سايلاۋعا كواليتسيا رەتىندە قاتىسۋدا

كەشە جالپىۇلتتىق سوتسيال-دەموكراتيالىق پارتيانىڭ پارلامەنت ءماجىلىسى دەپۋتاتتىعىنا ۇمىتكەرلەرى «ءبىز نەگە سايلاۋعا بارۋعا ءتيىستىمىز؟» تاقىرىبىندا ازاماتتىق تىڭداۋ وتكىزدى. پارتيانىڭ سايلاۋالدى شتابىنىڭ توراعاسى اسحات راحىمجانوۆ ءوز سوزىندە كۇن تارتىبىندە ەكى ماسەلە بار ەكەندىگىن, باسقوسۋدى ەكىنشى ماسەلەدەن باستاۋدى ءجون كورىپ وتىرعاندىعىن جەتكىزدى. ءبىز سايلاۋعا قاتىسۋشى كەز كەلگەن ساياسي پارتيامەن پىكىرسايىسقا تۇسۋگە ءازىر ەكەندىگىمىزدى مالىمدەيمىز, دەدى اسحات نۇرماعامبەت ۇلى. ءماجىلىس دەپۋتاتتىعىنان ۇمىتكەر ءۋاليحان قايساروۆ سايلاۋ كەزىندە سايا­سي پارتيالاردىڭ تۇعىرنامالارى جۇرتشىلىقتىڭ قىزىعۋشىلىعىن تۋدىراتىنىن ايتتى. بيلىككە ۇمتىلعان ساياسي پارتيالاردىڭ باعدارلاماسىنان حاباردار بولۋ زاڭدىلىق. قازاقستاندىقتاردىڭ بۇل جاعىنان بەلسەندىلىگى جوعارى. اشىق پىكىرتالاستىڭ بولۋى بۇقارانىڭ دا ىقىلاسىن تۋدىرادى. سوندىقتان ءبىز كەز كەلگەن تۇردەگى, كەز كەلگەن تاقىرىپقا وراي پىكىرتالاسقا دايىنبىز, دەدى ول. ودان ءارى قاراي شەشەندەر ازامات­تىق تىڭداۋدىڭ كۇن تارتىبىندەگى ءبىرىن­شى ماسەلە – «ءبىز نەگە سايلاۋعا بارۋ­عا ءتيىس­تىمىز؟» دەگەن تاقىرىپ اياسىن­داعى ءاڭ­گىمەگە ويىستى. ءماجىلىس دەپۋ­تات­تىعىنان ۇمىتكەر جانكەلدى شىمشىقوۆ: «ءبىزدىڭ پارتيا سايلاۋعا جەكە ءوزىنىڭ ءمۇ­شە­لەرى ارقىلى عانا قاتىسىپ وتىرعان جوق. ۇلتتىق ازاماتتىق جينالىسپەن كوا­لي­تسيا رەتىندە, ياعني «جەلتوقسان» قورى, «پارلامەنتاريزم» قورى, «سەمەي پولي­گون» قورى, قىسقاسى, 10 ازاماتتىق بىرلەس­تىكپەن بىرگە كواليتسيا رەتىندە قاتىسۋ­دا. جالپىۇلتتىق سوتسيال-دەمو­كرا­تيا­لىق پارتيا وسىلايشا ازاماتتىق قوعامدى قالىپتاستىراتىن ۇكىمەتتىك ەمەس ۇيىمداردى ءوز پارتيالىق ءتىزىمى قاتارىنا قوسىپ, اۋقىمدى ىسكە باستاماشى بولدى», دەدى. ج.شىمشىقوۆ ودان ءارى قاراي ەكو­­نو­ميكالىق داعدارىسقا قاتىستى ءوز تۇجى­­رىمدارىن ورتاعا سالدى. بۇكىل­الەمدىك بانكتىڭ بولجامدارىنا سۇيەنە وتىرىپ, 2016 جىلدىڭ ەكونوميكالىق احۋا­لىنا توقتالدى. الەمدەگى ەكونو­ميكالىق ءوسىم ورتاشا العاندا 3 پايىز­دىڭ توڭىرەگىندە بولادى دەپ بولجانىپ وتىر. ال ءۇندىستان, قىتاي, ەۋروپا ەلدەر­ىندەگى ەكونوميكالىق ءوسىمنىڭ باياۋ­لاعانى دا بەلگىلى. كورشىمىز رەسەيدە ەكونوميكالىق كورسەتكىش تومەندەيتىنىن جەتكىزدى. ۋكراي­نانىڭ دا جاعدايى ءماز ەمەس, مەشىن جىلى, الەمدىك بانكتىڭ بول­جامىنا قاراعاندا, قازاقستان ەكو­نومي­كاسى ءۇشىن دە جايلى جىل بولماي­تىن ءتۇرى بار. ۇلىبريتانيانىڭ, اقش-تىڭ بەدەلدى ساراپشىلارىنىڭ پىكىرى­نە قاراعاندا, 1998 جىلدان كەيىن ال­عاش رەت قازاقستان ەكونوميكاسىنىڭ ءوسىمى ءتو­مەندەيتىن كورىنەدى. ءسوزىنىڭ سوڭىندا ول قالىپتاسقان ەكونوميكالىق داعدارىسقا بايلانىستى ەل ۇكىمەتى ناقتى شارالار قابىلداۋ قاجەتتىگىنە نازار اۋداردى. عابيت ىسكەندەر ۇلى, «ەگەمەن قازاقستان». سۋرەتتى تۇسىرگەن ەرلان وماروۆ.