استانا قاۋىپسىزدىكتىڭ جاڭا فيلوسوفياسىن قالىپتاستىرۋدا

باسقا باسىلىمداردان قازاقستان ەۋروپاداعى قاۋىپ­سىز­دىك جانە ىنتىماقتاستىق ۇيى­مى­نا توراعالىعىندا ۇلتتىق سترا­تە­گيالىق جوبالاردى جۇزەگە اسىرا باستادى. وسى جىلدىڭ 1-2 جەل­توق­سانىندا استانادا وتەتىن ۇيىم­نىڭ ءسامميتى بارلىق كەڭىستىكتە جاۋاپكەرشىلىگى زور, ساپالىق جاعىنان سەرپىندى جاعداي جاسايدى. قازاقستان جوعارى دەڭگەيدەگى كەزدەسۋلەرگە ءوزىنىڭ ميسسياسىن ورىنداۋعا ناقتى ىستەرمەن كىرىسىپ وتىر دەپ ەسەپتەيمىز. ۇيىم كەڭىس­تىگىندە قاراما-قايشى كوزقاراس­تار­عا قاراماستان, قازاقستاندىقتار ۇيىمعا قاتىسۋشى ەلدەر باسشى­لا­رىنىڭ ۇستەل باسىندا كەلىسسوزدەر جۇرگىزۋلەرىنە كوزدەرىن جەتكىزدى. ەقىۇ ءۇشىن جوعارى دەڭگەيدەگى كەزدەسۋ سيرەك قۇبىلىس بولىپ تا­بىلادى. ەگەر تسيفر تىلىمەن ايتا­تىن بولساق, وسى جىلى حەلسينكي ۇدەرىسىنە 35 جىل تولدى, استانا­دا­عى جوسپارلانعان كەزدەسۋ جەتىنشى سامميت بولعالى وتىر. كەزدەسۋلەر ءار بەسجىلدىقتا كەم دەگەندە ءبىر رەت وتكىزىلەتىندىگى ايتىلىپ ءجۇر. بۇل ەقىۇ جۇيەسىندە كىدىرىستەر بار ەكەندىگىن كورسەتەدى. اتالعان دەرەك ۇيىمنىڭ نەگىز قالاۋشى قۇجاتى – 1990 جىلى قابىلدانعان پاريج حارتياسىنىڭ تالاپتارىنا قايشى كەلەدى. پاريج حارتياسىندا ەقىۇ ءسامميتىن ءار ەكى جىل سايىن وتكىزىپ تۇرۋ قاجەتتىگى كورسەتىلگەن. سولاي بولا تۇرسا دا ۇيىمنىڭ ءسامميتى وتكەن عاسىردان, دالىرەك ايتقاندا, 1999 جىلدان بەرى وتكى­زىلمەدى. ۇلكەن ساياساتتىڭ ولشەمى بويىنشا, بۇل – تۇتاس ءبىر ءداۋىردى قامتيدى. قازاقستاننىڭ ەقىۇ ساممي­تىن وتكىزۋ جونىندەگى باستاماسىنىڭ قولداۋ تابۋىنا قازاقستان پرە­زي­دەنتى نۇرسۇلتان نازارباەۆتىڭ حالىقارالىق ارەناداعى بەدەلى ۇلكەن ءرول اتقارعانىن اتاپ وتكەن ءجون. وندا مەملەكەت باسشىسىنىڭ بولاشاقتى ءدوپ بولجاي بىلگەنى جانە العا قويعان ماقساتتى ورىن­داۋعا دەگەن جىگەرى جاتىر. العا­شىن­دا كوپتەگەن ساراپشىلار مەن ساياساتكەرلەر قازاقستاننىڭ وسى ماسەلە بويىنشا كونسەنسۋسقا جەتۋىنە كۇمانمەن قارادى. شى­نىن­دا دا, جالپىەۋروپالىق قاۋىپ­سىزدىك فورۋمىن ورتالىق ازياداعى مەملەكەت باسقاراتىندىعى مۇمكىن ەمەستەي كورىنگەن. سونىمەن قاتار, قازاقستاننىڭ ەقىۇ ءسامميتىن وتكىزۋ تۋرالى ۇسىنىسىنا دا سىن كوزبەن قاراعاندار از بولعان جوق. وتكەن جىلدىڭ جەلتوقسانىندا افيناداعى ۇيىمعا قاتىسۋشى مەم­لەكەتتەر سىرتقى ىستەر مي­نيستر­لەرىنىڭ كەڭەسىندە قازاقستان­نىڭ ۇسىنىسى زور قىزىعۋشىلىق تۋعىزدى. بۇل جەردە قازاقستان رەسپۋب­لي­­كاسىنىڭ پرەزيدەنتى ن.ءا.نا­زار­باەۆتىڭ ساياسي دارا تۇلعاسىن, العا قويعان ماقساتقا جەتە بىلە­تىندىگىن, سوعان كوپشىلىكتىڭ كوزىن جەتكىزە الاتىن ەرەكشە قاسيەتىن اتاپ وتكەن دۇرىس. قازاقستان ەقىۇ-نى ناقتى ماقساتقا باعىتتالعان اوسشك, ناتو جانە ۇقشۇ سياقتى قۇرىلىمدارمەن كەلىسسوزدەر الاڭىنا اينالدىرۋ ساياساتىن جۇرگىزۋدە. قازاقستاننىڭ باستى ماقساتى – بىرلەسە كۇش جۇمىلدىرۋ ارقى­لى ەۋرازيا كەڭىستىگىندە قاۋىپسىز­دىكتى قامتاماسىز ەتۋ بولىپ تابى­لادى. بۇل ماقساتقا قول جەتكىزۋدىڭ ىرگەتاسى قازاقستاننىڭ ەقىۇ-عا توراعالىعى بارىسىندا قالاندى دەپ ايتۋعا بولادى. ۇيىمنىڭ استانادا وتەتىن جوعارى دەڭگەيدەگى كەزدەسۋىندە ەقىۇ-نىڭ ورنى مەن ونىڭ ءرولى جاڭا فيلوسوفيالىق تۇرعىدان قاراستىرىلادى جانە ۇيىمعا قاتىسۋشى ەلدەردىڭ بار­لىعىنا بۇل قۇندى باعىت بولادى. “ونلاين گازەتا”. ۆەنگريا.