ارىپتەستىك ىنتىماقتاستىق نىعايۋدا

استاناداعى مەملەكەتتىك قىزمەت سالاسىنداعى وڭىرلىك حاب باسقارۋشى كوميتەت توراعاسى ءاليحان بايمەنوۆ فرانتسيانىڭ قازاقستانداعى ەلشىسى فرانسيس ەتەنمەن كەزدەستى. وندا كوميتەت توراعاسى اتالعان قىزمەتتىڭ نەگىزگى باعىتىنا توقتالدى. ول وڭىرلىك حاب ەكونوميكالىق ىنتىماقتاستىق جانە دامۋ ۇيىمى, تمد, ورتالىق ازيا جانە ASEAN مەملەكەتتەرىن قامتيتىن, جالپى سانى 32 قاتىسۋشى-ەلدەن تۇراتىنىن ايتتى. بۇل ۇيىمنىڭ گەوگرافيالىق اۋقىمىنىڭ كەڭەيۋى مەملەكەتتىك قىزمەت جۇيەسىندەگى رەفورمالار قاجەتتىگىنىڭ ارتىپ وتىرعانىن بىلدىرەدى. كەزدەسۋ بارىسىندا تاراپتار ەكىجاقتى قارىم-قاتىناستاردىڭ ءارى قاراي دامۋ ماسەلەلەرىن تال­قىلادى. سونداي-اق, شارادا فرانتسيا ەل­شى­سىنىڭ حاب قۇرىلعانىنا ءۇش جىل تولۋىنا وراي ۇيىم داستىرىلاتىن حالىقارالىق كونفەرەنتسياعا قاتىسۋ بارىسى پىسىقتالدى. ءوز كەزەگىندە فرانسيس ەتەن مىرزا كەزدەسۋدىڭ ۇيىمداستىرىلعانىنا العىسىن ءبىلدىردى. ول وڭىرلىك حاب پەن فرانتسيا اراسىنداعى ىنتىماقتاستىقتى دامىتۋدىڭ ماڭىزدىلىعىن ەرەكشە اتاپ ءوتتى. جالپى, استاناداعى مەملەكەتتىك قىزمەت بويىنشا وڭىرلىك حاب ايماق ەلدەرى ءۇشىن مەملەكەتتىك قىزمەت سالاسىندا ۇزدىكسىز تاجىريبە مەن ءبىلىم الماسۋدىڭ ينستيتۋتتىق نەگىزى رەتىندە قۇرىلعان. بۇگىندە استانا سينگاپۋرمەن مەملەكەتتىك قىزمەت سالاسىنداعى ءبىلىم مەن تاجىريبەنىڭ, ايماقتىڭ وكىلەتتى ورگاندارى ءۇشىن بىرلەسە جۇمىس ىستەۋدىڭ ورتالىعىنا اينالىپ وتىر. العاش قۇرىلعان كەزدە, فرانتسيانى قوسا العاندا, 25 قاتىسۋشى مەملەكەتتەن قۇرىلعان استانا حابىنا تاعى 7 ەل مەن 5 حالىقارالىق ۇيىم قوسىلدى. تالعات رايىمبەك, «ەگەمەن قازاقستان».