فرانتسيانىڭ بەلگىلى رەجيسسەرى قايتىس بولدى

استانا. 30 قاڭتار. فرانتسيانىڭ بەلگىلى رەجيسسەرلەرىنىڭ ءبىرى جاك ريۆەتت 87 جاسىندا قايتىس بولدى. ءومىرىنىڭ سوڭعى جىلدارىندا قاۋىپتى التسگەيمەر اۋرىمەن اۋىرىپ كەلگەن. بۇل تۋرالى lenta.ru سايتىنا سىلتەمە جاساعان egemen.kz ءتىلشىسى حابارلادى. ايگىلى رەجيسسەر 1950 جىلدارى قىزمەتىن كينوسىنشى رەتىندە باستاعان. بىرنەشە باسىلىمداردىڭ اشىلۋىنا سەبەپكەر بولدى. فرانتسياداعى ەڭ ءىرى Les Cahiers du cinema جۋرنالىنىڭ بىرنەشە جىل باس رەداكتورى بولعان. 1960 جىلى ەڭ العاشقى «پاريج بىزگە تيەسىلى» ءفيلمىن ءتۇسىردى. الەمگە اتى كەڭىنەن تارالعان جان ليۋك گودار, فرانسۋا تريۋففو, كلود شابرول سىندى رەجيسسەرلەرمەن بىرلەسىپ «جاڭا تولقىن» دەپ اتالعان كينەماتوگرافياداعى جاڭا اعىمنىڭ نەگىزىن قالادى. فرانسۋا تريۋففونىڭ ايتۋىنشا, «جاڭا تولقىن» جاك ريۆەتتىڭ ارقاسىندا پايدا بولعان. اتالعان باعىت كينو سالاسىندا كوپتەگەن جاڭاشىلدىقتارىن الىپ كەلدى. فيلم بارىسىندا سيۋجەتتىڭ كۇتپەگەن جەردەن وزگەرىپ كەتۋى, ديناميكاسى, ءتۇسىرىلىمنىڭ جاڭا قىرلارى كورەرمەنگە جول تارتتى. جاك ريۆەتتىڭ باستاۋىمەن تۇسىرىلگەن «موناح ايەلى» (1966), «ەسسىز ماحاببات» (1968), «سەلين مەن جيۋلي ناعىز سۋايت» (1974), سونداي-اق, 13 ساعاتتان تۇراتىن «ماعان جولاما» (1971) فيلمدەرى كينو تاريحىنداعى ەڭ ۇزاق فيلم بولىپ ەسەپتەلەدى. ايان ءابدۋالي. دەرەك: lenta.ru. سۋرەت: rian.com.ua.