ەل سەنىمىن اقتاۋ – ابىرويلى ءىس

*دەلەگاتتار لەبىزى «نۇر وتان» پارتياسىنىڭ XVIءى سەزىنە قاتىسۋعا قوستاناي وبلىسىنان ارنايى دەلەگاتسيا كەلدى. ولاردىڭ اراسىندا ءارتۇرلى سالا ماماندارى, ءىرى كاسىپورىنداردىڭ جەتەكشىلەرى, زيالى قاۋىم, ۇكىمەتتىك ەمەس جانە جاستار ۇيىمدارىنىڭ وكىلدەرى جانە پارتيا فيليالدارىنىڭ باسشىلارى مەن قىزمەتكەرلەرى بار. وسى ورايدا, ءبىز اتالعان دەلەگاتسيانىڭ بىرقاتار مۇشەلەرىمەن تىلدەسكەن ەدىك. ليۋدميلا گالتسوۆا, «نۇر وتان» پارتياسى قوستاناي وبلىستىق فيليالى ساياسي كەڭەسىنىڭ مۇشەسى, «جايلاۋ» ساۋىقتىرۋ كەشەنىنىڭ باس دارىگەرى: – مەن ەلباسى نۇرسۇلتان نازارباەۆ توراعاسى بولىپ تابىلاتىن «نۇر وتان» پارتياسىنىڭ سەزىنە ءبىرىنشى رەت قاتىسايىن دەپ وتىرعانىم جوق. بۇعان دەيىن دە پارتيامىزدىڭ وسىنداي القالى جيىنىنا قاتىسىپ, كوپتەگەن ماڭىزدى شەشىمدەردىڭ ەل يگىلىگى ءۇشىن قابىلدانۋىنا ءوز داۋىسىمدى بەرگەن بولاتىنمىن. مىنە, ماعان پارتيامىزدىڭ سەزىنە تاعى دا قاتىسۋعا مۇمكىندىك تۋىپ تۇر. بۇل – مەن ءۇشىن ۇلكەن قۋانىش. جالپى, پارتيامىزدىڭ كەزەكتەن تىس ءXVIى سەزىنىڭ قوعامىمىز ءۇشىن ءمان-ماڭىزى جوعارى. ويتكەنى, سەزدە پارتيانىڭ سايلاۋالدى باعدارلاماسى قابىلدانىپ, ۇيىمىمىزدىڭ اتىنان دەپۋتاتتىققا ۇمىتكەرلەر انىقتالادى. ال پارتيا اياسىندا قولعا الىناتىن بۇل شارۋالاردىڭ قوعام ومىرىنە تىكەلەي قاتىسى بولاتىنى ايتپاسا دا تۇسىنىكتى. ميحايل داۋەنوۆ, «نۇر وتان» پارتياسىنىڭ مۇشەسى, ۇلت­تىق قاۋىپسىزدىك كوميتەتىنىڭ گەنەرال-مايورى, ا.بايتۇرسىنوۆ اتىنداعى قوستاناي مەملە­كەتتىك ۋنيۆەرسيتەتى رەكتورىنىڭ كەڭەسشىسى: – ەلباسى ساياساتىن قولداۋدا, حالىقتىڭ الەۋمەتتىك جاعدايىن ارتتىرۋ باعىتىنداعى جۇ­مىستاردا بەلسەندى ءىس-قيمىلىمەن ەرەكشەلەنەتىن پارتيامىزدىڭ سەزىنىڭ شاقىرىلۋى – شىن مانىندە ۇلكەن وقيعا. وزدەرىڭىز بىلەسىزدەر, ءماجىلىس دەپۋتاتتارى ەلباسىنا ۇندەۋ جولداپ, ءماجىلىس سايلاۋىن كەزەكتەن تىس وتكىزۋدى سۇراعان بولاتىن. دەپۋتاتتاردىڭ بۇل باستاماسى قازاقستان ازاماتتارى تاراپىنان كەڭىنەن قولداۋ تاۋىپ, سودان كەيىن, ياعني 20 قاڭتار كۇنى پرەزيدەنت نۇرسۇلتان نازارباەۆ بەسىنشى شاقىرىلعان پارلامەنت ءماجىلىسىن تاراتۋ جانە ءماجىلىس دەپۋتاتتارىنىڭ كەزەكتەن تىس سايلاۋىن وتكىزۋ تۋرالى جارلىققا قول