كەلىسىمدەر كەلىسىلگەن رەسمي ساپار

قازاقستاننىڭ قورعانىس ءمينيسترى يمانعالي تاسماعامبەتوۆ يوردانياعا رەسمي ساپارمەن باردى. ونىڭ شەڭبەرىندە يوردانيا مەملەكەتىنىڭ جانە قورعانىس ۆەدومستۆوسىنىڭ باسشىلارىمەن رەسمي كەزدەسۋلەر ءوتتى. كەزدەسۋدە اسكەري جانە اسكەري-تەحنيكالىق ىنتىماقتاستىق اياسىنداعى ماسەلەلەر تالقىلانىپ, ءوزارا ءىس-قيمىل پەرسپەكتيۆالارى بەلگىلەندى. ساپاردىڭ باستى ماقساتى ءاس­كەري جانە اسكەري-تەحنيكالىق ىنتى­ماقتاستىق تۋرالى قازاقستان رەس­پۋبليكاسى مەن يوردانيا حاشي­ميت كورولدىگىنىڭ ۇكىمەتى ارا­سىندا كەلىسىمگە قول قويۋ بولدى. بە­كى­تىلگەن قۇقىقتىق نەگىز ەكى ەل­دىڭ قارۋلى كۇشتەرى مەن قورعا­نىس ونەركاسىبى اراسىنداعى ىنتى­ماق­تاستىقتى دامىتۋعا ىقپال ەتەدى. ساپار بارىسىندا وتكەن جىل­دىڭ سوڭىندا ەلباسى استانادا اشقان «قازاقستان پاراماۋنت ينجينيرينگ» كومپانياسى زاۋىتىنىڭ ءونى­مى – «ارلان» قازاقستاندىق برون­دالعان دوڭگەلەكتى ماشينالاردى ساتىپ الۋ جونىندەگى ۋاعدالاستىققا قول جەتكىزىلدى. سونىمەن قاتار, تۇنگى كورۋ اسپاپتارىنىڭ وپك-وپ­تيكالىق اسپاپتارى مەن كوز­دەۋىشتەر, 12,7 كاليبرلى نسۆس وق­شا­شارلارى جانە ولاردىڭ قول­دانىلۋىمەن جاۋىنگەرلىك مودۋلدەر, 3 كوورديناتالى رلس, بايلانىس قۇرالدارى جانە تاعى باسقا جاراقتاردى جەتكىزۋ بويىنشا كەلىسسوزدەر جۇرگىزىلدى. يوردانيا حاشيميت كو­رول­­­دىگى قارۋلى كۇشتەرى شتاب­­­تار باستىقتارى بىرىككەن كومي­­­تە­تىنىڭ توراعاسىمەن كەزدەسۋدە قابىلداۋشى تاراپتىڭ «KADEX-2016» قارۋ-جاراق پەن ءاس­كە­­­ري تەح­نيكانىڭ IV حالىق­ارا­لىق كورمە­سىنە قاتىساتىنى بەل­گ­ىلى بولدى. ال حالىقارالىق كورمەدە قورعا­نىس ونەركاسىبى سالا­­سىنداعى ءىرى جا­ھاندىق كومپا­نيالاردىڭ قارۋ-جا­را­عى مەن تەح­نيكاسى ۇسىنىلا­تىن بولادى. شا­راعا اسكەري ماق­ساتتاعى جەتەك­شى ءوندىرۋشى ەلدەردىڭ بىرقاتار رەسمي وكىلدەرى قاتىسادى دەپ كۇتىلۋدە. جەر شالعايلىعى مەن قاشىق­تىعىنا قاراماستان, ەكى ەل اراسىندا ەكونوميكالىق, اسكەري-ساياسي ىنتىماقتاستىقتى دامىتۋدا ۇلكەن مۇمكىندىكتەر بار ەكەنىن ايتا كەتكەن ءجون. «ەگەمەن-اقپارات».