ناقتى ىستەر ۋاقىتى

ەلدىڭ ەرتەڭىنە قاتىستى ەل­با­سىنىڭ باعدارلامالىق ماقالاسىن ءبىر دەمدە وقىپ شىققان ەدىم. قولىما قارىنداشىمدى الىپ, استىن سىزىپ تۇرىپ زەردەلەي ءتۇس­كەندە, ويىم سوناۋ وتكەن جىل­دارعا كەتتى. قاي كلاسسيكتىڭ ايتقانى ناقتى ەسىمدە جوق, بىراق ماعىناسى – ۇلىلىق ۋاقىت وتە, جىلدار اراسى قاشىقتاعان سايىن ايقىندالا تۇسەدى دەگەن. ءبىزدىڭ تاۋەلسىزدىگىمىزگە نەبارى 25 جىل ەندى تولادى, ال وسى ۋاقىتتىڭ ىشىندە قازاقستاندىقتار ءوزىنىڭ ەلباسىمەن بىرگە كوپتەگەن قيىن­دىقتاردى جەڭىپ, ۇلكەن جەتىس­تىكتەرگە قول جەتكىزدى. قازاق جۇرتىنىڭ نارىقتىق ەكونوميكانى بەتكە ۇستاپ, كوشىن تۇزەگەن تۇسىندا ءبىزدىڭ ەلدىڭ بولاشاعىنا قاتىستى كۇماندى وي ايتۋشىلاردىڭ قاتارى از بولماعانى ايان. وتكەن جىلدارداعى تاري­حى­مىزعا كوز جىبەرسەك, نۇرسۇلتان ءابىش ۇلى 1995 جىلى مەملەكەتتىڭ, ونداعى ءار ازاماتتىڭ تاعدىرىنا قاتىستى جاۋاپكەرشىلىكتى ءوز يىعىنا ارتىپ, بىرنەشە ايدىڭ ىشىندە 150-دەن استام زاڭعا قول قويىپ, ول قازاقستاننىڭ ءارى قارايعى دامۋىنا جول اشتى. سول كەزدە اتا زاڭىمىز قابىلداندى. جاس مەملەكەت, ءوزىنىڭ قاجەت ينستيتۋتتارىنىڭ زاڭدىق نەگىزىن ەندى قالاي وتىرىپ, ءتول تەڭگەسىن دۇنيەگە اكەلىپ, باسەكەلەستىككە تولى الەمدە الدى­نا قويعان كەۋدەلى ماقساتتارىن جاريا ەتتى. 1997 جىلى پرەزيدەنت نازارباەۆ «قازاقستان-2030» ستراتەگياسىن ۇسىنعان كەزدە ارامىزدا «مۇن­داي قيالعا بە­رىلگەنشە, ۋاقتىلى زەينەتاقى مەن جالا­قىنى تولەپ, جارىق پەن جىلۋ­دى بەرۋدى دۇرىس­تاڭدار», دەي­تىندەر كوپ ەدى. قازىر ول سوزدەر ۇمى­­­تىلدى, ويتكەنى, ءبىزدىڭ ەلىمىز الدىڭعى قاتارداعى وزىق ەلۋلىكتىڭ قاتارىندا. ەندى ودان دا جوعارى – ال­­­دىڭعى وتىزدىققا ەنۋ ماقساتى تۇر. ءوز باسىم ەلباسى نۇرسۇلتان نازارباەۆ ۇسىن­عان جوسپاردىڭ تابىستى بولاتىنىنا كامىل سەنەمىن. العاش رەت 5 ينستيتۋتتىق رەفورمانى جۇزەگە اسىرۋ جونىندەگى ۇلت جوسپارى «نۇر وتان» پار­تيا­سىنىڭ XVI سەزىندە جاريالانىپ, پرەزيدەنت تاپسىرماسىمەن 5 ينستيتۋتتىق رەفورمانى جۇزەگە اسىرۋداعى «100 ناقتى قادام» جاسالدى. از ۋاقىت ىشىندە 60-تان استام زاڭ قابىلداندى. ەلباسى ءوزىنىڭ باعدارلامالىق ماقالاسىندا كورسەتكەندەي, ولار­دىڭ بارلىعى «...مەملەكەتتى, ەكو­نوميكا مەن قوعامدى دامىتۋ ءۇشىن قاعيداتتى جاڭا قۇ­قىقتىق ورتا قالىپتاستىردى...». بۇل 1995 جىلى ءبىزدىڭ پرەزيدەنتى­مىز اتقارعان اسا جاۋاپتى, وتە اۋ­قىم­دى جۇمىستاردى ەلەستەتەدى. پرەزيدەنتتىڭ باعدارلامالىق ماقالاسىندا بارلىق باعىت ايقىن كورسەتىلگەن. ونىڭ ءاربىر پۋنكتىنىڭ ءمانى ەرەكشە, ماڭىزى جويقىن. مەملەكەتتى كاسيبيلەندىرۋ, قۇقىق ءتارتىبى جانە زاڭدىلىق, يندۋستريا­لاندىرۋ جانە ەكونوميكالىق ءوسۋ, قوعامعا ەسەپ بەرەتىن اشىق مەم­لەكەت, ۇلت بىرلىگى سىندى ما­ڭىزدى ماسەلەلەردىڭ بارلىعى قام­تىلعان. مەن جوعارىدا جوس­پاردا كورسەتىلگەن قاتاردى ادەيى وزگەرتتىم. سەبەبى, ماقالادا ەل­باسىنىڭ باستى ماقساتى– الەۋ­مەتتىك جەتىلگەن, ەكونوميكاسى قۋاتتى, ءوسىپ-وركەندەۋشى قا­زاق­­­ستان­نىڭ دامۋى حالىقتىڭ بىرتۇتاستىعىندا ەكەندىگى كورىنىپ تۇر. سوندىقتان دا مەملەكەت باسشىسى باعدارلامالىق ماقالانىڭ ءبىر ءبولىمىن «رەفورمالار تابىسى – ۇلت بىرلىگىنە باستار جول» دەپ اتايدى. مەن بارشا قازاقستان­دىق­تار­دىڭ ۇلت جوسپارىن جان-جاق­تى قولداپ وتىرعانىنا, ونى ەلدىڭ كەمەل بولاشاعىنا جول اشاتىن ناقتى قادامدار دەپ قابىلداعانىنا قۋانىشتىمىن. سالتانات راحىمبەكوۆا, «جاسىل ەكونوميكا ءۇشىن جانە G-GLOBAL-دى دامىتۋ» كواليتسياسى باسقارماسىنىڭ ءتورايىمى. استانا.