مىندەتتەر ايقىندالدى

ماڭعىستاۋ وبلىستىق ىشكى ىستەر دەپار­تامەنتىندە ىشكى ىستەر ءمينيسترىنىڭ ورىنباسارى, پوليتسيا گەنەرال-مايورى بەرىك بيسەنقۇلوۆ پەن ماڭعىستاۋ وبلىسىنىڭ اكىمى اليك ايدارباەۆتىڭ قاتىسۋىمەن جەدەل كەڭەس وتكىزىلدى. جەدەل كەڭەستە ەلباسى ن.ءا.نازارباەۆتىڭ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى قازاقستان حالقىنا جولداۋىنىڭ تالاپتارىن ورىنداۋ ماقساتىندا ىشكى ىستەر ورگاندارىنىڭ 2015 جىلعى قىزمەتىنىڭ قورىتىندىسى مەن ىشكى ىستەر ورگاندارىنىڭ باس­تى مىندەتتەرى تالقىلاندى. دەپارتامەنت قىزمەتىندەگى جەدەل قورى­تىندىلاۋ جينالىسىنا ەلباسىنىڭ بەس ينس­­تيتۋتتىق رەفورمانى جۇزەگە اسىرۋ جونىندەگى «100 ناقتى قادام» ۇلت جوسپارىندا كورسەتىلگەن تالاپتارىن ىسكە اسىرۋ شەڭبەرىندە قۇرىلعان وبلىستىق, قالالىق جانە اۋداندىق جەرگىلىكتى پوليتسيا قىزمەتىنىڭ باسشىلارى العاش رەت قاتىستى. بەرىك بيسەنقۇلوۆ جينالىستا اتاپ ءوت­كەنىن­دەي, جەرگىلىكتى پوليتسيانىڭ قۇرىلۋى قۇقىق قورعاۋ قىزمەتىن ايماق تۇرعىندارىمەن جاقىن ەتەتىندىگى ءسوزسىز. جەرگىلىكتى پوليتسيانىڭ جۇ­مىسى قۇقىق بۇزۋشىلىقتار پروفيلاكتيكاسىن ارتتىرۋعا, ازاماتتاردىڭ ءومىرى مەن قاۋىپسىزدىگىن كوتەرۋگە, قوعامدا قۇقىق بۇزۋشىلىقتارعا «نولدىك ءتوزىم­دىلىك» تۋدىرۋعا مۇمكىندىك بەرەدى. وبلىستىق ىشكى ىستەر دەپارتامەنتىنىڭ باس­تىعى قايرات دالبەكوۆ ماڭعىستاۋلىق پولي­تسەيلەردىڭ وتكەن جىلى وبلىس اۋماعىنداعى قىلمىسپەن كۇرەس, قۇقىقتىق ءتارتىپ جانە قوعام­دىق قاۋىپسىزدىكتى قامتاماسىز ەتۋدەگى جانە ءوز قاتارىندا ءتارتىپ پەن زاڭدىلىقتىڭ ساقتالۋى, سونداي-اق, سىبايلاس جەمقورلىقپەن كۇرەس تۋرالى اتقارىلعان شارالارى تۋرالى حابارلادى. شارادان كەيىن كەڭەسكە قاتىسۋشىلار ءىىو-نىڭ مۇراجايىن جانە قۇرىلىسى اياقتالۋعا جاقىن «دينامو» سپورت كەشەنىن ارالاپ كوردى. «ەگەمەن-اقپارات».