جەدەل جاردەمگە – جاڭا تىنىس

سەمەيدە جەدەل مەديتسينالىق جاردەم ستانساسى حالىق يگىلىگىنە پايدالانىلۋعا بەرىلدى. جاڭا دەنساۋلىق ساقتاۋ مەكەمەسىنىڭ اشىلۋىنا سەمەي قالاسىنىڭ اكىمى ەرماك ءسالىموۆ قاتىستى. – بۇل قالا ومىرىندەگى ەلەۋلى وقيعالاردىڭ ءبىرى, – دەدى قالا اكىمى. وسى جاڭا جەدەل مە­دي­تسي­نا­لىق جاردەم ستانساسىنىڭ دەنساۋلىق ساقتاۋداعى كوپتەگەن تۇيتكىلدى ماسەلەلەر­دى شەشۋگە سەپتىگىن تيگىزەتىنى انىق. تەك وسى جەلتوقسان ايىنىڭ وزىندە ءبىز قالا كولەمىندە بىرنەشە الەۋمەتتىك نىسانداردى اشىپ, پايدالانۋعا بەردىك. ماسەلەن, 2015 جىلى 13-كە تارتا بالاباقشا حالىق يگى­لىگىنە بەرىلدى. جەدەل مەديتسينالىق جاردەم ستانساسىنىڭ اشىلۋى سونىڭ زاڭ­دى جالعاسى ىسپەتتى. وسىناۋ جاۋاپتى ماماندىق جو­­­­لىندا قىزمەتتەرىڭىز ادال, كاسىپتەرىڭىز وڭدى بولسىن دەگەن تىلەك ءبىل­دىرەمىن. 2016 جىلى دا وسى باعىتتاعى جۇمىستار جال­عاسىن تاۋىپ, جاڭا جوبالار ءساتتى جۇزەگە اساتىنى ءسوزسىز. بۇدان سوڭ مەديتسينا سالاسىندا ۇزاق جىلدار ەڭبەك ەتكەن ارداگەر ەلەنا باتەن­كو­ۆا جاڭا نىسان­نىڭ پايدالانۋعا بەرىلۋى قالالىقتار ءۇشىن وتە دۇرىس ەكەنىنە توق­تا­لىپ, ادام ومىرىنە اراشاشى اق جەلەڭ جاندار­دىڭ جۇمىسىنا جىلى لەبىزىن ءبىل­دىردى.­ جاڭا جەدەل مەديتسينالىق جاردەم ستانساسى «سالامات­تى قازاقستان» مەملەكەتتىك باع­­دار­لاماسى اياسىندا ىسكە قوسىلعان ەكەن. قۇرىلىس جۇمىس­تارى وسىدان ەكى جىل بۇرىن باستالعان بولاتىن. جوبانىڭ جالپى قۇنى 1 ملرد. 538 ملن. 278 مىڭ تەڭگەنى قۇراپ وتىر. مۇندا الەمدىك ستاندارتتارعا سايكەس سوڭعى ۇلگىدەگى قۇرىلعىلار پايدالانىلادى. ولاردىڭ قا­تارىنا كي-3م وتتەگىلى ينگالياتور, دكي-ن-10 دەفيبريلليا­تور-مونيتورى, التون-103 ءۇل­گىسىن­دەگى ەك12ت ەلەكتروكارديو­گرافى. بۇگىندە سەمەي قالاسى تۇرعىندارىنىڭ سانى 350 مىڭنان اسىپ جىعىلادى. سوندىقتان, جا­ڭا­­دان اشىلعان جەدەل جاردەم ستانساسى تۇرعىندارعا دەر كەزىندە شۇعىل كومەك كورسەتۋ باعىتىندا جۇمىس جاسايتىن بولادى. بۇل ءوز كەزەگىندە اق حالاتتىلاردىڭ جۇمىسىن وڭايلاندىرىپ, قىز­مەت كورسەتۋ ساپاسىن ارتتىرا تۇسەتىنى انىق. جەدەل جاردەم ستان­سا­سىنىڭ عيماراتى ءۇش كورپۋستان تۇرادى. مۇندا ديسپەتچەرلىك قىزمەتكە ناۆيگاتسيالىق جۇيەمەن جابدىقتالعان كەڭ جايلى ورىن قاراستىرىلعان ەكەن. بۇعان قوسا ۇجىم قىزمەتكەرلەرىنە دە بارلىق جاعداي تالاپقا ساي جاسالعان. ال ءتۇرلى جيىن, باسقوسۋلاردى وتكىزۋگە ارنالعان كونفەرەنتس-زالدىڭ سىيىمدىلىعى 150 ادامعا ارنالعان. راۋشان نۇعمانبەكوۆا, جۋرناليست. سەمەي. سۋرەتتى تۇسىرگەن اۆتور.