الدا – اسقارالى اسۋلار
بۇگىن استاناداعى تاۋەلسىزدىك سارايىندا «نۇر وتان» پارتياسىنىڭ كەزەكتەن تىس حVII سەزى وتەدى.
بۇگىن استاناداعى تاۋەلسىزدىك سارايىندا «نۇر وتان» پارتياسىنىڭ كەزەكتەن تىس XVIءى سەزى ءوز جۇمىسىن باستايدى. مەملەكەت باسشىسى, «نۇر وتان» پارتياسىنىڭ توراعاسى نۇرسۇلتان نازارباەۆتىڭ قاتىسۋىمەن وتەتىن القالى جيىنعا ەلىمىزدىڭ بارلىق وڭىرىنەن 2200 ادام كەلدى. ولاردىڭ 600-دەن استامى ساياسي ۇيىمنىڭ ايماقتىق فيليالدارى ساياسي كەڭەستەرىنىڭ كەڭەيتىلگەن وتىرىستارىندا سايلانعان دەلەگاتتار. سەزد بارىسىندا پارتيانىڭ سايلاۋالدى باعدارلاماسى قابىلدانىپ, پارلامەنت ءماجىلىسى دەپۋتاتتارىن سايلاۋدىڭ پارتيالىق ءتىزىمى بەكىتىلمەك ءارى پارتيا ساياسي كەڭەسىنىڭ قۇرامىنداعى وزگەرىستەر قارالماق.
«نۇر وتان» پارتياسىنىڭ كەزەكتەن تىس ءXVIى سەزىنىڭ شاقىرىلۋى قوعام تاراپىنان ساياسي ءمانى زور وقيعا رەتىندە قاراستىرىلۋدا. ويتكەنى, ەلباسى ساياساتىن قولداۋدا, مەملەكەتىمىزدىڭ الەۋمەتتىك-ەكونوميكالىق باعىتىن ايقىنداۋدا ءوزىنىڭ بەلسەندى ارەكەتىمەن تانىلىپ, حالىق سەنىمىنە سەلكەۋ ءتۇسىرمەي كەلە جاتقان پارتيانىڭ سەزىنە ەشكىم دە بەيجاي قارامايتىنى انىق.
قوعامدى ودان ءارى دەموكراتيالاندىرۋدى كوزدەيتىن ەكونوميكالىق جانە ساياسي رەفورمالاردى جۇزەگە اسىرۋدى, ازاماتتاردىڭ ءومىر ءسۇرۋ دەڭگەيىن كوتەرۋدى, تۇراقتىلىق پەن ورنىقتى دامۋدى قامتاماسىز ەتۋدى, ۇلتارالىق جانە كونفەسسياارالىق كەلىسىمدى نىعايتۋدى, وسكەلەڭ ۇرپاقتى ەل-جۇرتىمىزدى سۇيۋگە, ۇلتتىق قۇندىلىقتارىمىزدى باعالاپ, قادىرىن بىلۋگە ۇندەۋدى باستى ماقساتى سانايتىن, سونداي-اق, وسى باعىتتاعى ناتيجەلى جۇمىستارىنىڭ ارقاسىندا ەل سەنىمىنە يە بولعان «نۇر وتان» پارتياسى قازىرگى داعدارىس جاعدايىندا حالىققا ودان سايىن جاقىنداپ, ەلمەن ەتەنە بولا ءتۇسۋى كوڭىلگە جىلىلىق ۇيالاتپاي قويمايدى. اسىرەسە, پارتيانىڭ كوپتەگەن جاسامپاز ىستەردىڭ باستاماشىسى بولىپ وتىرعانى دا نازار اۋدارتادى. سونداي-اق, پارتيانىڭ قوعامىمىزداعى ءتۇرلى ماسەلەلەردى حالىقپەن بىرگە شەشۋ ءىسىندە تاجىريبەسى مول. مىنە, بۇل اتالعان جاعداياتتار, ىرگەلى ىستەر بارشا قازاقستاندىقتاردىڭ وسىناۋ ساياسي ۇيىمعا دەگەن سەنىمىن نىعايتا تۇسەتىنى انىق.
