«Gold King» زالىندا چەمپيوندار جاتتىعادى

التايباەۆتار 50 ميلليون تەڭگەگە «Gold King» سپورت كلۋبىن سالىپ بەردى قالانىڭ كۇنشىعىس بەتىندە ايتۋلى ازامات, پاۋەرليفتينگتەن ازيا چەمپيونى, بىرنەشە حالىقارالىق جارىستاردىڭ جەڭىمپازى, مەتسەنات, كاسىپكەر اندرەي التايباەۆتىڭ باستاماسىمەن تۇرعىزىلعان, ءوز قارجىسىنا سالدىرعان «Gold King» سپورت كلۋبىنىڭ جاتتىعۋ زالى سالتاناتتى جاعدايدا اشىلىپ, وعان قالا اكىمى ە. ءسالىموۆ, وسىندا تەگىن جاتتىعاتىن مۇمكىندىگى شەكتەۋلى جاندار, قالا جۇرتشىلىعى قاتىستى. – ەلباسىنىڭ قازاقستان حال­قىنا جولداۋىندا سالاماتتى ءومىر سالتىن ساقتاۋ, ادامداردىڭ بوس ۋاقىتتارىن مازمۇندى دا كوڭىلدى وتكىزۋ, سپورتپەن شۇعىلدانۋى جايلى ايتىلعانى بەلگىلى. قازىرگى تاڭدا سەمەي شاھارىندا 100 مىڭ ادام بۇقارالىق سپورتپەن شۇعىلدانادى. ولارعا 379 سپورت عيماراتتارى قىزمەت كور­­­­سەتەدى. ەندى, مىنە, اندرەي ال­تايباەۆ زامان تالاپتارىنا ساي جابدىقتالعان جاڭا پاۋەرليفتينگ جاتتىعۋ زالىن ىسكە قوستى. بۇل جەردە قالانىڭ 700-دەن استام تۇرعىنى جاتتىعۋ جاسايدى, ال وتىزدان استام مۇمكىندىگى شەكتەۋلى جانعا تەگىن قىزمەت كورسەتىلەدى. «Gold King» سپورت كلۋبىندا الەم, ازيا چەمپيوندارى تاربيەلەنىپ جاتىر, بۇدان بىلاي ولاردىڭ قاتارى تولىعا تۇسەتىنى ءسوزسىز, – دەي كەلە قالا اكىمى ەرماك بيداحمەت ۇلى جينالعانداردى قۇتتىقتادى. اندرەيدىڭ اكەسى قازاق, ۆيكتور احمەتوۆيچ التايباەۆتىڭ ما­ماندىعى بالەتمەيستر. بەلارۋس­تىڭ ۆيتەۆسك قالاسىندا وقىپ جۇرگەندە ورىستىڭ ارۋ قىزى تا­مارا ۆلاديميروۆنامەن تانىسىپ, ونىڭ سوڭى ماحابباتقا ۇلاسىپ, ەكەۋى تۇرمىس قۇرادى. اراعا جىلدار سالىپ وتانىنا ورالادى. اندرەي بالا كەزىنەن سپورت دەسە ىشكەن اسىن جەرگە قوياتىن. 1992 جىلى ەلگە ورالعان سوڭ كوممەرتسيامەن شۇعىلداندى. قالا ورتالىعىندا جاتتىعۋ زالىن سالسام دەگەن ارمانىنا ءبىر قادام جاقىنداعان اندرەي جيناعان قارجىسىنا رەسەيدەن زىلتەمىر, جاتتىعۋعا قاجەت گانتەل, ارنايى قۇرالدار ساتىپ الدى. وعان 20 ميلليون تەڭگە شىعىنداپتى. اندرەيدىڭ سپورت زالىندا بولعانىمىزدا ەڭ الدىمەن كوزگە تۇسكەن كەڭ ءارى جارىق ءبول­­­­مە­لەردە اق تەر, كوك تەر بولىپ جاتتىعىپ جاتقان ءبىر توپ ادامدى كەزدەستىردىك. مۇندا جاتتىعاتىن بىرنەشە ۇلكەن سەكتسيالار بار ەكەن. وتكەن جىلدىڭ 13-20 جەل­توقسانىندا اتالمىش كلۋبتا جاتتىعاتىن ءبىر توپ ازامات تاش­كەنتتە وتكەن