اقش-تا تولاسسىز جاۋعان قاردان قازا تاپقاندار سانى 44 ادامعا جەتتى

استانا.  26 قاڭتار. اقش-تىڭ شىعىسى مەن ورتالىق شتاتتارىندا تولاسسىز جاۋعان قاردان قازا تاپقاندار سانى 44 ادامعا جەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. Moody’s اگەنتتىگىنىڭ اناليتيكالىق ساراپشىلارى شىعىننىڭ مولشەرى 2,5-3 ميلليارد عا دەيىن جەتۋى مۇمكىن دەگەن بولجام جاسادى. تولاسسىز جاۋعان قاردان كوبىنە كاسىپكەرلەر زارداپ شەگۋدە. اۋا رايىنا بايلانىستى جەرگىلىكتى دۇكەن, ءدامحانا, مەيرامحانا تۇگەلدەي جابىق بولدى. جەرگىلىكتى تىلشىلەر بىرەر كۇن بۇرىن تابيعاتتىڭ توسىن سىيىنان 31 ادامنىڭ مەرت بولعانىن مالىمدەگەن. جول اپاتتارىنان العان جاراقاتتارى, گازعا ۋلانعاننىڭ سالدارىنان جانە قار تازالاۋ جۇمىستارى كەزىندە ارتىق قيمىلداپ جۇرەك تالمىسىنان سوڭ وسىنداي جاعدايعا الىپ كەلگەن. كورسەتكىش بويىنشا ۆيردجينيا شتاتىندا 9 ادام قازا تاپسا, پەنسيلۆانيا شتاتىندا 8 ادام مەرت بولدى. ايتا كەتەيىك, وتكەن دەمالىس كۇندەرى ەلدىڭ 11 شتاتىندا توتەنشە جاعداي جاريالانىپ, مەملەكەتتىك قىزمەت ورىندارىنىڭ كوبىنە دەمالىس بەرىلدى. ايان ءابدۋالي. دەرەك, سۋرەت: تاسس.