قولدى بولعان 817 ءىرى قارا

اقمولا پوليتسەيلەرى وسىنشا مالدى يەلەرىنە قايتارىپ بەرگىزدى اقمولا وبلىسى ىشكى ىستەر ور­گاندارىنىڭ قىزمەتكەرلەرى ءوت­كەن جىلى مال ۇرلىعىنىڭ جاي-جاپ­سارلارىن اشۋدا ايتار­لىقتاي پارمەندى جۇمىستار جۇرگىزدى. ولار بۇل رەتتە قىل­مىستىڭ الدىن الۋعا كوبىرەك كوڭىل ءبولىپ, جاسالعالى تۇرعان كوپتەگەن قولايسىز ىستەردىڭ جولىن كەسىپ ۇلگەردى. وسى ماقساتتا ءتارتىپ ساق­شى­لارى ەلدى مەكەندەردە مال قاراۋشىلار سانىن كو­بەيتە تۇسۋگە ىقپال جاسادى. ءسوي­تىپ, وتكەن جىلى ولاردىڭ قاتا­رى 65 ادامعا جەتتى. مال قاراۋ­شىلاردان بولەك, مالدى باعۋ جاعىن دا ايرىقشا نازاردا ۇستادى. وسىنىڭ ىڭعايىندا «ءۇش جاقتى» كەلىسىمشارت جاساۋ, مالعا ەن مەن تاڭبا سالۋ ماسەلەلەرى قاتاڭ باقىلاۋعا الىندى. جىل ىشىندە جاسالعان كەلىسىمشارتتار 2844-كە دەيىن كوتەرىلدى. ۇرلانعان مالدى ايداپ اكەتۋدىڭ بولجامدى ورىندارى كورسەتىلگەن كارتا-كەس­تە جاسالدى. سول ورىنداردىڭ ور­نالاسۋ ەرەكشەلىكتەرى ەسكەرىلە وتىرىپ, جان-جاققا 53 بلوك-بەكەت قويىلدى. بۇعان قوسا, استاناعا باراتىن جولدارعا 6, كوكشەتاۋعا كىرەتىن جولدارعا 3 بەكەت توپتاستىرىلدى. ولار جىل ىشىندە 1329 مال باسىن, تەرىسى سىپىرىلعان 3012 مال ەتىن, سونداي-اق, ولاردى تاسىمالداۋشى 1063 اۆتوكولىك قۇرالدارىن تەكسەرىپ شىقتى. وسىنداي پارمەندى جۇمىس­تاردىڭ ارقاسىندا 2016 جىلى وبلىستا مال ۇرلىعى اۋىر ءتۇرىنىڭ اشىلۋى 66,7 پايىزعا ءوستى. ال ورتاشا اۋىرلىقتاعى قىلمىستى اشۋ 23,8 پايىزعا ارتتى. بۇل جۇمىستاردىڭ قورىتىندىسىندا قولدى بولىپ بارا جاتقان 817 مال ءوز يەلەرىنە قايتارىلدى. اقمولا پوليتسەيلەرى بىلتىر ايتارلىقتاي تابىسقا جەتكىزگەن جۇمىستى بيىل دا جالعاستىرىپ كەلەدى. باقبەرگەن امالبەك, «ەگەمەن قازاقستان». اقمولا وبلىسى.