشس جۇ­مىس­شىلارى وزدەرىن قولدايتىن­دارىنا ءۇمىت ءبىلدىردى. نۇربول الدىباەۆ, «ەگەمەن قازاقستان». الماتى وبلىسى.