الەمدەگى قالىپتاسىپ وتىرعان ەكونوميكالىق جاعدايدىڭ اۋىرلىعىنا قاراماستان ەلباسى, پارتيا توراعاسى نۇرسۇلتان نازارباەۆتىڭ العا ۇلكەن مىندەتتەر قويۋى ساياسي ۇيىمنىڭ جاۋاپكەرشىلىگىن ارتتىرا تۇسەرى ءسوزسىز. سوندىقتان دا نۇروتاندىقتارعا, اسىرەسە, سەزگە قاتىسۋشى دەلەگاتتارعا كوبىرەك سالماق تۇسەتىنى انىق. «نۇر وتان» پارتياسىنىڭ كەزەكتەن تىس ءXVIى سەزىنە قاتىسىپ وتىرعان ايماقتىق فيليالدار ساياسي كەڭەستەرىنىڭ كەڭەيتىلگەن وتىرىستارىندا سايلانعان دەلەگاتتار, بارشا نۇروتاندىقتار بۇل جاۋاپكەرشىلىك جۇگىن ابىرويمەن كوتەرەدى دەپ ويلايمىز.
ايتا كەتەيىك, سەزگە قاتىسۋ ءۇشىن رەسپۋبليكامىزدىڭ بارلىق ءوڭىرلەرىنەن كەلگەن دەلەگاتتاردى كۇتىپ الۋ ءىسى ءوز دەڭگەيىندە ۇيىمداستىرىلدى. ماسەلەن, كەشە قوستاناي وبلىسىنان كەلگەن دەلەگاتسيانى كۇتىپ الۋعا ءبىز دە كۋا بولدىق. قوستانايلىق دەلەگاتتارمەن سۇحباتتاسۋ بارىسىندا ولاردىڭ سەزد جۇمىسىنا قىزۋ دايىندىقپەن كەلگەنى انىق اڭعارىلىپ تۇردى.
ولاردىڭ بارلىعى دا وسىناۋ ايتۋلى جيىنعا قاتىسۋعا ءمۇمكىندىك العاندارىنا ءدان ريزا ەكەندەرىن ءسوز ەتە كەلىپ, ونداعى قارالاتىن ءماسەلەلەردىڭ ەلىمىزدىڭ بۇگىنى مەن ەرتەڭى ءۇشىن وتە ماڭىزدى ەكەنىن جەتكىزدى.
«وسىمەن «نۇر وتان» پارتياسىنىڭ بەس سەزىنە قاتىسپاقپىن. 2000 جىلدان بەرى پارتيا ءمۇشەسىمىن. بۇل جولى دا حالقىمىز ءۇشىن اسا ماڭىزدى, جاۋاپتى سۇراقتار تالقىلاناتىن جيىنعا قاتىسىپ, ءوز داۋىسىمدى بەرەمىن», – دەيدى «نۇر وتان» پارتياسى فەدوروۆ اۋداندىق فيليالى توراعاسىنىڭ ءبىرىنشى ورىنباسارى ەۆگەنيا جدانوۆا.
جالپى, ەلىمىزگە تانىمال بەدەلدى ازاماتتار, «قازاقستاننىڭ ەڭبەك ەرى», «حالىق قاھارمانى» اتاقتارىنىڭ يەگەرلەرى, ءارتۇرلى سالا ماماندارى, ءىرى كاسىپورىندار جەتەكشىلەرى, عىلىم جانە شىعارماشىلىق ينتەلليگەنتسيا, ۇكىمەتتىك ەمەس جانە جاستار ۇيىمدارىنىڭ وكىلدەرى, «ءۇزدىك باستاۋىش پارتيا ۇيىمى» رەسپۋبليكالىق بايقاۋى جەڭىمپازدارى, پارتيا فيليالدارىنىڭ بەلسەندى قىزمەتكەرلەرى قاتىسىپ جاتقان «نۇر وتان» پارتياسىنىڭ كەزەكتەن تىس ءXVIى سەزىنەن كۇتەرىمىز كوپ. ال ازىرگە سەزد جۇمىسى قالاي تۇيىندەلەتىنىن توسا تۇرايىق.
