كونستيتۋتسيالىق قۇقىق قورعالۋدا

اتىراۋ وبلىسىنىڭ پروكۋرورى عالىمجان توعىزباەۆتىڭ توراعالىعىمەن وبلىس پروكۋراتۋراسىنىڭ القا ءماجىلىسى بولدى. وندا وتكەن جىلدىڭ جۇمىس قورىتىندىلارى تالقىلانىپ, الداعى كەزەڭگە ارنالعان نەگىزگى باعىتتار ايقىندالدى. 2015 جىلى وبلىستىق پروكۋ­را­تۋرا ورگاندارىنىڭ قىزمەتى ازامات­تاردىڭ كونستيتۋتسيالىق قۇقىق­تارى مەن بوستاندىقتارىن قورعاۋعا, مەملەكەتتىك ورگاندار­دىڭ قۇقىقتىق اكتىلەرىنىڭ كونس­تي­تۋتسياعا, زاڭدارعا جانە پرەزيدەنت جارلىقتارىنا سايكەستىگى زاڭ­دى­لىعىنىڭ ساقتالۋىنا, قورشاعان ورتانى قورعاۋ تۋرالى زاڭنامالاردىڭ قولدانىلۋىنا, كاسىپكەرلىكتى قورعاۋ جانە قولداۋعا, مەملەكەتتىڭ ەكونوميكالىق مۇددەسىن قورعاۋعا باعىتتالدى. الەۋمەتتىك-ەكونوميكالىق سا­­لادا پروكۋرورلار 536 تەكسە­رۋلەر جۇرگىزىپ, 10 599 زاڭ بۇزۋشىلىقتاردى انىقتادى, 793 ۇسىنىس ەنگىزدى, 457 زاڭدى ءتۇسىن­دىرۋ جاسادى, 374 نارازىلىق قانا­عات­تاندىرىلدى. تەكسەرىس قۇجات­تارى بويىنشا 71 سوتقا دەيىنگى تەرگەپ-تەكسەرۋ باستالدى. 8 014 036 912 تەڭگە زيان شىعىنى وتەلدى, ونىڭ ىشىندە مەملەكەت پايداسىنا – 7 793 277 267 تەڭگە جانە 1 185 234 075 تەڭگەگە تەڭ م ۇلىك كەرى قايتارىلدى. القا قورىتىندىسىمەن بارلىق جەكە قۇرامعا پروكۋرورلىق قاداعالاۋ قىزمەتىندە مەملەكەت باسشىسىنىڭ جولداۋىنداعى تالاپتاردى باسشىلىققا الۋ, ازاماتتىق قوعاممەن ءوزارا ءىس-ارەكەتتى جانداندىرۋ, ازا­مات­تاردىڭ كونستيتۋتسيالىق قۇقىق­تارى مەن بوستاندىقتارىن, قورشا­عان ورتانى, كاسىپكەرلىكتى, مەملە­كەتتىڭ مۇددەسىن قورعاۋ جۇمىسىن جالعاستىرۋ تاپسىرىلدى. «ەگەمەن-اقپارات».