جاپونيادا حاكەرلەر قولىنان جۇزدەگەن سايتتارعا زيان كەلگەن

استانا. 26 قاڭتار. جاپونيادا حاكەرلەر شابۋىلىنان دەنساۋلىق ساقتاۋ مينيسترلىگىنىڭ رەسمي سايتى ىستەن شىقتى. NHK تەلەارناسىنىڭ مالىمدەۋىنشە, بۇل ءىستى بەلگىلى Anonymous ۇيىمىنىڭ ىستەگەنى انىقتالدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. سايت قىزمەتكەرلەرى دۇيسەنبى كۇننەن بەرى جۇمىستارىنا كىرىسە الماعانىن ايتىپ, شاعىمداندى. بۇل سايتقا وسىمەن ەكىنشى مارتە شابۋىل جاسالىپ تۇر. وتكەن جىلدىڭ قاراشا ايىندا وسىنداي جاعدايعا تاپ بولىپ, قالپىنا كەلتىرىلگەن بولاتىن. دۇيسەنبى كۇنىگى شابۋىلدان كەيىن جاپونيا باسشىلىعى بۇل ىسكە قارسى تۇرۋدىڭ جاڭا جولدارىن قاراستىردى. ايتا كەتەيىك, وتكەن جىلى كيبەرقىلمىسكەرلەر جاپونيادا ءىرى سايتتارعا جۇزدەگەن مارتە شابۋىلداعان. سالدارىنان 140 ۇيىمنان 2,07 ميلليون ادامنىڭ جەكە دەرەگى ۇرلاندى. جەرگىلىكتى باق وكىلدەرىنىڭ حابارلاۋىنشا, Anonymous حاكەرلەرى 100-گە جۋىق ءىستى, سونىڭ ىشىندە پرەمەر-مينيستر سيندزو ابەنىڭ رەسمي سايتىنا جاسالعان ارەكەتتى ءوز مويىندارىنا الدى. اتالعان حاكەرلەر ۇيىمى سونداي-اق, تايلاندتا جەرگىلىكتى سوتتىڭ 300-گە جۋىق ۆەب-سايتىنا جانە بيلىكتىڭ كوپتەگەن ينتەرنەت-رەسۋرستارىنا زيانىن تيگىزگەن. ايان ءابدۋالي. دەرەك: تاسس. سۋرەت: ru.tsn.ua.