كوكتاۋ دەيتىن اۋىل بار حرومتاۋدا

حرومتاۋ اۋدانىنىڭ كوكتاۋ  كەن ورنىندا “اقتوبە مىس كوم­پا­نياسى”جشس-ءنىڭ مىس جانە مىس-مىرىش كەنىن وندىرۋمەن اينالى­سۋى وسى اتتاس ەلدى مەكەننىڭ قايتا تۇلەۋىنە ىقپال ەتىپ وتىرعانى راس. ۇدەمەلى يندۋستريالىق-يننوۆا­تسيا­لىق باعدارلاما اياسىندا جۇزەگە اسىرىلىپ جاتقان بۇل جوبا وبلىس ەكونوميكاسىنىڭ بويىنا قان جۇگىرتىپ قانا قويماي, الەۋمەتتىك ماسەلەلەردىڭ وڭ شەشىلۋىنە سەپتىگىن تيگىزۋدە. مۇندا قازىر 1200 ادام جۇمىس ىستەيدى, ولاردىڭ 80 پايىزى – جەرگىلىكتى جۇمىسشىلار. بولا­شاق­تا جۇمىسشىلار سانىن ەكى مىڭ­عا جەتكىزۋ كوزدەلۋدە. وسى كا­سىپ­ورىنعا جاقىن جەردە “كوكتاۋ-2” اۋىلى بوي كوتەرۋدە. وسى ەلدى مەكەندە سالىنىپ جاتقان تۇرعىن ۇيلەرگە  “نۇرلى كوش” باعدارلا­ما­سى بويىنشا ەلگە كەلەتىن قانداس­تارىمىز قونىستانادى. الىس-جاقىن شەتەلدەردەن كو­شىپ كەلەتىن ورالمان باۋ­ىر­لارى­مىزدىڭ باسىم كوپشىلىگى وسى سەرىك­تەستىكتە جۇمىس ىستەيتىن بولادى. ءازىر­گە مۇندا ەلۋ ءۇيدىڭ قۇرىلىسى جۇرگىزىلۋدە. ونىڭ ون بەسىنىڭ شاتىرى جابىلعان, قۇرىلىسشىلار قالعاندارىن دا جاقىندا بىتىرەمىز دەپ قولدارىن ىسقىلاپ وتىر. ءار ۇيدە ءتورت پاتەر بار. اۋدان اكىمى ايازباي وسمانعاليەۆتىڭ ايتۋىنشا, الدىمەن ەكى ءجۇز وتباسى كوشىپ كەلەتىن كورىنەدى. ودان كەيىن تاعى دا 62 ءۇي سالۋ كوزدەلۋدە. جالپى, بۇل اۋىلعا التى جۇزدەي وتباسى كوشىپ كەلەدى دەپ كۇتىلۋدە. وسىندا سالىنىپ جاتقان 600 ورىندىق مەكتەپ قۇرىلىسى الداعى جىلى اياقتالماق. بولاشاقتا مۇندا بالا باقشا, كلۋب سياقتى الەۋمەتتىك نىساندار دا سالىنادى. اۋىلعا گاز كەلىپ تۇر. اۋىلداعى قۇرىلىستارعا تۇگەلدەي جەرگىلىكتى ماتەريالدار پايدالانىلۋدا. “كوك­تاۋ-2” اۋىلىنداعى بۇل ۇيلەردى ورال­ماندار  “تۇرعىنۇيقۇرىلىس­جي­­ناق بانكىنىڭ”  “وركەن” باع­دار­لاماسى نەسيەلەرىن پايدالانىپ الادى.  ول ءۇشىن ورالماندار 3,5 جىل بويى  ءۇي باعاسىنىڭ جارتى­سىن جيناپ, 15 جىلدا 4,5 پايىزبەن بارلىق بەرەشەگىنەن قۇتىلادى. ساتىبالدى ءساۋىرباي, اقتوبە وبلىسى.