ەلوردادان شىققان «ماڭگىلىك ەل» پويىزى شىعىس وڭىرىنە كەلدى. الدىمەن اياگوز اۋدانىنداعى اقتوعاي ستانساسىنا كەلگەن پويىزداعى مەيمانداردى شىعىسقازاقستاندىقتار مەرەكەلىك كونتسەرتپەن قارسى الدى. ودان كەيىن جارما اۋدانىنىڭ شار قالاسىنا ايالدادى. جالپى, «ماڭگىلىك ەل» پويىزى شىعىس وڭىرىندە بەس قالاعا توقتادى. ونىڭ ىشىندە وسكەمەن مەن سەمەي جانە زىريان قالالارى بار. ەل تاۋەلسىزدىگىنىڭ 25 جىلدىق مەرەيتويى شەڭبەرىندە جولعا شىققان پويىز قۇرامىندا «ماڭگىلىك ەل» يدەياسى مەن بەس ينستيتۋتتىق رەفورمانى ءتۇسىندىرۋ, الەۋمەتتىك ماسەلەلەر بويىنشا كەڭەس بەرۋ ءۇشىن 96 ادامنان تۇراتىن قازاقستان حالقى اسسامبلەياسىنىڭ مۇشەلەرى, عالىمدار, ساراپشىلار ەندى. سونىمەن بىرگە, 33 بىلىكتى دارىگەر بار.
مەديتسينا قىزمەتكەرلەرى پويىز توقتاعان قالالار مەن كەنتتەردە قابىلداۋلار وتكىزىپ, حالىقتىڭ دەنساۋلىعىن تەكسەرىپ, كەڭەس بەردى. سونداي-اق, ەلىمىزدىڭ ادىلەت, ءبىلىم جانە عىلىم, دەنساۋلىق ساقتاۋ جانە الەۋمەتتىك دامۋ, يندۋستريا جانە جاڭا تەحنولوگيالار مينيسترلىكتەرىنىڭ, «اتامەكەن» ۇلتتىق كاسىپكەرلەر پالاتاسىنىڭ ساراپشىلارى جەرگىلىكتى تۇرعىنداردى قابىلداپ, كونسۋلتاتسيا وتكىزدى.
وبلىس ورتالىعىنا جەكسەنبى كۇنى جەتكەن ماڭگىلىكەلدىكتەردى قالا تۇرعىندارى «وسكەمەن-1» تەمىرجول ۆوكزالىنان شات-شادىمان كوڭىل-كۇيمەن كۇتىپ الدى.
– قازاقستاننىڭ ءىنجۋ-مارجانىنا سانالاتىن تۋعان جەرىمىزگە كەلگەندەرىڭىزگە وتە قۋانىشتىمىز. تاۋەلسىزدىگىمىزدىڭ تاريحى – تابىستى ەلىمىزدىڭ ۇلى جىلناماسى. «ماڭگىلىك ەل» – ءبىزدىڭ بابالارىمىزدىڭ ارمانى, قازاقستاندىقتاردىڭ ورتاق ۇلتتىق يدەياسى. وسىنداي كۇردەلى كەزەڭدە قازاقستان حالقى ءوزىنىڭ كەلىسىمىمەن, دوستىعىمەن, تاعاتتىلىعىمەن الەمگە ۇلگى بولىپ وتىر, – دەدى وسكەمەن قالاسىنىڭ اكىمى تەمىربەك قاسىمجانوۆ.
«ماڭگىلىك ەل» پويىزىنىڭ جەتەكشىسى ءامىرجان الپەيىسوۆتىڭ ايتۋىنشا, اتالعان جوباعا قاتىسۋشىلار ءۇشىن اباي مەن شاكارىم, مۇحتار سياقتى ۇلىلاردى سىيلاعان قاسيەتتى جەرگە اياق باسۋ – ۇلكەن قۋانىش.
– ءبىز شىعىس قازاقستان ءوڭىرىنىڭ تۇرعىندارىنا ريزا بولدىق. ويتكەنى, ءوز وتانىن سۇيەتىن ادامداردى كوردىك. ولاردىڭ جانارىنان سەنىمدىلىكتىڭ ۇشقىنىن بايقايسىز. بارلىعى ەلىمىزدىڭ گۇلدەنۋىنە, كوركەيۋىنە ەڭبەك ەتكىسى كەلەدى. 2016 جىل – ەرەكشە جىل. ءبىز بۇل جىلدى الەۋمەتتىك ماسەلەلەردى شەشۋدەن باستاپ وتىرمىز, – دەدى ول. ماسەلەن, پويىزداعى دارىگەرلەر قاۋىمى زىريان قالاسىندا – 334, شار قالاسىندا 490 ادامنىڭ دەنساۋلىعىن تەكسەرىپ, مەديتسينالىق قورىتىندى جاساعان ەكەن.
