اۋىلدىڭ گۇلدەنۋى – قازاقستاننىڭ گۇلدەنۋى

وسى تاقىرىپتا جالاعاش اۋ­داندىق مادەني-ساۋىقتىرۋ كەشە­نىندە وبلىستىق ىشكى ساياسات باس­قارماسىنىڭ ۇيىمداستىرۋىمەن سىر ايماعىنداعى اۋىل جاستارى­نىڭ سلەتى وتكىزىلدى. جىل سايىنعى داستۇرگە اينالعان جاستار سلەتىنە ۇكىمەتتىك ەمەس ۇيىمدار مەن قو­عامدىق قوزعالىستىڭ كوشباسشى­لارىنان جاساقتالعان 200-گە جۋىق جاس قاتىستى. جينالعان جاستار قوعامنىڭ قوز­عاۋشى كۇشىنىڭ الەۋمەتتىك-ساياسي بەلسەندىلىگى مەن ازاماتتىق, پات­ريوتتىق سەزىمدەرىن ارتتىرۋ, اۋىل­دىڭ گۇلدەنۋى مەن دامۋىنداعى جاس­تاردىڭ ۇلەس سالماعى جانە “ديپ­لوممەن – اۋىلعا” جوباسىن جۇزەگە اسىرۋدىڭ ءتيىمدى جولدارى سىندى ءۇش باعىتتا سەكتسيالارعا ءبولىنىپ, جۇمىستار جۇرگىزىلدى. ءۇش باعىتتاعى سەكتسيالاردا جوعارىداعىداي بەل­گىلەنگەن تاقىرىپتا باياندامالار جاسالىپ, جاستار كۇن تارتىبىندەگى ماسەلەلەرگە بايلانىستى ءوز ويلارىن بۇكپەسىز بايان ەتتى. – قازاقستاننىڭ كەمەل كەلە­شەگى جاس ۇرپاقتىڭ قولىندا, – دەي­دى وبلىستىق ىشكى ساياسات باسقار­ماسىنىڭ باستىعى رۋسلان رۇستە­موۆ. – ەلباسىمىز جىل سايىنعى جول­داۋلارىندا تاۋەلسىز ەلىمىزدىڭ ەرتەڭى – جاس وركەندەرگە ەرەكشە نازار اۋدارىپ, ولاردىڭ وزەكتى ماسەلەلەرىن مەملەكەتتىڭ قولداۋى ارقىلى شەشۋگە باسا كوڭىل بولۋدە. بىرىككەن ۇلتتار ۇيىمى الداعى 2011 جىلدى “جاستار جىلى” دەپ جاريالادى. حالىقارالىق دەڭگەي­دەگى ۇسىنىسقا ءۇن قوسۋدى مۇرات تۇتقان سىر ايماعى جاستارى وسى سلەتتى وتكىزىپ وتىر. سلەتكە قاتىسۋشىلار سىر اي­ما­عىندا اتقارىلىپ جاتقان جۇ­مىستارمەن ەگجەي-تەگجەيلى تانىس­تىرىلىپ, الدا تۇرعان اسقارالى مىندەتتەردەن حاباردار ەتىلدى. سلەتتە اۋىلدىڭ مادەنيەتى, اۋىل شارۋاشى­لىعى, سپورت, دەنساۋلىق ساقتاۋ جانە ءبىلىم بەرۋ ۇزدىكتەرى ماراپاتتالدى. سلەت بارىسىندا ءسوز العان جاس­تار ءوز وي-پىكىرلەرى مەن ۇسىنىس­تا­رىن اشىق ايتىپ, وبلىس جاستا­رى­نىڭ ورتاق مۇددەسىن كوزدەيتىن ۇندەۋ قابىلدادى. ەركىن ءابىل, قىزىلوردا وبلىسى, جالاعاش كەنتى.