جولدىباي بازار,
«ەگەمەن قازاقستان».
پارتيامىز بەن حالىقتىڭ ماقسات-مۇددەسى ۇندەس
جامبىل جەرىنەن «نۇر وتان» پارتياسىنىڭ كەزەكتەن تىس XVII سەزىنە قاتىسۋ ءۇشىن 44 دەلەگات كەلدىك. ۇلتىمىزدىڭ سيمۆولىنا, وتانىمىزدىڭ جۇرەگىنە, تاۋەلسىزدىگىمىزدىڭ تىرەگىنە اينالعان استانا تورىندە وتكەلى وتىرعان بۇل سەزدە ءبىزدىڭ پارتيا الداعى 5 جىلدىققا جاڭا ماقساتتار مەن مىندەتتەر قويۋدى كوزدەپ وتىرعانى انىق. ءوتكەن كەزەڭدەردى سارالايتىن بولساق, پارتيا ءوزىنىڭ العا قويعان مىندەتتەرىن ورىنداپ, كوپتەگەن ماسەلەنى مەرزىمىنەن بۇرىن شەشتى. ەلباسى, «نۇر وتان» پارتياسىنىڭ ءتوراعاسى ن.ءا.نازارباەۆ ەلىمىز تاۋەلسىزدىك العان العاشقى ساتتەن باستاپ مەملەكەتتىڭ وركەندەۋى مەن قوعامنىڭ جان-جاقتى دامۋىنا ايرىقشا ءمان بەرىپ كەلەدى. وسى جىلدار ىشىندە قازاقستان بارلىق سالادا قارقىندى دامۋ جولىنان ءوتتى. ەلىمىزدىڭ الەم مەملەكەتتەرى اراسىنداعى بەدەلى ارتىپ, باستاماشىلىق بەيبىت يدەيالارى ۇلكەن قولداۋعا يە بولدى. وسىنىڭ بارلىعى – ەلباسىنىڭ دارا ساياساتىنىڭ جەمىسى, «ءبىر جاعادان باس, ءبىر جەڭنەن قول» شىعارعان جاسامپاز حالقىمىزدىڭ ەرەن ەڭبەگىنىڭ جەڭىسى. سوندىقتان, ەلىمىزدەگى ەڭ ءىرى ساياسي كۇش رەتىندە بۇل سايلاۋعا مىندەتتى تۇردە قاتىسۋدى كوزدەپ وتىر. العاشقى قۇرىلعان كۇنىنەن باستاپ ءبىزدىڭ پارتيا تىڭ باستامالار كوتەرىپ, مەملەكەتتىك جاۋاپتى شەشىمدەردىڭ قابىلدانۋىنا ۇيىتقى بولىپ ءجۇر. ول ەلدىڭ ءمۇددەسىن قورعايتىن, حالىقتىڭ كەرەگىن جوقتايتىن ناعىز حالىقتىق پارتيا ەكەنىن كورسەتىپ كەلەدى. سول سەبەپتى دە, وتكەن سايلاۋلاردىڭ بارىندە كوپشىلىكتىڭ سەنىمىنە يە بولدى. ۋاقىت – زىمىران. بۇگىنگى كۇننىڭ تالابى ىرعالىپ-جىرعالۋدى كوتەرمەيدى. مىنە, وسى كەزەڭدە «نۇر وتان» شىن مانىندە حالىق ءمۇددەسى جولىنداعى پارتيا ەكەندىگىن دالەلدەدى. بۇل ورايدا دامۋ قارقىنىن ۇدەتە ءتۇسۋگە جامبىلدىقتاردىڭ دا قوسىپ وتىرعان ۇلەسى زور. «نۇر وتان» پارتياسى – حالىقتىڭ قامىن ويلاعان ساياسي كۇش. بۇل – نۇروتاندىقتار ءۇشىن وتە جاۋاپتى ناۋقان. وسى سەزدە حالىقتىڭ كوبىرەك سەنىمىنە يە بولۋ ماسەلەسى جان-جاقتى تالقىلانىپ, زەردەلەنەدى جانە مەجەلى ءمىندەتتەرى بەلگىلەنەدى. ءبۇگىندە بارشا