وسكەمەندە جالپىرەسپۋبليكالىق اكتسياعا قاتىسۋشىلار ءوڭىر جاستارىمەن ءدوڭگەلەك ۇستەل باسىندا كەزدەستى. مەملەكەتتىك-الەۋمەتتىك تاپسىرىستار اياسىندا جۇزەگە اسىرىلعان بىرقاتار جوبالار تانىستىرىلدى. د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە وتكەن كەزدەسۋدە «تاۋەلسىزدىك تاريحى – ۇلت رۋحىنىڭ كورسەتكىشى» تاقىرىبىمەن تۇساۋكەسەر-ءدارىسى, «ماڭگىلىك ەل – ۇلت كەلەشەگىنىڭ رۋحاني نەگىزى» اتتى ەكىجاقتى سۇحبات ءوتتى. سونىمەن بىرگە, مەيماندار س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىندە «تاۋەلسىزدىككە – 25 جىل» اتتى كىتاپ كورمەسىن تاماشالادى. قوناقتارعا ۋنيۆەرسيتەت مۇراجايى, «زياتكەر» عىلىمي-زەرتتەۋ ورتالىعى مەن ءدارىسحانالار تانىستىرىلدى. وزدەرىنىڭ ءبىلىم-ءبىلىكتەرىن كورسەتكەن جاستاردىڭ عىلىمي جوبالارى مەن وزگە دە جۇمىستارىن دەلەگاتتار جوعارى باعالادى. اۋىل شارۋاشىلىعى مەن كاسىپكەرلىكتى ورىستەتۋ بويىنشا دوڭگەلەك ۇستەلدەر ۇيىمداستىرىلدى.
ۇلتتىق كاسىپكەرلەر پالاتاسىنىڭ وكىلى قۇرالاي قاناحينا ءوڭىر كاسىپكەرلەرىنە ناۋرىز ايىنان باستاپ «كاسىپكەرلىكتى دامىتۋدىڭ ايماقتىق كارتاسى» ىسكە قوسىلىپ, بارلىق ءوڭىرلەردەگى شاعىن جانە ورتا بيزنەستىڭ دامۋ دەڭگەيى, پروبلەمالىق ماسەلەلەرى مەن الەۋەتى, كاسىپكەرلەردىڭ ۇسىنىستارى ارنايى پورتالدا جاريالانىپ, بيزنەستىڭ العا باسۋىنا تاعى دا ءبىر ەرەكشە جاعداي تۋعىزىلاتىنىن جەتكىزدى.
دۋمان اناش,
«ەگەمەن قازاقستان».
شىعىس قازاقستان وبلىسى.
ەلوردادان شىققان «ماڭگىلىك ەل» پويىزى شىعىس وڭىرىنە كەلدى. الدىمەن اياگوز اۋدانىنداعى اقتوعاي ستانساسىنا كەلگەن پويىزداعى مەيمانداردى شىعىسقازاقستاندىقتار مەرەكەلىك كونتسەرتپەن قارسى الدى. ودان كەيىن جارما اۋدانىنىڭ شار قالاسىنا ايالدادى. جالپى, «ماڭگىلىك ەل» پويىزى شىعىس وڭىرىندە بەس قالاعا توقتادى. ونىڭ ىشىندە وسكەمەن مەن سەمەي جانە زىريان قالالارى بار. ەل تاۋەلسىزدىگىنىڭ 25 جىلدىق مەرەيتويى شەڭبەرىندە جولعا شىققان پويىز قۇرامىندا «ماڭگىلىك ەل» يدەياسى مەن بەس ينستيتۋتتىق رەفورمانى ءتۇسىندىرۋ, الەۋمەتتىك ماسەلەلەر بويىنشا كەڭەس بەرۋ ءۇشىن 96 ادامنان تۇراتىن قازاقستان حالقى اسسامبلەياسىنىڭ مۇشەلەرى, عالىمدار, ساراپشىلار ەندى. سونىمەن بىرگە, 33 بىلىكتى دارىگەر بار.
مەديتسينا قىزمەتكەرلەرى پويىز توقتاعان قالالار مەن كەنتتەردە قابىلداۋلار وتكىزىپ, حالىقتىڭ دەنساۋلىعىن تەكسەرىپ, كەڭەس بەردى. سونداي-اق, ەلىمىزدىڭ ادىلەت, ءبىلىم جانە عىلىم, دەنساۋلىق ساقتاۋ جانە الەۋمەتتىك دامۋ, يندۋستريا جانە جاڭا تەحنولوگيالار مينيسترلىكتەرىنىڭ, «اتامەكەن» ۇلتتىق كاسىپكەرلەر پالاتاسىنىڭ ساراپشىلارى جەرگىلىكتى تۇرعىنداردى قابىلداپ, كونسۋلتاتسيا وتكىزدى.
وبلىس ورتالىعىنا جەكسەنبى كۇنى جەتكەن ماڭگىلىكەلدىكتەردى قالا تۇرعىندارى «وسكەمەن-1» تەمىرجول ۆوكزالىنان شات-شادىمان كوڭىل-كۇيمەن كۇتىپ الدى.
