رەفورمانىڭ باستى ارقاۋى – كاسىبي مەملەكەت قۇرۋ

تاۋەلسىزدىك الىسىمەن ەلىمىز وزىندىك دامۋ جولىنا ءتۇستى. ەلباسىمىزدىڭ سىندارلى ساياساتىنىڭ, ۇيىسقان ءبىر­لىگىمىزدىڭ ارقاسىندا الەم­گە تانىلدىق. بۇگىنگى تاڭدا جاھاندىق قارجىلىق داعدارىس پەن دۇنيەجۇزىندەگى ساياسي احۋال بارلىق مەملەكەتتەرگە ءوز سالقى­نىن تيگىزۋدە. قىم-قۋات كەزەڭدەگى داعدارىس­تان شىعىپ, ودان ءارى قاراي دامۋىمىز­دا مەملەكەت باسشىسىنىڭ «قازاق­ستان-2050» ستراتەگياسى, «نۇرلى جول» ينفراقۇرىلىمدىق دامۋ مەملەكەتتىك باعدارلاماسى, يندۋستريالاندىرۋدىڭ ەكى بەسجىلدىعى, 5 ينستيتۋتتىق رەفورما مەن ونى ىسكە اسىرۋدىڭ «100 ناقتى قادام» ۇلت جوسپارىنىڭ الاتىن ورنى ايرىقشا. اسىرەسە, ەلباسىمىز «ۇلت جوسپارى – قا­زاقستاندىق ارمانعا باستايتىن جول» باعدارلامالىق ماقالاسىندا 2016 جىلدىڭ 1 قاڭتارىنان 5 ينستيتۋتتىق رەفورمانى جۇزەگە اسىرۋ بويىنشا «100 ناقتى قادام» – ۇلت جوسپارىن ورىن­داۋدىڭ پراكتيكالىق كەزەڭى باستال­عانىن اتاپ ءوتتى. شىنىندا دا, ۇلت جوس­پارىندا مەملەكەتتىڭ دامۋىن جوعارى الەمدىك ستاندارتتارعا سايكەس بەلگىلەۋ, ونىڭ ىشىندە مەملەكەتتى كاسىبي­لەندىرۋ, شىعىنسىز ەكونوميكاعا قادام باسۋ, يننوۆاتسيالىق يندۋستريالان­دىرۋ نەگىزىندە ەلىمىزدى تەرەڭدەتە جاڭعىر­تۋدىڭ نەگىزگى باعىتتارى جۇيەلەنىپ, اتقارىلاتىن ناقتى قادامدار كورسەتىلگەن. ەلباسىمىز مەملەكەتتى, ەكونوميكا مەن قوعامدى دامىتۋ ءۇشىن قاعيداتتى جاڭا قۇقىقتىق ورتا قالىپتاستىراتىن 59 زاڭ كۇشىنە ەنگەنىن جانە ولاردىڭ ءبىزدىڭ قازاقستاندىق ارمانىمىز – ءححى عاسىردا كوشباسشى وتىز ۇلتتىڭ ءبىرى بولۋعا قول جەتكىزۋىمىزگە جول اشاتىنىن اتاپ كورسەتتى. العا ماقسات ەتكەن رەفورمامىزدىڭ ءبىرىنشىسى «مەملەكەتتىك قىزمەت تۋرالى» جاڭا زاڭ نەگىزىندە مەملەكەتتىك اپپاراتتىڭ تيىمدىلىگىن ارتتىرۋ ەكەنىن كولدەنەڭ تارتتى. قازىر مەملەكەتتىك قىزمەتتى دامى­تۋ­دىڭ جاڭا كەزەڭى باستالىپ كەتتى. ەلبا­سىنىڭ جارلىعىمەن مەملەكەتتىك قىزمەت ىستەرى جونىندەگى مينيسترلىك, ونىڭ قۇرىلىمىندا – جەمقورلىققا قارسى ءىس-قيمىلدىڭ ۇلتتىق بيۋروسى قۇرىلدى. وسىلايشا, تەك مەملەكەتتىك قىزمەت جۇيەسى عانا ەمەس, سونداي-اق, جەمقورلىققا قارسى ءىس-قيمىل جاسايتىن, ياعني جەمقورلىق كورىنىستەرىنىڭ بارىن­شا الدىن الۋعا باعدارلانعان