قازاقستاندىقتاردىڭ سەنىمدى سەرىگىنە اينالعان «نۇر وتان» پارتياسىنىڭ ەلىمىزدىڭ الەۋمەتتىك-ەكونوميكالىق تۇرعىدان دامۋىنا جانە ءوسىپ-وركەندەۋىنە قوسقان ۇلەسى سۇبەلى. نۇرلى بولاشاققا جول باستاعان «نۇر وتان» بۇگىندە حالقىنىڭ قامىن, جۇرتىنىڭ مۇقتاجىن, جاستاردىڭ بولاشاعىن ارىدەن ويلايدى. ءويتكەنى, پارتيا – قازىرگى تاڭدا ءوزىندىك بەت-بەينەسى مەن ساياسي ۇستانىمى ورنىققان ەلىمىزدەگى جەتەكشى ساياسي ۇيىم. ەندەشە, بۇل سەزدە پارتيا مۇشەلەرى تاراپىنان ءۇلكەن بەلسەندىلىك كۇتەمىز. ويتكەنى, ىشكىپارتيالىق جۇمىستار ارقاشاندا جاڭا باستامالارمەن جانە تىڭ ويلارمەن ساباقتاسىپ, دامىپ وتىرادى. بۇل ءىس-شارا پارتيا جۇمىسىن جانداندىرۋعا باعىتتالعان ۇتىمدى ۇسىنىس-پىكىرلەر ايتۋعا مول مۇمكىندىكتەر بەرەدى دەپ ويلايمىن. مەملەكەت باسشىسى ايتقانداي, «بويدىڭ ەمەس, بيىك ويدىڭ» شارالارىن ۇيىمداستىرۋ كەزەك كۇتتىرمەس تىرلىك بولعالى تۇر. قالاي ايتساق تا, «نۇر وتان» پارتياسىنىڭ ماقسات-مۇددەسى قازاقستان حالقىنىڭ ماقسات-مۇددەسىمەن ۇندەس. ويتكەنى, پارتيانىڭ تىلەگى – بىرلىك, تىلەۋى – بەرەكە, ماقساتى – ىنتىماق, كوزدەگەنى – ۇلت تۇتاستىعى مەن ەلىمىزدەگى قوعامدىق-ساياسي احۋالدىڭ تۇراقتىلىعى. سونىمەن قاتار, كوپۇلتتى قازاقستان حالقىنىڭ جارقىن ءومىر ءسۇرۋى مەن الەۋمەتتىك-تۇرمىس جاعدايىن كوتەرۋ, قۇقىقتىق ءادىلدىكتىڭ الەۋەتىن ورنىقتىرۋ بولىپ تابىلادى. سەمبەك سەيدازىموۆ, «نۇر وتان» پارتياسى جامبىل وبلىستىق فيليالى جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستىڭ توراعاسى, وبلىستىق ءماسليحاتتىڭ دەپۋتاتى, سەزد دەلەگاتى. جامبىل وبلىسى.ءوزارا ءىس-قيمىل كەلىسىمى
ەلباسى «ۇلت جوسپارى – قازاقستاندىق ارمانعا باستايتىن جول» اتتى باعدارلامالىق ماقالاسىندا جاڭعىرتۋدىڭ تەك قۋاتتى مەملەكەت پەن ۇلتتىڭ توپتاسقاندىعى جاعدايىندا عانا تابىستى بولاتىنىن ەستەن شىعارماۋ ءتيىستىلىگىن, ول تارتىپكە باستايتىنىن اتاپ كورسەتكەن بولاتىن. سوعان وراي, الدا بەس ينستيتۋتتىق رەفورما بويىنشا «100 ناقتى قادامدى» جۇزەگە اسىرۋ نۇروتاندىقتار ءۇشىن دە نەگىزگى ءىس-قيمىل ارقاۋىنا اينالىپ, كۇندەلىكتى قىزمەتىندە كورىنىس تاۋىپ وتىر. ويتكەنى, بۇگىنگىدەي جاھاندىق ەكونوميكالىق