«بارمۋت قۇبىجىعى» قايدان شىقتى؟

كوپشىلىك بۇدان كوپ جىلدار بۇرىن شوتلان­دياداعى لوح-نەسس كولىنەن تابىلىپ, ءالى كۇنگە دەيىن ءوزىنىڭ نەندەي زات ەكەنى جونىندە ءبىر تۇجىرىمعا كەلتىرتپەي جۇرگەن قۇبىجىقتى ءالى ۇمىتا قويماعان شىعار. ەندى, مىنە, جۇمباقتىعى مەن اتاعى جاعىنان سوعان پارا-پار تاعى ءبىر قۇبىجىقتىڭ دەرەگى شىعىپ جاتىر. جاڭا تىرشىلىك يەسى دە وسى بريتانيا ارالى اۋماعىنان تابىلدى. ول بىرىككەن كورولدىككە قاراستى ۋەلس جەرىندەگى بارمۋت كولىن مەكەندەيدى ەكەن. قازىر ونىڭ دەرەگى شىققالى بەرى بۇل ماڭايدى شولىپ, قۇبىجىقتى سۋرەتكە ءتۇسىرىپ الۋعا قۇشتارلار سانى ارتىپ كەلەدى. وسىعان وراي عالىمدار بۇلاردىڭ ەكەۋىن دە جەرگە قاتىسسىز, بىزبەن پاراللەل الەمنەن كەلگەن جاندىكتەر دەگەن بولجامعا كوبىرەك دەن قويا باستادى. ايتپەسە, بۇلاردى ۇستاپ الۋ دا, ءتىپتى الىستان سۋرەت پەن ۆيدەوعا ءتۇسىرۋ دە نەگە مۇمكىن بولماي تۇر؟ مامانداردىڭ پىكىرىنشە, قۇبىجىقتىڭ ۇزىندىعى كەمىندە وتىز مەتر بولادى. وكىنىشكە قاراي, فوتو تىم الىستان تۇسىرىلگەن. سوندىقتان, بۇدان دا گورى ناقتى مالىمەتتەر ايتۋ قيىنعا سوققان. ۋەلس تۇرعىندارى وسى ۇلكەن كەسىرتكەنى العاش رەت وتكەن عاسىردىڭ باسىندا جاعاجايدان ءبىر ايەل بايقاعانىن ايتادى. دالىرەگى, ول سۋ جاعاسىنان ۇلكەن ءتورت ءىزدى كورگەن. ونىڭ تاڭباسىنا قاراعاندا, دەنەسى كەمىندە پىلگە جەتەعابىل بولۋى ءتيىس ەدى. كەيىنىرەك, 1937 جىلى ءبىر كىسى جاعادا سەرۋەندەپ جۇرگەن قۇبىجىقتىڭ ءوزىن كورگەن. ونىڭ كولەمى الىپ قولتىراۋىننىڭ اۋماعىنان كەم بولماعان. 1975 جىلى اتالمىش تىرشىلىك يەسى تاعى دا كوزگە ءتۇسىپ قالىپتى. بۇل جولى ونى وقۋشى قىزدار بايقايدى. مىنە, ەندى بارمۋت قالاسى ماڭىنان اتالعان قۇبىجىق تاعى كورىنىپتى. جانە ونى سۋرەتكە ءتۇسىرىپ قالۋدىڭ دا ورايى كەلگەن. زەرتتەۋشىلەر وسىدان سوڭ جەردىڭ پاراللەل الەممەن بايلانىسى جونىندەگى گيپوتەزانى تاعى قوزعاي باستادى.  دامير قوجامقۇل.