قويعان-دى. بۇل تاريحي شەشىم بولدى. ويتكەنى, قازىرگى داعدارىس يەكتەپ, ءتۇرلى سىن-قاتەرلەر ەلەڭدەتكەن ۋاقىتتا بۇل قادامنىڭ ءتيىمدى ەكەنى انىق. نەگىزىندە, ۋاقىت تالابىنان تۋىنداپ وتىرعان جاڭا مىندەتتەردى ورىنداۋ ءۇشىن قوعامعا سەرپىلىس كەرەك. سول ءۇشىن دە جاڭا ءماجىلىس جاساقتالعانى ءجون. وسى ورايدا پارتيامىزعا حالىقتان جاڭا سەنىم مانداتىن الۋعا مۇمكىندىك تۋىپ تۇر. يبراش ەستاەۆ, «نۇر وتان» پارتياسىنىڭ مۇشەسى, ەكونوميكا عىلىمدارىنىڭ كانديداتى, «سۆەتلىي دجاركول» جشس ديرەكتورى: – شىن مانىندە, قازىرگى تاڭدا «نۇر وتان» پارتياسىنىڭ ەلىمىزدەگى بەدەلى وتە جوعارى. ءبىزدىڭ ۇيىم قۇرىلعالى بەرى ەلىمىزدىڭ دامۋىنا, حالقىمىزدىڭ ءال-اۋقاتىن جاقسارتۋعا بايلانىس­تى كوپتەگەن جۇمىستار اتقارىپ كەلەدى. مۇنىڭ بارلىعىنا حالىق كۋا. وزدەرىڭىز بىلەسىزدەر, بۇگىندە داعدارىس الەگى, ءتۇرلى سىن-قاتەرلەر بارشامىزدى الاڭداتىپ وتىر. پارتيامىزدىڭ وسىنداي جاعدايدا ءوز سەزىن وتكىزىپ, وتكەندى ءبىر قورىتىندىلاپ, الدا تۇرعان مىندەتتەردى جاڭا قارقىنمەن ەڭسەرۋگە نيەت ءبىلدىرۋى قۇپتارلىق ءىس. سەزدە قارالاتىن ماسەلەلەر وتە ماڭىزدى. وندا قابىلداناتىن شەشىمدەر حالىق كوڭىلىنەن شىعادى دەپ ەسەپتەيمىن. سەرىكباي شايماعامبەتوۆ, «نۇر وتان» پارتياسى قوستاناي وبلىستىق فيليالى ءباسپاسوز قىزمەتىنىڭ جەتەكشىسى: – «نۇر وتان» پارتياسىنىڭ ءXVIى سەزىنە قوستاناي وڭىرىنەن 50-دەن استام دەلەگات كەلدى. ولاردىڭ بارلىعى دا وسىناۋ بەدەلدى سەزگە قاتىسۋعا مۇمكىندىك العاندارىنا وتە قۋانىشتى. قوستانايلىق دەلەگاتتار الداعى سايلاۋ ناۋقانىنىڭ ەل ومىرىندەگى ورنىن جەتە تۇسىنەدى. قازىرگى تاڭدا ءبىزدىڭ پارتيامىزدىڭ حالىقپەن تىعىز بايلانىسا جۇمىس ىستەۋدە مول تاجىريبەسى بار. «نۇر وتان» پارتياسى قوستاناي وبلىستىق فيليالى دا ءوز كەزەگىندە ەل الدىنداعى جاۋاپكەرشىلىگىن تەرەڭ ءتۇسىنىپ, حالىق سەنىمىنە سەلكەۋ تۇسىرمەي قىزمەت كورسەتىپ كەلەدى. جالپى, سەزدىڭ كۇن تارتىبىنە شىعارىلاتىن ماسەلەلەر بەلگىلى. وندا قوزعالاتىن جاعداياتتار, قابىلداناتىن شەشىمدەر ەل-جۇرتىمىزدىڭ كوكەيىندە جۇرگەن ارمان-تىلەگىمەن ۇندەستىك تابادى دەپ ويلايمىن. ويتكەنى, وسىناۋ اۋقىمدى شارا حالىق يگىلىگى ءۇشىن اتقارىلىپ جاتقانى كۇمان تۋدىرمايدى. دايىنداعان جولدىباي بازار, «ەگەمەن قازاقستان».