– قازاقستاننىڭ ءىنجۋ-مارجانىنا سانالاتىن تۋعان جەرىمىزگە كەلگەندەرىڭىزگە وتە قۋانىشتىمىز. تاۋەلسىزدىگىمىزدىڭ تاريحى – تابىستى ەلىمىزدىڭ ۇلى جىلناماسى. «ماڭگىلىك ەل» – ءبىزدىڭ بابالارىمىزدىڭ ارمانى, قازاقستاندىقتاردىڭ ورتاق ۇلتتىق يدەياسى. وسىنداي كۇردەلى كەزەڭدە قازاقستان حالقى ءوزىنىڭ كەلىسىمىمەن, دوستىعىمەن, تاعاتتىلىعىمەن الەمگە ۇلگى بولىپ وتىر, – دەدى وسكەمەن قالاسىنىڭ اكىمى تەمىربەك قاسىمجانوۆ.
«ماڭگىلىك ەل» پويىزىنىڭ جەتەكشىسى ءامىرجان الپەيىسوۆتىڭ ايتۋىنشا, اتالعان جوباعا قاتىسۋشىلار ءۇشىن اباي مەن شاكارىم, مۇحتار سياقتى ۇلىلاردى سىيلاعان قاسيەتتى جەرگە اياق باسۋ – ۇلكەن قۋانىش.
– ءبىز شىعىس قازاقستان ءوڭىرىنىڭ تۇرعىندارىنا ريزا بولدىق. ويتكەنى, ءوز وتانىن سۇيەتىن ادامداردى كوردىك. ولاردىڭ جانارىنان سەنىمدىلىكتىڭ ۇشقىنىن بايقايسىز. بارلىعى ەلىمىزدىڭ گۇلدەنۋىنە, كوركەيۋىنە ەڭبەك ەتكىسى كەلەدى. 2016 جىل – ەرەكشە جىل. ءبىز بۇل جىلدى الەۋمەتتىك ماسەلەلەردى شەشۋدەن باستاپ وتىرمىز, – دەدى ول. ماسەلەن, پويىزداعى دارىگەرلەر قاۋىمى زىريان قالاسىندا – 334, شار قالاسىندا 490 ادامنىڭ دەنساۋلىعىن تەكسەرىپ, مەديتسينالىق قورىتىندى جاساعان ەكەن.
وسكەمەندە جالپىرەسپۋبليكالىق اكتسياعا قاتىسۋشىلار ءوڭىر جاستارىمەن ءدوڭگەلەك ۇستەل باسىندا كەزدەستى. مەملەكەتتىك-الەۋمەتتىك تاپسىرىستار اياسىندا جۇزەگە اسىرىلعان بىرقاتار جوبالار تانىستىرىلدى. د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە وتكەن كەزدەسۋدە «تاۋەلسىزدىك تاريحى – ۇلت رۋحىنىڭ كورسەتكىشى» تاقىرىبىمەن تۇساۋكەسەر-ءدارىسى, «ماڭگىلىك ەل – ۇلت كەلەشەگىنىڭ رۋحاني نەگىزى» اتتى ەكىجاقتى سۇحبات ءوتتى. سونىمەن بىرگە, مەيماندار س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىندە «تاۋەلسىزدىككە – 25 جىل» اتتى كىتاپ كورمەسىن تاماشالادى. قوناقتارعا ۋنيۆەرسيتەت مۇراجايى, «زياتكەر» عىلىمي-زەرتتەۋ ورتالىعى مەن ءدارىسحانالار تانىستىرىلدى. وزدەرىنىڭ ءبىلىم-ءبىلىكتەرىن كورسەتكەن جاستاردىڭ عىلىمي جوبالارى مەن وزگە دە جۇمىستارىن دەلەگاتتار جوعارى باعالادى. اۋىل شارۋاشىلىعى مەن كاسىپكەرلىكتى ورىستەتۋ بويىنشا دوڭگەلەك ۇستەلدەر ۇيىمداستىرىلدى.
ۇلتتىق كاسىپكەرلەر پالاتاسىنىڭ وكىلى قۇرالاي قاناحينا ءوڭىر كاسىپكەرلەرىنە ناۋرىز ايىنان باستاپ «كاسىپكەرلىكتى دامىتۋدىڭ ايماقتىق كارتاسى» ىسكە قوسىلىپ, بارلىق ءوڭىرلەردەگى شاعىن جانە ورتا بيزنەستىڭ دامۋ دەڭگەيى, پروبلەمالىق ماسەلەلەرى مەن الەۋەتى, كاسىپكەرلەردىڭ ۇسىنىستارى ارنايى پورتالدا جاريالانىپ, بيزنەستىڭ العا باسۋىنا تاعى دا ءبىر ەرەكشە جاعداي تۋعىزىلاتىنىن جەتكىزدى.
دۋمان اناش,
«ەگەمەن قازاقستان».
شىعىس قازاقستان وبلىسى.
سوڭعى جاڭالىقتار
تۇلعا • كەشە
اۋا رايى • كەشە
يران ورمۇز بۇعازىن قايتا جاپتى
الەم • كەشە
يران اۋە كەڭىستىگىن ءىشىنارا اشتى
الەم • كەشە
ءال-فارابي داڭعىلىندا جول ەرەجەسىن ورەسكەل بۇزعاندار ۇستالدى
ايماقتار • كەشە
جەردە ماگنيتتىك داۋىل باستالدى
وقيعا • كەشە