جۇيە دە جاڭ­عىرتىلىپ وتىر. بۇل جەردە جەمقور­لىقپەن كۇرەستىڭ ءوزى بارىنشا دايەكتى بولا تۇسپەك جانە جۇيەلى سيپاتقا يە بولماق. جۇرگىزىلىپ جاتقان رەفورمالاردىڭ باستى ماقساتى – كاسىبي مەملەكەتتىڭ, اپپا­راتتىڭ, مەملەكەتتىك باسقارۋدىڭ حا­لىققا ادال قىزمەت ەتۋگە باعىتتالعان ۇلگىسىن قالىپتاستىرۋ. ويتكەنى, دامۋىمىز ەل باسقاراتىن, ەلگە قىزمەت ەتەتىن مەملە­كەتتىك اپپاراتتىڭ كاسىبيلىگىنە تىكەلەي بايلانىستى. اكىمشىلىك مەملە­كەت­تىك قىزمەتشىنىڭ مانسابى ونىڭ بىلىك­تىلىگى جانە جيناقتاعان تاجىريبەسى ەسەپكە الىنا وتىرىپ, مەملەكەتتىك قىزمەت­كە ورنالاسۋ تەك كەشەندى ىرىكتەۋ مەن جۇ­مىستى تەك تومەنگى لاۋازىمداردان باس­تاۋدىڭ ناتيجەلەرى بويىنشا جۇرگى­زىلەدى. مۇنىمەن قاتار, مەملەكەتتىك قىز­مەتشىنىڭ جۇمىس تاجىريبەسى مانساپتىق ىلگەرىلەۋىنىڭ باستى شارتى بولادى جانە مۇندا دا قىزمەتتە كوتەرىلۋ تەك كونكۋرستىق نەگىزدە جۇزەگە اسىرىلادى. مەملەكەتتىك قىزمەتكە اشىق كونكۋرس ارقىلى جانە كادر ساياساتى جونىندەگى ۇلتتىق كوميسسيانىڭ شەشىمى بويىنشا كەلىسىمشارتتىق نەگىزدە مەملەكەتتىك ەمەس سەكتورداعى باسقارۋشىلار قاتارىنان ازاماتتار جانە شەتەلدىك مەنەدجەرلەردى تارتۋ مۇمكىن بولادى. سو­نى­­مەن قاتار, مەم­لەكەت­تىك قىزمەتشىگە ەڭبەك­اقى ءتو­لەۋدىڭ جاڭا جۇيەسى ونىڭ ءبى­لىكتىلىگى مەن اتقا­راتىن جۇ­مىسىنىڭ سيپا­تىنا, كولە­مى مەن ءناتي­جەسىنە بايلا­نىستى زاڭ تۇر­عىسىنان بەكىتىلەدى. اسا ناتيجەلى قىز­مەت ءۇشىن بونۋستار تولەۋ قاراستىرىلىپ وتىر. مۇنداي جۇيەنى 2017 جىلدىڭ 1 قاڭتارىنان باستاپ ەنگىزۋ جوسپارلانعانى بارشامىزعا بەلگىلى. ۇستىمىزدەگى جىلدىڭ قاڭتار ايىنان باستاپ «ب» كورپۋسىنداعى مەملەكەتتىك قىزمەتشىلەردىڭ ەڭبەكاقىسى 30%-عا جوعارىلادى. زاڭدا ساياسي مەملەكەتتىك قىزمەتشىلەر اۋىسقان كەزدە مەملەكەتتىك اپپا­راتتىڭ اۆتونومدىعى مەن تۇراقتى­لىعى قاعيداتى ناقتى جازىلدى. شەنەۋ­نىكتەر ورتاسىندا ەتيكالىق نورمالاردى بۇزۋعا اكەلەتىن جانە جەمقورلىق قۇبى­لىستار تۋىنداتاتىن جاعدايلاردىڭ الدىن الۋ بويىنشا قاتاڭ شارالار قاراس­تىرىلىپ وتىر. مەملەكەتتىك قىزمەت­شىلەردىڭ جۇمىس پەن تۇرمىستاعى ءجۇرىس-تۇرىسىنىڭ قالىپتارى رەگلامەنتتەلگەن مەملەكەتتىك قىزمەتشىلەردىڭ جاڭا ەتيكالىق كودەكسى قولدانىسقا ەنگىزىلدى. سونداي-اق, ەلباسىمىز