بايقوڭىردا بەس جىل زاڭسىز تۇرعان

ادەتتە, بايقوڭىر قالاسىنا كىرۋ دەگەنىڭىزدىڭ وزىندىك ماشاقاتى بار. ءتارتىبى قاتال شاھارعا شاقىرتۋسىز كىرە المايسىز. الدىمەن ارنايى ءسا­لەمدەمە جىبەرەدى. سول قاعازدى ۇس­تاپ, ارنايى بەكەتكە كەلگەنىڭىزدە, ار جاعىنان تۋىسىڭىز, نە تانىسىڭىز كۇتىپ الۋى كەرەك. جابىق رەجىمدەگى شاھارعا كورىنگەن كىرىپ-شىعا المايتىنى دا سوندىقتان. شىعار كەزدە دە كەرەكتى قۇجاتتارىڭىز كەم بولسا, بەكەتتەن بەرى اسا الماي ابىگەر بولاسىز. ال وسىنداي ءتارتىبى قاتاڭ قالادا ءبىر ادام بەس جىل زاڭسىز تۇرىپتى. ءمۇم­كىن بە؟ ءبىز مۇمكىن ەمەس دەپ ويلا­عانبىز. سويتسەك... سولاي ەكەن. كوشى-قون تۋرالى زاڭدى بەلدەن باسىپ جۇرگەن كىم دەيسىز عوي. ول, ءتىپتى, قازاقستاننىڭ دا ازاماتى ەمەس. كورشى وزبەكستاننان كەلگەن ادام كورىنەدى. بايقوڭىر قالالىق سوتىندا الگىنىڭ ءىسى قارالدى. ماسەلە بىلاي بولىپتى. 2011 جىلى زاڭدى بۇزعان كورشى ەلدىڭ ازاماتى اعاسىنىڭ مەرەيتويىنا كەلەدى. سودان قالىپ قويادى. سول قالعاننان بەس جىل بويى بايقوڭىردا تۇرادى. سوتتىڭ: «نەگە ەلىڭە قايتپادىڭ؟» دەگەن سۇراعىنا «اقشام بولمادى» دەپ جاۋاپ بەرىپتى. الا تاقيالى اعايىنداردىڭ   شەك­­ا­ر­ا­­­نىڭ بەرگى بەتىندە نەمەن اي­نا­لى­ساتى­نى بەلگىلى عوي. قۇرى­لىس­قا جە­گىلەدى. ونىڭ «اقشام بولما­دى» دە­گەنى سىلتاۋ عانا شىعار. ايتپەسە, بەس جىل بويى جۇمىسسىز ادامدى كىم باعىپ-قا­عادى؟ سونىمەن, بايقوڭىردا زاڭسىز بەس جىل تۇرعان وزبەك ازاماتى سوتتىڭ شەشىمىمەن ەلدەن شىعارىلاتىن بولدى. قايتۋعا اقشا تاپپاي جۇرگەن كەلىمسەكتى سوت سولاي جازالادى. ەرجان بايتىلەس, «ەگەمەن قازاقستان». قىزىلوردا وبلىسى.