1,5 ميلليون ەۋروعا كەلىسىمشارت جاسالدى

الماتىدا ءىى ورتالىقازيالىق «نانونىمدەرى-2016» فورۋمى اياقتالىپ, ورتالىق ازيانىڭ 200-گە تارتا كاسىپورنى قاتىسقان جيىندا قۇرال-جابدىقتارمەن قامتاماسىز ەتۋ, قوسپالار مەن قىزمەت تۇرلەرىن كورسەتۋ جونىندە 1,5 ميلليون ەۋرونىڭ كەلىسىمشارتى جاسالدى. فورۋمعا كونديتەرلىك, نان ونىمدەرىن پىسىرەتىن قۇرال-جابدىقتار مەن ونىڭ قوسپالارىن دايىندايتىن Revent (شۆەتسيا), Miwe (گەرمانيا), Diosna (گەرمانيا), ۆوسحود (رەسەي), شمز ( شەبەكينسكي ماشينوسترويتەلنىي زاۆود, رەسەي), Jac (بەلگيا), Rondo (شۆەيتساريا), Wachtel (گەرمانيا), Aichinger (گەرمانيا), Ireks (گەرمانيا), KenFood (گرەتسيا), Gostol (سلو­­ۆەنيا), ماسلودەل (قازاقستان), ModernBakery (قازاقستان), JAF Partners (قازاقستان) سياقتى وتاندىق جانە الەمدىك ءىرى ويىنشىلار قاتىستى. «داعدارىس جاعدايىندا ور­تالىق ازيادا نان-بولكە جانە كونديتەر ونىمدەرىن ءوندىرۋدى دامىتۋ» اتتى بيىلعى فورۋم اياسىندا نان-بولكە جانە كونديتەر ونىمدەرىن ءوندىرۋدى جاڭعىرتۋ مەن كومپانيانىڭ وندىرىستىك قۋاتىن ارتتىرۋدا شەتەلدىك ينۆەستورلاردى تارتۋ, جاڭا جۇمىس ورىندارىن اشۋ, ءونىم ساپاسىن ارتتىرۋ, مەملەكەت تاراپىنان الەۋمەتتىك قولداۋدىڭ ارقاسىندا كىشى جانە ورتا بيزنەستى دامىتۋ, ءىرى كاسىپورىنداردى جاڭعىرتۋ ماسەلەلەرى تالقىلاندى. فورۋمعا قىرعىزستاننىڭ, وزبەكستان مەن تاجىكستاننىڭ, رە­سەي مەن بەلورۋسسيانىڭ, ەۆرو­وداققا مۇشە ەلدەردىڭ نان-بولكە, كونديتەر, ۇن شىعارۋمەن اينا­لىساتىن كاسىپورىندارى, قو­عامدىق تاماقتانۋ ورىن­دارى­نىڭ, باقىلاۋ-قاداعالاۋ ورىن­دارىنىڭ, جەرگىلىكتى مەملەكەتتىك ورگاندار وكىلدەرى قاتىستى. ايناش ەسالي, «ەگەمەن قازاقستان».