الەۋمەتتىك پويىز سەمەيگە ايالدادى

«ماڭگىلىك ەل» پويىزى ءوس­كەمەن, زىريان, شار قالالارىندا جانە تاعى باسقا دا ەلدى مەكەن­دەردە بولعاننان كەيىن سەمەيدە ايال­دادى. سەمەيگە پويىزبەن كەلگەن 100-گە جۋىق ءتۇرلى سالا مامان­دارى تۇرعىندارعا ارنايى كومەك كور­سەتۋ باعىتىندا بىردەن جۇمىس­قا كىرىستى. ەل يگىلىگىنە قىزمەت ەتەمىز دەگەن قۇرمەتتى قوناقتاردى سالتاناتتى مارش ويناعان وركەستر­مەن جەرگىلىكتى اتقارۋشى بيلىك وكىلدەرى, تەمىرجولشىلار, زيالى قاۋىم جىلى قارسى الدى. اق كيمەشەك كيگەن اجەلەر شاشۋ شاشتى, ىزگى قادام تىلەدى. قالا اكىمىنىڭ ورىنباسارى نادەجدا شاروۆا ءوز سوزىندە پويىزدىڭ ساپارى وتە ماڭىزدى ەكەندىگىنە توقتالدى: – قۇرمەتتى قالا قوناقتارى, قادىرلى جەرلەستەر! بۇگىن ءبىز «ماڭگىلىك ەل» پويىزىن سەمەيدە قۋانا قارسى الىپ وتىرمىز. نۇرلى جولدى باعدار ەتىپ, ماڭگىلىك ەلدىڭ ىرگەسىن قالاۋدا مۇنداي الەۋمەتتىك-پاتريوتتىق شارانىڭ بەرەرى مول. اباي مەن شاكارىمنىڭ ەلىنە قوش كەلدىڭىزدەر, – دەدى قالا اكىمىنىڭ ورىنباسارى. «ماڭگىلىك ەل» پويىزى ءوس­كەمەن, زىريان, شار قالالارىندا جانە تاعى باسقا دا ەلدى مەكەن­دەردە بولعاننان كەيىن سەمەيدە ايال­دادى. سەمەيگە پويىزبەن كەلگەن 100-گە جۋىق ءتۇرلى سالا مامان­دارى تۇرعىندارعا ارنايى كومەك كور­سەتۋ باعىتىندا بىردەن جۇمىس­قا كىرىستى. ەل يگىلىگىنە قىزمەت ەتەمىز دەگەن قۇرمەتتى قوناقتاردى سالتاناتتى مارش ويناعان وركەستر­مەن جەرگىلىكتى اتقارۋشى بيلىك وكىلدەرى, تەمىرجولشىلار, زيالى قاۋىم جىلى قارسى الدى. اق كيمەشەك كيگەن اجەلەر شاشۋ شاشتى, ىزگى قادام تىلەدى. قالا اكىمىنىڭ ورىنباسارى نادەجدا شاروۆا ءوز سوزىندە پويىزدىڭ ساپارى وتە ماڭىزدى ەكەندىگىنە توقتالدى: – قۇرمەتتى قالا قوناقتارى, قادىرلى جەرلەستەر! بۇگىن ءبىز «ماڭگىلىك ەل» پويىزىن سەمەيدە قۋانا قارسى الىپ وتىرمىز. نۇرلى جولدى باعدار ەتىپ, ماڭگىلىك ەلدىڭ ىرگەسىن قالاۋدا مۇنداي الەۋمەتتىك-پاتريوتتىق شارانىڭ بەرەرى مول. اباي مەن شاكارىمنىڭ ەلىنە قوش كەلدىڭىزدەر, – دەدى قالا اكىمىنىڭ ورىنباسارى. جينالعان قاۋىم الدىندا «ماڭگىلىك ەل» پويىزىنىڭ شتاب جەتەكشىسى, تانىمال قوعام قايراتكەرى, تاريحشى, جازۋشى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى ءامىرجان الپەيىسوۆ ءسوز الىپ, ەلىمىزدەگى تاتۋلىق پەن بىرلىكتى تۋ ەتكەن الەۋمەتتىك-پاتريوتتىق اكتسيا قاتىسۋشىلارى اتىنان سە­مەيلىك جۇرتشىلىقتىڭ ىقىلا­سىنا العىس ءبىلدىردى: – بيىل ەل تاۋەلسىزدىگىنە 25 جىل تولادى, – دەدى ءا.الپەيىسوۆ. – ەل­باسىنىڭ ماڭگىلىك ەل ۇلت­تىق يدەياسىن تۋ ەتىپ, وسىناۋ الەۋ­مەتتىك-پاتريوتتىق اكتسيانى ۇيىمداستىرۋدا بىرنەشە ماق­سات كوزدەلدى. سونىڭ ءبىرى جەر-جەر­لەردە جۇرتشىلىقپەن تىعىز بايلانىس ورناتىپ, قوعامىمىزدى نىعايتاتىن شارالاردى جانداندىرۋ بولاتىن. بۇگىن سەمەيگە اتباسىن تىرەپ وتىرمىز. ۇلىلار ەلىنە ۇلكەن تولقىنىسپەن اياق باستىق. سىزدەرگە استانانىڭ ىستىق سالەمىن اكەلدىك. كەلۋدەگى ماقساتىمىز بيىلعى جىلدىڭ تاريحي جىل ەكەندىگىن حالىققا كەڭىنەن ءتۇسىندىرۋ. «100 ناقتى قادام» باعىتىندا ەرىنبەي ەڭبەك ەتىپ, ەلگە قىزمەت ەتۋگە ۇمتىلۋ. رەسپۋبليكالىق اكتسيا باع­دار­لاماسى ءتۇرلى شارالارعا تولى بولدى. سەمەيدە الەۋمەتتىك پويىز قوناقتارى №6 ەمحانا مەن تەمىرجول اۋرۋحاناسىندا بولدى. سونىڭ ارقاسىندا تۇرعىندار بىلىكتى مەديتسينا قىزمەتكەرلەرىنەن ەم-دوم قابىلداۋعا مۇمكىندىك الدى. ءبىلىم جانە عىلىم مينيسترلىگىنىڭ وكىلدەرى نازارباەۆ زياتكەرلىك مەكتەبىندە اقپاراتتىق كەڭەستەر بەردى. ءسويتىپ, قالا تۇرعىندارى ءتۇرلى اقپاراتتارعا قانىقتى. ال قالاداعى كاسىپكەرلىكتى دامىتۋ بولىمىندە شاعىن جانە ورتا بيزنەستى دامىتۋ ماسەلەلەرى ءسوز بولدى. ال دوستىق ۇيىندە ۇلتتار دوستىعى تۋرالى كەلەلى اڭگىمە قوزعالدى. اباي كىتاپحاناسىنا اتباسىن تىرەگەن حالىق «تاۋەلسىزدىك تاريحى – ۇلت رۋحىنىڭ ولشەمى» باعىتىندا ءدارىس تىڭدادى. راۋشان نۇعمانبەكوۆا.  سەمەي. سۋرەتتەردى تۇسىرگەن اۆتور.