تارازي تارتۋى

استاناداعى ۇلتتىق اكا­دەميالىق كىتاپحاناعا – جازۋشى, مەملەكەتتىك سىيلىقتىڭ لاۋرەاتى, قا­زاقستاننىڭ ەڭبەك سىڭىرگەن قايراتكەرى اكىم تارازي ءوزى جيناستىرعان كىتاپ توپتامالارىن سىيعا تارتتى. جازۋشىنىڭ ءوز توپ­تامالارىن كىتاپحاناعا تاپ­سىرۋىنىڭ سەبەبى – كى­تاپحانا ۇجىمى مەن بەلگىلى قالامگەردىڭ بىرنەشە جىلدان بەرى شىعارماشىلىق بايلانىستا بولۋى. 2007 جىلدان باستاپ اكىم ءورتاي ۇلى «ءبىر ەل – ءبىر كىتاپ» اكتسياسىن ۇيىمداستىرۋ كوميتەتى توراعاسىنىڭ ورىنباسارى بولسا, بۇل جولى قالامگەر كىتاپحانادا وتكىزىلگەن ءىس-شارانىڭ قۇرمەتتى قوناعى بولىپ كەلدى. ويتكەنى, جازۋشى كىتاپ توپتامالارى كوپكە قولجەتىمدى بولىپ, وقىرمانداردىڭ بەلسەندى پايدالانۋىنا جاعداي جا­سالعانىن قالايدى ەكەن. اكىم تارازي «جازا» رو­مانى ءۇشىن 1989 جىلى مەملەكەتتىك سىيلىق السا, 2011 جىلى جازۋشى «الەم ادەبيەتىن دا­مىتۋعا قوسقان ۇلەسى ءۇشىن» فرانتس كافكا اتىن­داعى حالىقارالىق ادەبي سىيلىقتىڭ لاۋرەاتى اتاعىنا يە بولدى. قالامگەردىڭ قالامىنان «تاسجارعان», «بۇلتقا سالعان ۇياسىن», «كەن», «جازا», «شەر», «قور­­قاۋ جۇلدىز», «ماحاببات جىرى», «قيانات», «مۇس­تافا شو­قاي» روماندارى, «قۇيرىقتى جۇلدىز», «ۇلكەن اۋىل», «اسۋ-اسۋ» پوۆەستەرى جانە «كۇلمەيتىن كومەديا», «جاقسى كىسى», «جولى بولعىش جىگىت» اتتى پەسالار تۋدى. سونداي-اق, جازۋشى – «تۇلپاردىڭ ءىزى», «قاراش-قاراش وقي­عاسى», «ارمان-اتامان», «مۇستافا شو­قاي» فيلم­دەرى ستسەناريىنىڭ اۆتورى. ءا.تارازيدىڭ بىرقاتار كىتاپتارى ورىس, قىتاي, اعىلشىن, ۆەنگەر, بولگار, نەمىس, فين جانە چەح تىلدەرىنە اۋدارىلعان. جازۋشى ستۋدەنتتىك جىل­­دارىنان كىتاپتار جيناي باستاپ, ءار جىلداردا جازۋشى كىتاپحاناسى ادەبيەتتەرمەن, ەڭ الدىمەن كور­كەم تۋىندىلارمەن جانە تاريح, فيلوسوفيا, ءتىل ءبىلىمى بويىنشا عىلىمي-تانىمدىق ەڭبەك­تەرمەن تولىقتىرىلدى. بۇگىنگى سىيعا تارتىلعان توپتامالار – 979 كىتاپ ەكەن. وسى توپتامادان ونىڭ يەسىنىڭ ەنتسيكلوپەديست, وي-ءورىسى كەڭ, ىنتا-ىقىلاسى جوعارى, تەرەڭ ءبىلىمدى تۇلعا ەكەن­دىگىن بىلەمىز. توپتامانىڭ با­سىم بولىگى قازاق اقىن-جازۋشى­لارىنىڭ, كور­نەكتى قوعام جانە مەملەكەت قايراتكەرلەرىنىڭ شىعار­مالارىنان, قازاق­ستان تاريحى, مادەنيەتى تۋرالى كىتاپتاردان تۇرادى. سونداي-اق, مۇندا شەت­ەل ادەبيەتتەرى دە ۇسىنىلدى. توپ­تامالارعا قوسىمشا اكىم تا­رازيدىڭ مەموريالدى ەكسپوناتتارى: جازۋ ۇستەلىنە ارنالعان جيىن­تىق, پلاكات, باسپا ماشىنكەسى پاپكا جانە جازۋ قۇرالى دا بار. كىتاپحاناداعى اقپا­رات­تىق-بيبليو­گرافيالىق سەر­ۆيس قىز­مەتىنىڭ مامان­دارى اكىم تارازي شى­عارماشىلىعى بويىنشا بي­بليوگرافيالىق كور­سەتكىش ءازىر­لەپ, كور­سەتكىشكە «اكىم تارازيدىڭ بيوگرافياسى», «تارازي تۋرالى ويلار», «اكىم تارا­زيدىڭ شى­عارمالارى», «اكىم تارازيدىڭ مەر­زىمدى باسىلىم بەتتەرىندە جا­رىق كورگەن ماقالالارى» (1969-2015 جىلدار), «اكىم تارازيدىڭ دراماتۋرگياسى», «اكىم تارازي شەتەل دەرەككوزدەرىندە», «اكىم تارازيدىڭ اۋدار­مالارى», «ستسە­ناري اۆتورى – اكىم تارازي», «اكىم تارازيدىڭ ءومىرى مەن شىعار­ماشىلىعى تۋرالى», «ەلەكتروندى رەسۋرستار» اتتى بولىمدەر, سونداي-اق جازۋشى تۋرالى ينتەرنەت رەسۋرس­تار دا كىرىستىرىلگەن. باسى­لىم ادەبيەتتانۋشى عا­لىمدارعا, جوو مەن مەكتەپ وقىتۋشىلارىنا, ستۋ­دەنت­تەرگە, وقۋشىلارعا, كى­تاپ­حانا­­شىلارعا, سونداي-اق اكىم تارازيدىڭ ءومىرى مەن شىعارما­شىلىعىن زەردەلەيتىن وقىرمان قا­ۋىم­عا ارنالعان. سالتاناتتى شاراعا ەلى­مىزدىڭ زيالى قاۋىم وكىلدەرى مەن وقىر­مان­دار قاتىسىپ, قۋانىش سۇل­تانوۆ, جابال ەرعاليەۆ سياقتى قوعام قايراتكەرلەرى بەلگىلى قا­لامگەردىڭ ونەگەلى ءىس-شارا­سىنا ريزا­شى­لىقتارىن ءبىلدىرىپ, جازۋشىنىڭ قابى­لەت-قارىمىنا توقتالىپ ءوتتى. بەرىك سادىر, «ەگەمەن قازاقستان».