دەلەگاتسيا قۇرامىنا رەسپۋبليكالىق سايلاۋالدى شتابتىڭ جەتەكشىسى, پارتيا توراعاسىنىڭ ءبىرىنشى ورىنباسارى اسقار مىرزاحمەتوۆ, «اتامەكەن» ۇكپ باسقارما توراعاسىنىڭ ورىنباسارى نۇرجان التاەۆ, «استانا وپەرا» تەاترىنىڭ جەتەكشى ءسوليسى مايرا مۇحامەدقىزى, «قازاقستاننىڭ مۇگەدەكتەر كونفەدەراتسياسى» رقب پرەزيدەنتى جاننات وماربەكوۆا, پارلامەنت ءماجىلىسىنىڭ V شاقىرىلىم دەپۋتاتتارى نۇرتاي سابيليانوۆ, جانات جاراسوۆ, حالىق قاھارمانى باقىتجان ەرتاەۆ, قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى داۋلەت تۇرلىحانوۆ جانە باسقالارى ەندى. كوللەدجدىڭ اعىلشىن ءتىلى ءپانىنىڭ مۇعالىمى نۇرلان ۇرىنباەۆا بىلاي دەدى: «مەن ءوز ازاماتتارىنا ەش اقىسىز ماماندىق بەرىپ, بىلىكتى دە ءبىلىمدى كاسىپ يەسى بولىپ قالىپتاسۋىنا جاعداي جاساپ وتىرعان الەمدە بىردە-ءبىر ەلدى كورگەن ەمەسپىن». «تەگىن كاسىپتىك-تەحنيكالىق ءبىلىم بەرۋدىڭ ارقاسىندا بىزدە بوس جۇرگەن جاستار بولمايدى. بۇل – وتە دۇرىس شەشىم. ءبىز «نۇر وتانعا» داۋىس بەرە وتىرىپ, پرەزيدەنتىمىزدىڭ سارابدال ساياساتىن قولدايمىز», – دەدى كوللەدج ديرەكتورىنىڭ ورىنباسارى گۇلناز ەسەمباەۆا. جيىندا بيىل الەمدەگى ەڭ ۇلكەن يادرولىق پوليگوننىڭ جابىلعانىنا 25 جىل تولعانى دا نازاردان تىس قالعان جوق. «نۇرسۇلتان نازارباەۆتىڭ سەمەي پوليگونىن جابۋ تۋرالى جارلىققا قول قويعانىنا شيرەك عاسىر بولدى. ءبىزدىڭ كوشباسشىمىز ءالى كۇنگە دەيىن يادرولىق قارۋدان ءوز ەركىمەن باس تارتقان الەمدەگى جالعىز ەل سانالادى», – دەدى ب.تىلەۋحان. سەمەي قالاسىنداعى اۆتوكولىك پەن اۋىل شارۋاشىلىعى تەحنيكالارىن شىعاراتىن «سەماز» جشس ەڭبەك ۇجىمىمەن كەزدەسۋدە شتاب مۇشەلەرى ەلباسىنىڭ يندۋستريالىق-يننوۆاتسيالىق دامۋ, قازاقستاندى الەمنىڭ دامىعان ەلدەرى قاتارىنا قوسۋعا مۇمكىندىك بەرەتىن ەكونوميكانى جاڭا قاعيداتتارعا كوشىرۋ جونىندەگى باستامالارىن جۇزەگە اسىرۋ بويىنشا العا قويعان تاپسىرمالارى تۋرالى باياندادى. ساپار سوڭىندا سايلاۋالدى شتاب مۇشەلەرى سەمەيدىڭ ارداگەرلەر جانە پاتريوتتىق ۇيىمدار بەلسەندىلەرىمەن كەزدەسىپ, «100 ناقتى قادام» ۇلت جوسپارى باعدارلاماسىنا, جاستاردى پاتريوتتىق تاربيەلەۋ, كوپۇلتتى قازاقستاندىق قوعامدى ەلىمىزدىڭ گۇلدەنۋى مەن يگىلىگى ءۇشىن بىرىكتىرۋ ماسەلەلەرىنە نازار اۋداردى.
اسقار تۇراپباي ۇلى, «ەگەمەن قازاقستان». سەمەي.
