سەمەيدىڭ كيىزىنە ماسكەۋلىكتەر قىزىعىپ وتىر

قازاقستاننىڭ ايازدى, بوراندى كۇنىندە دالادا ەڭبەك ەتەتىن جۇمىسكەرلەرگە, قۇرىلىسشىلارعا پيما اۋاداي قاجەت. سىرتتا ءجۇ­رە­تىندەردىڭ اسىرەسە, اياقتارى توڭ­باۋى اسا ماڭىزدى. اياقتارى توڭسا دەنساۋلىقتارىنان ايرىلىپ, بەرە­كەلەرى كەتەدى. سول ءۇشىن دە ولار كو­بىنە «روزا» جشس جاسايتىن پيمانى ساتىپ الىپ جاتادى. بۇگىندە كاسىپورىننىڭ جاساعان پيمالارى سۇرانىسقا يە بولعان. كاسىپكەرلەر ەۋرازيالىق ەكونوميكالىق وداق اياسىندا تاۋارلارىن ءتيىمدى باعامەن ساتىپ, پايداعا كەنەلۋگە مۇمكىندىك تۋىپ وتىرعانىن ايتادى. جەرگىلىكتى كيىز باسۋ كومبيناتى مەملەكەتتىڭ قولداۋىمەن قايتا جاڭعىرتىلدى. جاقىندا كاسىپورىن وزىق قۇرال-جاب­دىق ساتىپ الىپ, ءونىمنىڭ ساپاسىن حا­لىقارالىق دەڭگەيگە جەتكىزدى. سەمەي­دىڭ كيىز باسۋ كومبيناتىنىڭ ءونىم­دەرى ەلىمىزدە عانا ەمەس, شەتەلدەرگە دە كەڭىنەن تانىلعان. 20 جىلدان بەرى جۇمىس ىستەپ كەلە جاتقان «روزا» جاۋاپكەرشىلىگى شەكتەۋلى سە­رىك­تەستىگىنىڭ پيمالارى مەن اياق كي­ىم­­دەرىنە سۇرانىس ءبىر باسەڭسىگەن ەمەس. – ءبىزدىڭ كيىزدەن جاسالعان اياق كيىمدەر تۇتىنۋشىلاردىڭ كوڭىلىن باياعىدا-اق جاۋلاپ العان, – دەيدى تىگىن تسەحىنىڭ شەبەرى الەنا چە­رەجە­دينوۆا. – ويتكەنى, تازا ءجۇن­نەن جاسالادى. پيمالارىمىز قىس­تىڭ قاقاعان ايازىنا توتەپ بەرسە, ەتىكتەر مەن تاپىشكەلەرىمىز دە جوعارى تالعاممەن جاسالعان, وتە ىڭعايلى. سوڭعى جىلدارى كاسىپورىن مەملەكەتتىڭ قولداۋىمەن اۋقىمدى جاڭعىرتۋدان ءوتتى. «دامۋ» كاسىپكەرلىكتى دامىتۋ قورىنان الىنعان قارجىعا زاماناۋي قوندىرعىلار ساتىپ الىنىپتى. قازىر ەڭبەك ونىمدىلىگى ارتىپ, ءونىم ساپاسى الدەقايدا جاقساردى دەيدى مۇنداعىلار. جاقىندا سەمەي كيىز ونىمدەرىنە رەسەي استاناسى – ماسكەۋدەن سۇرانىس ءتۇسىپتى. العاش­قى كەلىسىمشارتتار دا جاسالعان. كوم­بينات كورشى مەملەكەتكە 100 تون­نا­دان ارتىق كيىز جىبەرۋگە كەلى­سىپتى. «روزا» جشس جەتەكشىسى حا­ريس ساي­فۋتدينوۆتىڭ ايتۋىنشا, ولار سەمەيلىك ونىمدەر تۋرالى عالام­توردان بىلگەن ەكەن. ءبىز جارتى ورام كيىز جىبەرگەنىمىزدە ماسكەۋلىكتەر زەرتحانالىق تەكسەرۋلەر جاساپ كورىپ, ساپانىڭ وتە جوعارى ەكەندىگىنە كوز جەتكىزگەن. رەسەيگە كيىز ونىمدەرىن بىزدەن العان ءتيىمدى, ويتكەنى, سەمەي­دەگى شيكىزات قورى وتە مىقتى. جەرگىلىكتى تۇرعىندار دا كومبينات ونىمدەرىن جوعارى باعالايدى. پيمالار مەن ەتىكتەر اياققا جۇمساق ءارى جىلى. وتاندىق تاۋارلار جا­قىندا «قازاقستاننىڭ ۇزدىك تاۋارى» وبلىستىق بايقاۋىندا دا بيىك تۇعىردان كورىنۋى تەگىن ەمەس. وسىدان ون جىل بۇرىن ءجۇن جەتپەي جاتاتىن. بۇل كۇندەرى وبلىستا مال باسى وسكەندىكتەن, شيكىزاتتان كەدەرگى جوق. بارلىق اۋداننان مال ءجۇنى اكەلىنىپ تاپسىرىلادى ەكەن. راۋشان نۇعمانبەكوۆا. سەمەي.