سەزگە قاتىسۋشىلار سانى – 2 مىڭ ادام

«نۇر وتان» پارتياسىنىڭ ءباسپاسوز ورتالىعىندا پارتيا حاتشىلارى فارحاد قۋانعانوۆ پەن قانىبەك جۇماشەۆتىڭ قاتىسۋىمەن بريفينگ ءوتتى. بريفينگ بارىسىندا ەلباسىنىڭ جار­لىعىنا سايكەس, قازاقستان رەس­پۋب­ليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋى وتەتىندىگىنە بايلانىستى بۇگىنگى كۇنگە دەيىن ەلىمىزدىڭ بارلىق وڭىرىندە پارتيا فيليالدارى سايا­سي كەڭەستەرىنىڭ كەڭەيتىلگەن وتىرىستارى وتكەندىگى, ول جەرلەردە پارتيانىڭ سايلاۋالدى باعدارلاماسىنىڭ جوباسى الدىن الا تالقىلانىپ, سەزد دەلەگاتتارىنىڭ قۇرامى بەكىتىلگەندىگى بەلگىلى بولدى. پارتيا حاتشىلارىنىڭ ايتۋلارىنا قاراعاندا, ەگەر پارتيا مۇشەلەرىنىڭ سانى بۇگىندە 970 مىڭعا جۋىقتاسا, سەزگە قاتىسۋعا سولاردىڭ ىشىنەن 600-دەن استام دەلەگات سايلانىپتى. ال جالپى, پارتيانىڭ كەزەكتەن تىس XVII سەزىنە 2 مىڭنان استام ادام قاتىسادى دەپ كۇتىلىپ وتىر ەكەن. ق.جۇماشەۆ «نۇر وتان» پارتياسى ەلىمىزدەگى ەڭ ءىرى ساياسي كۇش رەتىندە بۇل سايلاۋعا مىندەتتى تۇردە قاتىسۋدى كوز­دەپ وتىرعانىنا توقتالدى. «وسى سەزد, ارينە, ءوزىنىڭ تاريحي ماڭىز­دىلىعىمەن ەرەكشەلەنەدى. وتكەن كەزەڭ­دەردى سارالايتىن بولساق, پارتيا ءوزىنىڭ العا قويعان مىندەتتەرىن ورىنداپ, كوپتەگەن ماسەلەنى مەرزىمىنەن بۇرىن شەشىپ, ەندى الداعى 5 جىلدىققا جاڭا ماقساتتار مەن مىندەتتەر قويۋدى كوزدەپ وتىر. بۇگىن, وسى سەزدىڭ قارسا­ڭ­ىندا پارتيا توراعاسىنىڭ ءبىرىنشى ورىنباسارى اسقار مىرزاحمەتوۆتىڭ توراعالىعىمەن «نۇر وتاننىڭ» ساياسي كەڭەسىنىڭ كەڭەيتىلگەن وتىرىسى وتەدى. وعان ايماقتىق دەلەگاتسيالاردىڭ وكىلدەرى, پارتيانىڭ ايماقتىق جانە اۋماقتىق فيليالدارى توراعالارىنىڭ ءبىرىنشى ورىنباسارلارى, ورتالىق اپپارات باسشىلارى قاتىسادى. بۇل دەگەنىمىز – ساياسي كەڭەس وكىلدەرىنىڭ پار­تيا­مىزدىڭ بارلىق فيليالىن قامتي­تىندىعى. ولاردىڭ جالپى سانى – 100 ادام. ءبىز ولاردىڭ باسىن قوس­قان كەزدە, سەزدىڭ نەگىزگى جۇمىس­شى ورگاندارىمەن سايلاۋالدى باعدار­لامانى بەكىتىپ, ونى سەزدىڭ قاراۋىنا ۇسىنا­تىن بولامىز», – دەدى ق.جۇماشەۆ. سونىمەن قاتار, ول مۇنداي اۋ­قىم­دى ساياسي ناۋقانعا دايىندىق جۇمىستارى جەر-جەردە جۇرگىزىلىپ جاتقانىن ايتا كەلە, سەزد وتكىزۋ تۋرالى شەشىم قابىل­دانعاننان كەيىن ەلىمىزدىڭ وڭىرلەرىندە وتكەن ساياسي كەڭەستەردىڭ كەڭەيتىلگەن وتىرىستارىنا پارتيانىڭ بەلسەندى مۇشەلەرى, پارتيا جانىنداعى قوعامدىق ۇيىم­داردىڭ, پارتيالىق باقىلاۋ كوميس­سياسىنىڭ «جاس وتان» جاستار قاناتىنىڭ وكىل­دەرى قاتىسىپ, وندا سايلاۋالدى تۇعىر­ناما جان-جاقتى تالقىلانعانىن جەتكىزدى. ال ف.قۋانعانوۆ تا سايلاۋالدى باع­دار­لامانىڭ ساياسي كەڭەستىڭ كەڭەي­تىلگەن وتىرىسىندا تالقىلانىپ, كوپ­شىلىك نازارىنا ۇسىنىلاتىنىن, ونىڭ وزەگىندە ەلباسىنىڭ 5 ينستيتۋتتىق رەفورماسىن جۇزەگە اسىرۋعا باعىتتالعان «100 ناقتى قادام» مەن ۇلت جوسپارى, «قازاقستان-2050» ستراتەگياسى, «نۇر­لى جول» باعدار­لاماسىنىڭ نەگىز­گى قا­عي­­دالارى مەن باسىمدىقتارى جاتقا­نىن تىلگە تيەك ەتتى. بريفينگ بارى­سىن­دا, سون­­داي-اق, «نۇر وتان» پار­تيا­سى­نىڭ جار­عىسىنا سايكەس, ساياسي كەڭەس­­تىڭ قۇزى­رەتىنە پارتيانىڭ سايلاۋ ناۋقان­دارىنا قاتىسۋى جانە پارتيا سەزىنىڭ كۇن ءتارتىبىن قالىپ­تاستىرۋعا بايلانىستى ماسەلەلەردى قاراۋ جاتاتىنى ايتىلدى. سوعان بايلانىستى پارتيانىڭ سايا­سي كەڭەسىنىڭ كەڭەيتىلگەن وتىرىسىن­دا سايلاۋالدى باعدارلامانىڭ جوباسى­نان بولەك, پارلامەنت ءماجىلىسى دەپۋتات­تارىن سايلاۋ جونىندەگى پارتيا­لىق ءتىزىم, پارتيانىڭ كەزەكتەن تىس XVII سەزىنىڭ مانداتتىق, ەسەپتىك, رە­داك­تسيالىق كەڭەستەر جانە حاتشىلىق سىن­دى جۇمىسشى ورگاندارى توڭىرەگىن­دەگى ماسەلەلەر قوزعالماق ەكەن. سونى­مەن قاتار, پارتيا حاتشىلارى ءوز ءسوز­دەرىندە پارتيالىق ءتىزىمنىڭ قۇرامىنا قازاقستاننىڭ الەۋمەتتىك-ەكونوميكا­لىق, مادەني-رۋحاني دامۋىنا ۇلەس قوسىپ جۇرگەن ازاماتتاردان بولەك, بولا­شا­عىنان ۇلكەن ءۇمىت كۇتتىرەتىن بىلىكتى دە ءبىلىمدى, كرەاتيۆتى جاستاردىڭ دا كىرەتىنىنە سەنىم ءبىلدىردى. ءلايلا ەدىلقىزى, «ەگەمەن قازاقستان».