ۇلىبريتانيانىڭ بەلگىلى ءانشىسى قايتىس بولدى

استانا. 27 قاڭتار. ۇلىبريتانيانىڭ بەلگىلى ءانشىسى Black لاقاپ اتىمەن تانىلعان كولين ۆيرنكوۋمب 53 جاسىندا قايتىس بولدى. بۇل تۋرالى interfax.ru سايتىنا سىلتەمە جاساعان egemen.kz ءتىلشىسى حابارلادى. ءانشى 2016 جىلى قاڭتار ايىنىڭ 10 كۇنى يرلانديانىڭ كورك قالاسىنا تاياۋ ماڭدا جول اپاتىنا ۇشىراپ, اۋىر جاراقات العان. ۋاقىتىندا اۋرۋحاناعا جەتكىزىلىپ, دارىگەرلەر قاراۋىندا بولانىمەن, سوڭعى ەكى كۇندە كولين ۆيرنكوۋمبتىڭ جاعدايى كۇرت ناشارلاپ كەتتى. ال ءانشىنىڭ كوز جۇمعانى تۋرالى اقپارات facebook الەۋمەتتىك جەلىسىندەگى جەكە پاراقشاسىندا جازىلعان. اقپارات بويىنشا, ول جاقىندارى مەن دوستارىنىڭ ورتاسىندا جان ءتاسىلىم ەتتى. كولين ۆيرنكوۋمب 1962 جىلى ليۆەرپۋل قالاسىندا دۇنيەگە كەلگەن. العاش بولىپ شىعارعان Human Features ءانى 1981 جىلى تىڭدارماندارىنا جول تارتقان بولسا, Wonderful Life ءانى ارقىلى اتاعى كەڭىنەن تاراي باستادى. وسىعان دەيىن ءوزىنىڭ 15 البومى شىعارىلدى. ايتا كەتەيىك, سوڭعى ءبىر جارىم اي ىشىندە ۇلىبريتانيانىڭ بەلگىلى ەكى ءانشىسى قايتىس بولدى. ونىڭ ءبىرى – Motorhead توبىنىڭ نەگىزىن قالاۋشى لەممي كيلميستەر بولسا, ال ەكىنشىسى – دەۆيد بوۋي. ايان ءابدۋالي. دەرەك, سۋرەت: interfax.ru.