جاڭا ينستيتۋت – ەتيكا بويىنشا وكىلەتتى وكىلدەر ينستيتۋتىن قۇرۋدى كوزدەپ, ولار ازاماتتار مەن مەملەكەتتىك قىزمەتشىلەرگە كەڭەس بەرىپ, ولاردىڭ قۇقىقتارىن قورعاۋدى قامتاماسىز ەتەتىنى زاڭنامادا كورىنىس تاپتى. «مەملەكەتتىك قىزمەت تۋرالى» جاڭا زاڭنىڭ ماڭىزدى قىرى ونىڭ قۇقىق قورعاۋ ورگاندارىنا دا قاتىستى بولاتىنىمەن بايلانىستى. جاڭا زاڭ نەگىزىندە ەڭبەككە اقى تولەۋدىڭ جاڭا جۇيەسى ەنگىزىلگەننەن كەيىن «ب» كورپۋسىنىڭ اكىمشىلىك مەملەكەتتىك قىزمەتشىلەرىن جاڭا بىلىكتىلىك تالاپتارىنا سايكەستىگى بويىنشا كەشەندى اتتەستاتتاۋدان وتكىزۋ جوسپارلانىپ وتىر. قىزمەتشىلەردىڭ بىلىكتىلىگىن 3 جىلدا ءبىر رەتتەن كەم بولمايتىنداي ەتىپ مىندەتتى تۇردە ارتتىرىپ وتىرۋ زاڭ تۇرعىسىنان بەكىتىلدى. جالپى, بۇگىنگى تاڭدا مەملەكەتتىك قىزمەتشى ء–تۇرلى سالا قىزمەتىن ىسكە اسىراتىن تاۋەلسىز مەملەكەتىمىزدىڭ نەگىز قۇراۋشى بولىگى. «قازىر ءبىز ەكونوميكانىڭ, مەملەكەت پەن قوعام دامۋىنىڭ ەڭ تابىستى جاھاندىق مودەلدەرىن ولشەم رەتىندە الامىز... مەن قازاقستاندىقتاردى ۇلت جوسپارىن جۇزەگە اسىرۋعا جانە رەفورمالاردى جۇرگىزۋگە بارىنشا بەلسەندى قاتىسۋعا, ولار اشاتىن مۇمكىندىكتەردى پايدالانۋعا شاقىرامىن. ءبىز ءوزىمىزدىڭ قازاقستاندىق ارمانىمىزدىڭ ورىندالۋىنا جانە قازاقستاننىڭ وركەندەۋىنە سەنىمدى تۇردە قول جەتكىزەتىن بولامىز!», – دەدى مەملەكەت باسشىسى. قا­زىر­گى جاھاندىق داعدارىستىڭ سالدارىنان ەكونوميكامىز تاپ بولعان بۇكىل قيىن­دىق­تارعا قاراماستان, حالىقتىڭ جاعدايىن جاقسارتۋعا باعىتتالعان الەۋمەتتىك قولداۋ تولىعىمەن كورسەتىلۋدە. ءوڭىر­لەر­دى دا­مىتۋ, جاڭا جۇمىس ورىندارىن اشۋ, باسە­كەگە قابىلەتتى ونىمدەر شىعارۋ جو­لىن­دا اۋ­دا­نىمىزدا دا كوپتەگەن جۇمىس­تار اتقا­رىلۋدا. جالپى, ەلباسىنىڭ باعدارلامالىق ماقالاسى الدا تۇرعان قيىندىقتاردى جەڭۋ ءۇشىن ىرگەلى ىستەردى اتقارۋعا, تۋعان وتانىمىز ءۇشىن ەسەلى ەڭبەك ەتۋگە ۇندەيدى. سوندىقتان, ازاماتتاردىڭ قاجەتتىلىكتەرى مەن سۇرانىستارىنا جاۋاپ بەرە الاتىن كاسىبي اپپاراتتى قۇرۋ بويىنشا الدىمىزدا تۇرعان اسا اۋقىمدى مىندەتتەر ىسكە اسقان مەزەتتە مەملەكەتتىك باسقارۋ جۇيەسىنە دەگەن حالىقتىڭ سەنىمى ۇلعايا بەرەتىندىگى اقيقات. مۇراتحان شۇكەەۆ, بايزاق اۋدانىنىڭ اكىمى. جامبىل وبلىسى.