الماتىدا جارىقپەن بەزەندىرىلەتىن عيماراتتتار انىقتالدى

الماتى. 26 قاڭتار. الماتىداعى  تاريحي ءمانى  مەن ءسانى بار 139 ساۋلەت نىساندارى زاماناۋي جارىق كوزدەرىنىڭ ارقاسىندا ايرىقشا  كەلبەتكە يە بولادى. بۇل تۋرالى الماتى قالاسى اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. قالا قۇرىلىسى كەڭەسىنىڭ بەكىتۋىنە ۇسىنىلاتىن مەگاپوليستىڭ الاڭدارى مەن نىساندارىنا  زاماناۋي جارىق كوزدەرى ارقىلى  ايرىقشا كەلبەت بەرەتىن كونتسەپتسيا الماتىنىڭ ساۋلەت نىساندارىن ەرەكشە تارتىمدى ەتىپ, تۋريستەردىڭ قىزىعۋشىلىعىن ارتتىرا تۇسەدى دەپ كۇتىلۋدە. قالانى تۇندە جارقىراتىپ كورسەتەتىن جارىق كوزدەرى استانا الاڭىنا, رەسپۋبليكا الاڭىنداعى تاۋەلسىزدىك مونۋمەنتىنە, ورتالىق مەشىتكە, كافەدرالدى  شىركەۋگە ورناتىلادى. ەنەرگياجيناقتاۋ تەحنولوگياسى بويىنشا جاسالعان زاماناۋي جارىق كوزدەرى ماڭگىلىك الاۋدى, وفيتسەرلەر ءۇيىن, اباي اتىنداعى وپەرا جانە بالەت تەاترىن, ناتاليا ساتس اتىنداعى  تەاتردى, قاستەەۆ مۇراجايىن, قازاقستان رەسپۋبليكاسىنىڭ عىلىم  اكادەمياسىن, ءال-فارابي اتىنداعى قازاق ۇلتتىق ۋنيۆەرسيەتىن,  ورتالىق  الاڭدى, قازاقستان-بريتان تەحنيكالىق ۋنيۆەرسيتەتىن, مۇز سارايىن, «بالالار الەمى» دۇكەنىن, «الماتى» قوناق ءۇيىن, City Center ورتالىعىن, «سايران» اۆتوبەكەتىن, اۋەزوۆ اۋدانى  اكىمدىگى مەن  باسقا دا نىسانداردى ايشىقتاندىرا تۇسەدى. الەمدە كەڭىنەن قولدانىلاتىن  زاماناۋي  جارىق كوزدەرىن الماتىعا ەنگىزۋ شارالارى بيۋدجەتتەن تىس قارجى ەسەبىنەن جۇرگىزىلەدى. ايناش ەسالي. دەرەك, سۋرەت: الماتى قالاسى اكىمىنىڭ ءباسپاسوز قىزمەتى.