اباي ءتىلىنىڭ مەرەكەسى سەرۆانتەس جەرىندە

قازاقستان رەسپۋبليكاسىنىڭ يسپانيا كورولدىگىندەگى ەلشىلىگى قازاقستان حالقىنىڭ تىلدەرى كۇنى مەرەكەسىن وتكىزدى. اتالعان ءىس-شاراعا يسپانياداعى قازاق دياس­پو­راسىنىڭ وكىلدەرى, ەلشىلىك قىز­مەتكەرلەرى جانە ولاردىڭ وت­باسى مۇشەلەرى بەلسەنە قاتىستى. قازاقستان رەسپۋبليكاسىنىڭ يسپانيا كورولدىگىندەگى ەلشىسى ەرعالي بولەگەنوۆ مەرەكە كۇنىنە ارناعان سوزىندە وسى مەرەكەنىڭ رەس­پۋبليكامىزدىڭ كوپۇلتتى ەل ەكەندىگىن انىق كورسەتەتىنىن, مەم­لەكەت باسشىلىعىنىڭ جۇرگى­زىپ وتىرعان ساياساتى قازاقستاندا تۇراتىن ۇلتتاردىڭ ەتنوستىق توپ­تارىنىڭ تەڭدىگىن كۇشەيتۋگە باعىتتالعانىن اتاپ ءوتتى. قا­زاق­ستان ديپلوماتى تىڭدارمان­دار­دىڭ نازارىن مەملەكەتتىك ءتىل سايا­ساتىنىڭ قۇقىقتىق نەگىزىنە, ونىڭ ىشىندە “قر تىلدەرى تۋرالى” جانە “قر ءبىلىم تۋرالى” زاڭدا­رىنا, 2005-2010 جىلدارعا جوس­پار­لانعان تىلدەردىڭ جۇمىس ىستەۋى مەن دامۋى تۋرالى مەملەكەتتىك باعدارلا­ماسىنا اۋداردى. وسىمەن بىرگە, قازاقستاندا وسى تاۋەلسىزدىك جىلدارىندا ۇلكەن تابىستارمەن وتكىزىلىپ وتىرعان ساياسي جانە ەكونوميكالىق رەفورمالاردىڭ ەلىمىزدەگى تىلدەردىڭ دامۋىنا وڭ اسەرىن بەلگىلەدى. مەرەكەلىك شارالاردى ءبىتىرۋ الدىندا, يسپانيادا – ۇلى سەر­ۆانتەستىڭ جەرىندە تۋعان جاس ءنا­رەس­تەگە, ەلشىلىك قىزمەتكەرىنىڭ ۇلى – قازاقستان رەسپۋبليكا­سىنىڭ ازاماتىنا رەسمي تۇردە تۋ تۋرالى كۋالىك تاپسىرىلدى. “ەگەمەن-اقپارات”.