قيىندىقتاردىڭ ءدۇمپۋى ەرەكشە سەزىلىپ تۇرعان كەزەڭدە پارتيانىڭ تاريحي جاۋاپتىلىعى ارتۋمەن قاتار, ەل تاعدىرى ءۇشىن زور تالاپتار جۇكتەلەتىنى ايتپاسا دا تۇسىنىكتى. ساياسي ۇيىمنىڭ نەگىزىن قالاۋشى ەلباسىنىڭ باسشىلىعىمەن قازاقستان حالقى ەكونوميكاسى سەرپىندى دامىعان قوعام جانە دەموكراتيالىق مەملەكەت قۇرىپ, ءححى عاسىردىڭ ورتاسىنا تامان وتىز ەلدىڭ قاتارىنا كىرۋ سەكىلدى ۇلان-عايىر تاريحي مىندەتتەر تۇر. وسى رەتتە «نۇر وتان» پارتياسى وتانىمىزدى مەكەن ەتەتىن جۇزدەگەن ۇلت پەن ۇلىستى ۇيىستىراتىن, پرەزيدەنتىمىزدىڭ مەملەكەتتىك باعىتىن ورىنداۋدى قامتاماسىز ەتەتىن بىرەگەي ساياسي كۇش رەتىندە تانىمال ەكەنىن ايتا كەتكەن ءجون. پارتيانىڭ حV سەزىندە قابىلدانعان «نۇر وتان. نۇرلى بولاشاق جولىندا!» تۇعىرناماسىندا انىق جازىلعانداي, بار باقىتىمىزدىڭ باستاۋى, نەگىزگى جەتىستىگىمىز تاۋەلسىزدىك بولسا, باستى يدەيامىز – قازاقستاندى وركەندەتۋ. قازىرگى تاڭدا ەلىمىزدى سەرپىندىرەك, داۋلەتتىرەك وركەندەتۋدىڭ العىشارتتارى جان-جاقتى جاسالعانىن كۇندەلىكتى ومىردە ايقىن سەزىنىپ ءجۇرمىز. الىسقا بارماي-اق, ۋنيۆەرسيتەت ومىرىنەن مىسالدار كەلتىرۋگە بولادى. رەسپۋبليكاداعى ىرگەلى وقۋ ورداسى قازاقستاننىڭ اككرەديتتەۋ جانە رەيتينگ اگەنتتىگى كەڭەسىنىڭ شەشىمىمەن 5 جىل مەرزىمگە اككرەديتتەۋدەن ءساتتى ءوتتى. دەمەك, وسى ۋاقىت ىشىندە ءوزىنىڭ جوعارى مارتەبەسىن ساقتاي الادى دەگەن ءسوز. ەلباسى ۇسىنعان ءوزارا ءىس-قيمىلدىڭ جاڭا قاعيداتتارىندا ءبىلىمدى ۇرپاق دايىنداۋعا ەرەكشە ءمان بەرىلگەن. ۋنيۆەرسيتەت تۇلەكتەرى ەڭبەك نارىعىندا سۇرانىسقا يە, باسەكەگە قابىلەتتى بولۋ جۇمىستارىن جان-جاقتى جۇرگىزۋگە ەرەكشە ءمان بەرىپ وتىرمىز. وتكەن جىلى راديوتەحنيكا, ەلەكترونيكا, اقپاراتتىق جۇيە (باكالاۆريات پەن ماگيستراتۋرا), ينفورماتيكا (باكالاۆريات) ماماندىقتارى بويىنشا الەمدىك ستاندارتقا ساي ديپلومدار الۋ قۇقىعىن يەلەندىك. ۋنيۆەرسيتەت تاجىريبەسىندە قازىرگى ءبىلىمنىڭ وزىق داستۇرلەرىن تەرەڭ مەڭگەرۋ ماقساتىمەن وزىق تەحنولوگيالار جۇيەلى قولدانىلادى. بۇل قادامدار عىلىمي-زەرتتەۋ جۇمىستارى اياسىندا يننوۆاتسيالىق جۇيەنى ەنگىزۋگە, ەكونوميكالىق بىلىكتى كادرلار ازىرلەۋگە, ءبىلىم