اسكەري تەحنيكانى جوندەۋ

بويىنشا قازاقستاندىق زاۋىت حالىقارالىق نارىققا شىعۋدا ۇستىمىزدەگى جىلى قازاق­ستاندىق «سەمەي ينجينيرينگ» اق زاۋىتى حالىقارالىق نارىققا شىعۋدى جوسپارلاۋدا. وتاندىق كاسىپورىننىڭ بۇل باعىتتاعى جوسپارىنا ت-72 تانكتەرىن, جاياۋ اسكەردىڭ جاۋىنگەرلىك ماشيناسى (بمپ-1) مەن ستاندارتتى جانە جاڭعىرتىلعان بتر-70 بروندى ترانسپورتەرلەرىن ىسكە اسىرۋ كىرەدى. زاۋىتتىڭ حالىقارالىق نا­رىق­قا شىعۋى دامۋدىڭ جاڭا مۇمكىندىكتەرىن اشادى. سونىمەن بىرگە, كاسىپورىن قازاقستان قارۋلى كۇشتەرى ءۇشىن جاڭا تاپسىرىستى ىسكە اسىرۋعا ءازىر. بۇگىنگى كۇنى م ۇلىك جەتكىزۋشىلەرمەن كەلىسسوزدەر وتكىزىلدى جانە رەسەيلىك «ۋرالۆاگونزاۆود» ۇوك-پەن, ۋكراينالىق «ۋكرسپەتسەكسپورت» ااق-پەن كەلىسىمشارت جاسالدى, سونداي-اق, «140-شى جوندەۋ زاۋىتى اق-پەن (بەلورۋسسيا) جانە «قازيمپەكس» جشس-مەن شارت جاساسۋ بويىنشا كەلىسسوزدەر وتكىزىلۋدە. جاقىن ارادا قازاقستان قارۋ­لى كۇشتەرىنىڭ مەملەكەتتىك قور­عانىس تاپسىرىسى شەڭبەرىندە كاسىپورىنمەن الداعى وندىرىستىك جانە تەحنولوگيالىق ۇدەرىستەردى يگەرۋ جانە وندىرىستىك جوسپاردى ناقتىلاۋ جونىندە ۇستىمىزدەگى جىلعا ارنالعان جۇمىس جۇرگىزىلەدى. بۇگىندە «سەمەي ينجينيرينگ» – «قا­زاقستان ينجينيرينگ» اق-تىڭ ەنشىلەس كاسىپورنى. ول بروندى تانك تەحنيكاسىن كۇردەلى جوندەۋدەن وتكىزەتىن جانە كونۆەر­سيالىق تەحنيكانى دايىندايتىن قازاقستانداعى بىردەن-ءبىر زاۋىت بولىپ تابىلادى. ونىڭ قىزمەتىنىڭ نەگىزگى تۇرلەرى جاياۋ اسكەردىڭ جا­ۋىن­گەرلىك ماشينالارىن, بروندى ترانسپورتەرلەردى كۇردەلى, ورتاشا جانە رەگلامەنتتىك جوندەۋ, تانكتەردى, جاۋىنگەرلىك بارلاۋ-دەسانتتىق ماشيناسىن, ت.ب. جوندەۋ بولىپ تابىلادى. كاسىپورىن, سو­نىمەن قاتار, ت-72 تانكتەرىن جاڭعىرتۋ, اسكەري جانە اسكەري-ينجەنەرلىك تەحنيكانىڭ بازاسىندا كونۆەرسيالىق تەحنيكانى كۇردەلى جوندەۋمەن جانە دايىنداۋمەن اينالىسادى. بۇگىنگى كۇنى زاۋىتتا 600-دەي ادام جۇمىس ىستەيدى. «ەگەمەن-اقپارات».