اناسىنىڭ كولىگىن ۇرلاپ قاشقان قىز قولعا ءتۇستى

كوكشەتاۋ. 26 قاڭتار. اقمولا وبلىسىنىڭ ورتالىعىندا اناسىنىڭ كولىگىن ۇرلاپ, ءمىنىپ كەتكەن قىزدىڭ ۇستىنەن قىلمىستىق ءىس قوزعالدى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى. «كوكشەتاۋ قالالىق ىشكى ىستەر باسقارماسىنا 42 جاستاعى قالا تۇرعىنىنان ءۇيدىڭ بەلگىسىز بىرەۋلەردىڭ ءۇيدىڭ اۋلاسىنان Mazda ماركالى كولىگىن ۇرلاپ, الىپ كەتكەنى جونىندە شاعىم ءتۇستى», - دەلىنگەن حابارلامادا. وسىدان كەيىن ىزگە تۇسكەن پوليتسەيلەر ۆيدەوباقىلاۋ كامەرالارىنان ءاۆتوموبيلدىڭ قاي جەردە جۇرگەنىن تەز انىقتاپ الادى. الايدا, جول ساقشىلارىنىڭ بەلگى كورسەتىپ, تالاپ ەتكەندەرىنە قاراماستان, ونى جۇرگىزۋشى توقتاماي, قاشىپ كەتەدى. كەيىنىرەك قۇقىق قورعاۋشىلار ىزدەۋدە جۇرگەن ماشينانىڭ اۋرۋحانا جانىندا تۇرعانىن بايقايدى. ولار وسى جەردە كولىكتى قولعا تۇسىرگەندە, ونىڭ تىزگىنىن زارداپ شەگۋشىنىڭ 26 جاستاعى ۇستاپ وتىرعانىنا كوز جەتكىزەدى. «سول كۇنى كەشكە ول كولىكتى جۇرگىزۋگە رۇقسات بەرەتىن قۇجاتسىز ءوز دوستارىمەن بىرگە تۇنگى قالادا سەرۋەن قۇرماقشى بولادى. وسىعان بايلانىستى قىلمىستىق كودەكستىڭ 200-بابى, 1-تارماعى بويىنشا قىلمىستىق ءىس قوزعالىپ, سوتقا دەيىنگى تەكسەرۋ جۇمىستارى قولعا الىندى», - دەلىنگەن حابارلاما تۇيىنىندە. باقبەرگەن امالبەك. دەرەك: اقمولا وبلىستىق ىشكى ىستەر دەپارتامەنتىنىڭ ءباسپاسوز قىزمەتى. فوتو: قازاقستان جاڭالىقتارى.