ساپاسىن جەتىلدىرۋگە وڭ ىقپال ەتەرى ءسوزسىز. جالپىعا ورتاق تابىستىڭ باستى فاكتورلارى – بىرلىك پەن كەلىسىم, ءتول مادەنيەت پەن رۋحانيلىق, ادىلەتتى الەۋمەتتىك ساياسات, زياتكەرلىك ۇلت. ءتيىمدى مەملەكەتتىك باسقارۋ جولىندا «نۇر وتان» پارتياسىنىڭ كەزەكتەن تىس فورۋمى ناقتى باعىت-باعدار ۇستاپ, مەملەكەت پەن ازاماتتىق قوعامنىڭ ءوزارا ءتيىمدى ءىس-قيمىل باعدارلاماسىن تاعى ءبىر ايقىنداپ بەرەتىنى انىق. جانار تالاسباەۆا, م.قوزىباەۆ اتىنداعى سقمۋ جانىنداعى ءتىل ينستيتۋتىنىڭ ديرەكتورى, فيلولوگيا عىلىمدارىنىڭ كانديداتى, سەزد دەلەگاتى. سولتۇستىك قازاقستان وبلىسى.جاڭا باعدارلاما قابىلدانادى, جاڭا يدەيالار ايتىلادى
قازىر الەم ەلدەرىنىڭ قارجىلىق احۋالى دا, ەكونوميكالىق وركەندەۋى دە بارشانى الاڭداتىپ وتىر. ويتكەنى, الەمدىك ەكونوميكانىڭ ورگە باسۋىنا وزىندىك اسەرى مول مۇناي باعاسىنىڭ بىرەسە قىمباتتاپ, بىرەسە ارزانداپ, سان قۇبىلۋى جاھان جۇرتىن عانا ەمەس, كوپتەگەن ەلدەردى دە تىعىرىققا تىرەي باستادى. بۇل, ارينە, ەكسپورتقا مۇناي تاسىمالداۋشى ەلدەر قاتارىنداعى ءبىزدىڭ وتاندىق ەكونوميكاعا اسەر ەتەرى داۋسىز. دەگەنمەن, قازاقستان حالقى ەلباسى نۇرسۇلتان نازارباەۆتىڭ قارجى داعدارىسىنا قارسى ءىس-شارالار جاساقتاپ, وتاندىق ەكونوميكانى وركەندەۋ ىرعاعىنان جاڭىلدىرمايتىن ساياساتىنىڭ جەمىسىن كورىپ وتىر. جالپى, الەم ەلدەرى قارجى داعدارىسى مەن مۇناي باعاسىنىڭ قۇلدىراۋىنان زارداپ شەكتى دەگەنىمىزبەن, مۇنىڭ سالقىنى وتاندىق ەكونوميكاعا تيە قويعان جوق. تاۋەلسىز قازاقستاننىڭ بولاشاعىنا سەنەتىن وتانداستارىمىز «نۇر وتان» پارتياسىنىڭ سەزىندە ەلىمىزدىڭ الەۋمەتتىك-ەكونوميكالىق وركەندەۋ كوكجيەگىن ودان ءارى كەڭەيتۋدى كوزدەگەن باعدارلامالىق قۇجات قابىلدانارىنا ءۇمىت ارتادى. ويتكەنى, ەل-جۇرت «نۇر وتان» پارتياسىن حالىققا جاقىن پارتيا دەپ تانيدى. ونىڭ باستى سەبەبى – «نۇر وتان» ءۇشىن ءوتىنىش ايتۋشىلاردىڭ ءبارىنىڭ تالابى ماڭىزدى, سونىڭ ىشىندە, قاراپايىم تۇرعىنداردى تولعاندىرعان ماسەلەلەرگە دەن قويىپ, وڭ شەشىمىن تابۋىنا اتسالىسادى. وسىعان دالەل رەتىندە, سوڭعى جىلدارى «نۇر وتان» پارتياسىنا ءوتىنىش ايتۋشىلار, قوعامدىق قابىلداۋ بولىمىنە كەلۋشىلەر قاتارى