ۇشقوڭىردا بايشەشەك گۇلدەدى

تاڭسارىدەن ۇشقوڭىر اۋىلىن بەتكە الىپ كەلەمىز... ءسىرا, بۇل جولى تابيعات ءتۇسىرىلىمى ءساتسىز بولاتىنداي. الماتىدان قانشا شاقىرىم الىستاساق تا, قارا تۇتىنمەن تۇمشالانعان ب ۇلىڭعىر اسپان سوڭىمىزدان قالار ەمەس. كوكتەن اق كورپەلى كەڭىستىككە قيعاش تۇسكەن كۇن كوزى كوز قارىق­تىرادى. الىستاعى الاتاۋ ءتىپتى بۇلدىر بەينەگە اينالعان. سۋ­رەتكە ءتۇسىرۋ تۇرماق, بەدەرىن تاماشالاۋ دا مۇمكىن ەمەس. دەسەك تە, سول جوتالارعا جول تارتىپ كە­لەمىز. شامالعان وزەنىنەن اسىپ, ۇشقوڭىر جايلاۋىن كەسىپ ءوتىپ, ءوزى اتتاس الاتاۋ جوتالارىنا قاراي ورلەدىك. اناداي بيىكتە ءبىر توپ تابىن جايىلىپ ءجۇر. قاسىنا بارىپ, جاقىننان ءتۇسىرىلىم جاساۋ ءۇشىن, سول بيىككە توتەسىنەن شىعۋعا تۋرا كەلگەن. ءساتتى كورىنىستەر تۇسىرگەنى ءوز الدىنا, تابيعات عاجايىپتارىنا ەرىكسىز كۋا بولدىق. كوكتەم نى­شانى – بايشەشەكتەر وسى ءۇش­قوڭىر جوتاسىندا قاۋىزىن جارىپتى. ادەتتە, وڭتۇستىك وڭىردە بايقالاتىن توسىن قۇبىلىس, قا­لىڭ قار باسقان ءبىزدىڭ الاتاۋدان قايتالانعاندا, نە دەرىڭدى بىلمەي قالادى ەكەنسىڭ؟! بيىل الاتاۋ تابيعاتى قىزىق بولىپ بارادى, تامىزدا قالىڭ قار جاۋىپ, اسەم جەلەكتىڭ بەلىنەن ۇزگەن ەدى, ەندى قىتىمىر قاڭتار كەلگەندە, تاعى دا مىنەزى كۇرت وزگەرىپ, بايشەشەكپەن توڭىرەككە كوكتەم لەبىن سەزدىرگەندەي... ۇشقوڭىردىڭ سىمباتتى جوتالارى بولسا, وسى تىلسىم سىرىمەن كوپشىلىككە بولىسكەندەي... ال تاۋدىڭ كەڭ شات­قالدارىن ارالاي قوزعالساڭىز, ءمولدىر تۇنىق بۇلاقتارعا كەزىگەسىز. ءبىرىنشى, ەكىنشى, ءۇشىنشى بۇلاق دەپ جالعاسا بەرەدى... ءتىپتى, ءبىرىنشى بۇلاقتى تاۋدا دەمالىس جاساۋشى­لار ءۇشىن ارنايى كوركەمدەپ, بارىسپەن بەزەندىرىپتى, ءتىپتى, دەم­الىپ, تىنىعۋ ءۇشىن, ارنايى ورىن­­دىقتارمەن جابدىقتالعان. شا­مالى تىنىققاننان كەيىن, شات­قال­مەن بيىككە ورلەسەڭىز, تاۋ ديدارى بىرىنەن سوڭ ءبىرى جالعاسىپ, ەرەكشە ايشىقتالادى. الىستان سىعالاعان كۇن كوزى دە, توڭىرەككە وزگەشە رەڭ بەرگەن... دوسجان بالابەك ۇلى. سۋرەتتى تۇسىرگەن اۆتور