ماسكەۋدە «وڭتۇستىك قازاقستان» ساۋدا-كورمە زالى اشىلدى

استانا. 26 قاڭتار. ماسكەۋ قالاسىنداعى اسا ءىرى «فۋد سيتي» بولشەكتىك-كوتەرمە ساۋدا ازىق-ت ۇلىك ورتالىعىندا «وڭتۇستىك قازاقستان» ساۋدا-كورمە زالى اشىلدى. جوبانىڭ ۇيىمداستىرۋشىسى قازاقستاننىڭ ساۋدا وكىلدىگى مەن رەسەيدەگى ەلشىلىگىنىڭ قولداۋىمەن KazFood برەندى اياسىندا «پريزما گرۋپپ» كومپانياسى بولدى.بۇل تۋرالى قازاقستاننىڭ رەسەيدەگى ەلشىلىگىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ساۋدا-كورمە زالىنىڭ سالتاناتتى اشىلۋ راسىمىنە وڭتۇستىك قازاقستان وبلىسى اكىمىنىڭ ورىنباسارى ساپاربەك تۇياقباەۆ, قازاقستاننىڭ رەسەيدەگى ساۋدا وكىلىنىڭ ورىنباسارى گۇلجان بودىقوۆا, «فۋد سيتي» اگروكلاستەرىنىڭ باس ديرەكتورى ومار ابراموۆ, رەسەي بيزنەسى مەن قازاقستان كاسىپورىندارىنىڭ وكىلدەرى قاتىستى. سالتانات كەزىندە ساپاربەك تۇياقباەۆ قازاقستاننىڭ ازىق-ت ۇلىك تاۋارلارىنىڭ رەسەي رىنوكتارىنا ەكسپورتىن كەڭەيتۋ قاجەتتىگىن ايتىپ ءوتتى. شەنەۋنىك وبلىس اكىمدىگىنىڭ قازاقستاندىق تاۋار وندىرۋشىلەرگە قازاقستاننىڭ رەسەيدەگى ساۋدا وكىلدىگى مەن ەلشىلىگىنە ءوزارا ءىس-قيمىل تانىتۋدا كومەك كورسەتۋدى جالعاستىرۋعا دايىن ەكەنىن اتاپ كورسەتتى. وڭتۇستىك قازاقستان وبلىسىنىڭ تاۋار وندىرۋشىلەرى رەسەيلىك تۇتىنۋشىلارعا ازىق-ت ۇلىك ونىمدەرىنىڭ 20-دان استام ءتۇرىن ۇسىندى جانە تاياۋ بولاشاقتا ءونىم تۇرلەرىن 100-گە جەتكىزۋدى جوسپارلاپ وتىر. اشىلۋ راسىمىندە رەسەيلىكتەرگە ەت ونىمدەرى مەن دەليكاتەستەر, جەمىس-كوكونىس كونسەرۆىلەرى مەن بالىق دەليكاتەستەرى, ءسۇت ونىمدەرى, كونديتەر بۇيىمدارى, باكالەيا تاۋارلارى, شاي, بال ونىمدەرى, ت.ب. ۇسىنىلدى. اتالعان جوبا قازاقستاندىق ءونىم وندىرۋشىلەر مەن ديستريبيۋتورلارعا جاردەم كورسەتۋ, رەسەي اۋماعىندا قازاقستاندىق ەكسپورتتىڭ گەوگرافياسى مەن كولەمىن كەڭەيتۋ ماقساتىندا جۇزەگە اسىرىلدى. تالعات رايىمبەك. دەرەك: egemen.kz. سۋرەت: inform.kz.