ەسەلەپ ارتقانىن ايتۋعا بولادى. ەلدىڭ ىقىلاسى جەتەكشى پارتيانىڭ باعدارلاماسىنا اۋىپ وتىر. وسى جولى دا قاراپايىم تۇرعىندار «نۇر وتان» سەزىندە ەلباسى, پارتيا كوشباسشىسى نۇرسۇلتان نازارباەۆ بۇل سەزدە ەلىمىزدى الەمدىك قارجى داعدارىسىنا ۇرىندىرماي, امان الىپ شىعاتىن باعدارلاما ۇسىنادى دەپ زور ءۇمىت ارتىپ وتىر. ءوزىم دە ءدال سولاي بولارىنا سەنەمىن. ويتكەنى, پارتيا توراعاسى بۇعان دەيىن دە ءبىرنەشە باعدارلامالاردىڭ ىسكە اسۋىنا ۇيىتقى بولىپ كەلەدى. ماسەلەن, سونىڭ ءبىرى رەتىندە «ءماڭگىلىك ەل» قۇجاتىن ازىرلەۋگە بەرگەن تاپسىرماسىن ايتۋعا بولادى. تەگىندە «ماڭگىلىك ەل» بولۋ بابالارىمىزدان جەتكەن امانات بولۋىمەن ۇلتىمىزدىڭ ۇلى مۇراتىنا اينالدى. ەندى وسى ۇلى مۇراتتى ىسكە اسىرۋدىڭ پراكتيكالىق كەزەڭىنە قادام باسۋمەن بىرگە, وسى ماقساتتاعى ۇلت جوسپارى دا جاساقتالدى. ۇلت جوسپارى بارشا قازاقستاندىق ءۇشىن تەمىرقازىقتاي باعدارلى قۇجاتقا اينالىپ وتىر. بۇل جوسپارداعى بەس ينستيتۋتتىق رەفورما وتاندىق ەكونوميكانى جاڭا دەڭگەيگە كوتەرۋگە, جالپى, ەل يگىلىگى ءۇشىن جۇمىس ىستەيدى دەپ ويلايمىن. سونىمەن بىرگە, باسەكەگە قابىلەتتى ۇلت قالىپتاستىرۋ – ەلدىڭ ەرتەڭى ءۇشىن ماڭىزدى قادام بولماق. مۇنىڭ ءار وڭىردە, ءار اۋداندا, ءار اۋىلدا جەمىستى ىسكە اسىرىلۋىنا «نۇر وتان» پارتياسى اتسالىسا بەرەدى. ويتكەنى, ءبىزدىڭ پارتيانىڭ باستى ماقساتى – ەڭ الدىمەن, ءاربىر ايماقتا, ەلدى مەكەندە, كەنتتە جانە اۋىلدا تۇرعىنداردىڭ ءال-اۋقاتىن ارتتىرۋ مەن شاعىن جانە ورتا كاسىپكەرلىكتىڭ كوكجيەگىن كەڭەيتۋدى, ينفراقۇرىلىمداردىڭ جاڭارۋى مەن ءار تۇرعىننىڭ وركەنيەتتى قوعامدا ءومىر ءسۇرۋىن كوزدەيدى. ەڭ باستىسى, بۇل سەزدە ەلىمىزدى داعدارىستىڭ قۇرساۋىندا قالدىرمايتىن جاڭا باعدارلاما, جاڭا يدەيا قابىلدانادى, پارلامانت ءماجىلىسىنىڭ دەپۋتاتتىعىنا پارتيالىق تىزىممەن سايلاناتىن كانديداتتار تالقىعا تۇسەدى. بۇل تىزىمگە ەلدىڭ مۇددەسىنە قىزمەت ەتەتىن وتانشىل, زاڭ شىعارۋ ىسىندە كاسىبي بىلىكتىلىگى جوعارى پارتيا مۇشەلەرى تاڭدالادى دەپ سەنەمىن. ەربولات بەكتەمىروۆ, «نۇر وتان» پارتياسى اتىراۋ وبلىستىق فيليالى توراعاسىنىڭ ءبىرىنشى ورىنباسارى, سەزد دەلەگاتى. اتىراۋ وبلىسى.
