اقش-تىڭ ايگىلى عالىمى قايتىس بولدى

استانا. 26 قاڭتار. اقش-تا جاساندى ينتەللەكت سالاسىنداعى زەرتتەۋلەردىڭ نەگىزىن قالاعان عالىم مارۆين مينسكي 88 جاسىندا قايتىس بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. ماسساچۋسەت تەحنولوگيالىق ينستيتۋتىنىڭ رەسمي سايتىنداعى حابارلامادا, ول 24 قاڭتار كۇنى بوستوندا ينسۋلت سالدارىنان قايتىس بولعانى تۋرالى ايتىلدى. «مارۆين مينسكي ميدىڭ جۇمىسىن ماشينا رەتىندە قاراستىردى, ءسويتىپ قىزمەتى زەرتتەلىپ كومپيۋتەر ارقىلى جاڭعىرتىلدى. بۇل ءوز كەزەگىندە ادام ميىنىڭ جۇمىسىن جاقىن تانۋعا مۇمكىندىك بەرەدى» - دەلىنگەن. 1951 جىلى پروفەسسور مينسكي Snarc اتاعىنا يە بولعان, نەيروجەلىمەن كەزدەيسوق جالعاسقان وقىتۋشى ماشينانى العاش رەت ويلاپ تاپتى. 1959 جىلى ماسساچۋسەت تەحنولوگيالىق ينستيتۋتىنداعى جاساندى ينتەللەكت لابوروتورياسىنىڭ نەگىزىن قالاۋشىلاردىڭ ءبىرى بولدى. 1970 جىلى ينفورماتيكا سالاسىنداعى ايتۋلى تيۋرينگ سىيلىعىنىڭ يەگەرى اتاندى. عالىمنىڭ عىلىمداعى ىزدەنىستەرىنىڭ اياسى جاساندى ينتەللەكتىمەن شەكتەلگەن جوق, سونىمەن قاتار الەمدە العاش رەت بەينەلى سكانەردى جانە جاناسۋ تەتىگى بار مەحانيكالىق مانيپۋلياتورلاردى دايىنداپ جاساپ شىققانداردىڭ ءبىرى ەدى. وسى ايتىلعاندارعا قوسىمشا مينسكي مۋزىكامەن اينالىسىپ, پيانينونى دا مەڭگەرگەن. ايان ءابدۋالي. دەرەك, سۋرەت: تاسس.