ازيا جانە مۇحيت ايماعى ەلدەرى چەمپيوناتىنان 1 التىن, 4 كۇمىس جانە بىرنەشە قولا مەدالمەن ورالىپتى. اتاپ ايتقاندا, اندرەيدىڭ جۇبايى مارينا ۆاس­يلەۆنا التايباەۆا پاۋەرليفتينگتەن سىعىمداي كوتەرۋدە التىن مە­دالدى يەلەنسە, وتاعاسى اندرەي كۇمىس جۇلدەگە قول جەتكىزگەن. سەرعالي قايىرباەۆ, سەرىكقالي ءازىلحانوۆ, ياكوۆ يونين ازيا چەمپيوناتى­نىڭ كۇمىس جۇلدەگەرى اتاندى. رەتى كەلگەندە ايتا كەتۋ كەرەك, اندرەي التايباەۆ الەم جانە ازيا چەمپيوناتتارىندا ءبىر­نەشە مارتە توپ جارعان جانە جۇلدەلى ورىندارعا قول جەت­كىزگەن اتان جىلىكتى, ءزىل­تەمىردى كوتەرۋدىڭ اسقان شەبەرى. 2014 جىلى بىشكەكتە وتكەن ازيا چەمپيوناتىندا 120 كەلى سالماقتا پا­ۋەرليف­تينگتەن قارسىلاستا­رىن ايقىن باسىمدىقپەن جەڭگەنى بار. ول 260 كەلى سالماقتى سىعىمداي كوتەردى. قازىر جاتتىعۋ زالىندا وتىزعا تارتا مۇمكىندىگى شەكتەۋلى جاندار جاتتىعادى. ءبىز سولار­دىڭ بىرنەشەۋىمەن تىلدەستىك. كەم­باعال جاندار التايباەۆتىڭ قايى­رىمدىلىعىنا ەرەكشە رازى. – بۇرىن دا اتىمتاي جومارت ازامات ءبىزدىڭ تەگىن, الاڭسىز جات­تىعۋىمىزعا جاعداي جاساپ كەلگەن. جاڭا سپورت زالىندا ەكى-ءۇش ساعات جاتتىعۋ جاساعان كەزدە ءبىر جاساپ قالامىز. قايىرىمدى ازاماتقا العىستان باسقا ايتا­رىمىز جوق, – دەيدى ولگا ليۋبيموۆا دەگەن ايەل. سەمەي قالالىق دەنە شىنىق­تىرۋ جانە سپورت ءبولىمىنىڭ باسشىسى مۇرات مۇرساحان ۇلى ان­درەي التايباەۆتىڭ جاتتىعۋ زا­لىندا سپورت شەبەرلەرى مەن حالىقارالىق جارىستاردا جاقسى ناتيجەگە جەتكەن ورەندەرگە جە­ڭىلدىك جاسايتىنىن, ءتىپتى, تەگىن قىزمەت كورسەتەتىنىن ايتا كەتتى. وسى كلۋبتا جاتتىعىپ جۇرگەن ۆ.پرياحين, ۆ.فولمان, يا.يونين, س.شيشكين, زاكير نايمانباەۆ, باسقا دا ساڭلاقتار الەم, ازيا بىرىنشىلىكتەرىندە بىرنەشە مارتە توپ جارعان, جۇلدەلەردى بولىسكەن. وبلىستىق ءماسليحاتتى ۇزاق جىلدار باسقارعان گ.پينچۋك, كەزىندە اۋىر اتلەتيكادان قازاقستاننىڭ ءۇش دۇركىن چەمپيونى بولعان, ازيا­نىڭ التىنىن ولجالا­­عان 67 جاستاعى ۆ.گ.بابيچەۆ, حالىق­­­ارالىق دارەجەدەگى سپورت شەبەرى, 2015 جىلى نوۆوسىبىردە وتكەن الەم چەمپيوناتىندا التىن مەدالدى يەلەنگەن گريگوري كوبرين, باسقا دا اتاعى الىسقا كەت­كەن سوم بىلەكتى, زىلتەمىردى تۋلاقشا يلەگەن ازاماتتاردى جاتتىعۋ زالىنان كەزدەستىرگەندە ەل ەرتەڭىنىڭ قازىرگىدەن دە جارقىن بولاتىنىنا كوز جەتكىزدىك. وڭداسىن ەلۋباي, جۋرناليست. سەمەي.