قىتايدا مايمىلدىڭ باسىن اۋىستىرۋ وتاسى جاسالدى

استانا. 27 قاڭتار. قىتايدا حاربين مەديتسينالىق ۋنيۆەرسيتەتىندە مايمىلدىڭ باسىن اۋىستىرۋ وتاسى جاسالدى. بۇل تۋرالى russian.rt.com سايتىنا سىلتەمە جاساعان egemen.kz ءتىلشىسى حابارلادى. وپەراتسيانى يتاليالىق حيرۋرگ سەردجيو كاناۆەرو مەن ونىڭ قىتايلىق ارىپتەسى جەن سياوتين جاسادى. «مايمىلدىڭ باسىن اۋىستىرۋ وتاسى قيىن بولعان جوق. مايمىل وپەراتسيادان كەيىن 20 ساعات ءومىر ءسۇردى. سودان كەيىن ءبىز وعان ءدارى بەرىپ, ۇيىقتاتىپ تاستادىق», دەيدى نەيروحيرۋرگ سەردجيو كاناۆەرو. تەلەرنادا كورسەتىلگەن حابارعا قاراعاندا, بۇعان دەيىن تىشقاننىڭ باسىن اۋىستىرۋ وپەراتسياسى جاسالعان. ەندى يتاليالىق دارىگەر ناۋقاس ادامنىڭ باسىن اۋىستىرۋعا بولاتىنىن ايتىپ وتىر. قازىر وعان رەسەيلىك IT مامانى ۆالەري سپيريدونوۆ كەلىسىم بەرگەن ەكەن. «بۇل وپەراتسيا 36 ساعاتقا جالعاسۋى مۇمكىن. ول 20 ملن. دوللار تۇراتىن بولادى. وتانى ءبىز 2017 جىلدىڭ سوڭىندا قىتايدا جاساۋدى جوسپارلاپ وتىرمىز. ويتكەنى, قىتاي وزدەرىن جەر-جۇزىنە مەديتسيناسى مەن عىلىمى دامىعان ەل ەكەنىن كورسەتكىسى  كەلەدى», دەيدى ول. دارىگەردىڭ ايتۋىنشا, وپەراتسياعا قوماقتى قارجى كەرەك. «وتا جاساۋ وڭاي بولمايدى. بۇل ءبىر ادامنىڭ ءومىرى شەشىلەتىن وپەراتسيا. سوندىتان ونىڭ ءساتتى ءوتۋى ءۇشىن قالتالى كاسىپكەرلەر كومەكتەسس دەگەن تىلەگىم بار», دەيدى نەيروحيرۋرگ. ال كەيبىر دارىگەرلەر يتاليالىق ماماننىڭ وپەراتسياسىنا كۇمانمەن قارايتىنىن ايتۋدا. مىسالى, شۆەتسياداعى كارولين ينستيتۋتى رەگەراتيۆتى حيرۋرگياسىنىڭ پروفەسسورى پاولو ماككيرياني كاناۆەرونى قىلمىسكەر دەپ ايىپتاسا, اقش-تىڭ گارۆارد مەديتسينا مەكتەبى بيوەتيكا ورتالىعىنىڭ نەۆرولوگى توماس كوكرەين يتاليالىق دارىگەر وزىنە جارناما جاساپ جاتقانىن ايتتى. قالاي بولعاندا ۋاقىت بارىنە تورەشى. ادامنىڭ باسىن اۋىستىرۋ وتاسى جاسالاتىنىن, جاسالمايتىنىن ۋاقىت كورسەتەدى. داستان كەنجالين. دەرەك: russian.rt.com سۋرەت: domfactov.com