ەلباسى نۇرسۇلتان نازارباەۆ جامبىل وبلىسىنا ەكى كۇندىك جۇمىس ساپارىمەن كەلدى
كەڭەس وداعىنىڭ باتىرى, كوزىنىڭ تىرىسىندە-اق حالىق جۇرەگىندەگى قالاۋلى قاھارمانعا اينالعان باۋىرجان مومىش ۇلىنىڭ 100 جىلدىق مەرەيتويىنىڭ قۋانىشى كوڭىلدەرىندە ءالى باسىلماي جۇرگەن جامبىلدىقتار پرەزيدەنت نۇرسۇلتان نازارباەۆتىڭ جامبىل وڭىرىنە ات باسىن بۇرۋىن جاقسىلىققا جورىدى.
ەلباسى “اۋليەاتا” اۋەجايىنان بىردەن قازاقستان رەسپۋبليكاسىنىڭ تۇڭعىش پرەزيدەنتى ساياباعىنا كەلىپ, قالا تۇرعىندارىمەن جانە وبلىستىق ىشكى ىستەر دەپارتامەنتىنىڭ جاس كادرلارىمەن اڭگىمەلەستى. جامبىل وبلىسىنىڭ اكىمى قانات بوزىمباەۆ پەن وبلىستىق ىشكى ىستەر دەپارتامەنتىنىڭ باستىعى بەكەت بايماعامبەتوۆ قۇقىق قورعاۋ مەن ءتارتىپ ساقتاۋداعى اتقارىلىپ جاتقان جۇمىستار تۋرالى باياندادى.
پرەزيدەنت نۇرسۇلتان نازارباەۆ بۇدان كەيىن تاراز قالاسىنداعى ءجۇن وڭدەيتىن فابريكادا بولىپ, وسىنداعى توپس شىعاراتىن تسەحتى ىسكە قوستى. توپس دەگەن توسىنداۋ ءسوزدى قازاقشالاساق – ول ءجۇندى وڭدەپ, ءجىپ, ودان ماتا جاساۋ ءۇشىن ۇرشىققا ءيىرۋ ءۇشىن دايىندالاتىن كادىمگى شۇيكە ىسپەتتى نارسە. قارداي اپپاق, ماقتاداي جۇمساق. ساپاسى دا وتە جوعارى.
بۇل جوبا وبلىستاعى ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا جۇزەگە اسىرىلعان. جوبانى جۇزەگە اسىرۋ وسىدان ەكى جىل بۇرىن قولعا الىندى. جالپى قۇنى 1116 ميلليون تەڭگە بولادى. كاسىپورىنعا 967 ميلليون تەڭگە نەسيەنى “قازاگرو” ۇلتتىق باسقارۋ حولدينگى” اق بەرىپ وتىر. ال قالعان 167 ميلليون تەڭگە فابريكا يەلەرىنىڭ ءوز قارجىسى. وسىدان كەيىن كاسىپورىن باسشىلارى تاۋەكەلگە بەل بايلاپ, 450 ميلليون تەڭگەگە فرانتسيادان ءجۇن وڭدەيتىن زاماناۋي ۇلگىدەگى جابدىقتار ساتىپ العان. تسەحتا ءبىر جىلدا 2000 توننا ارقار-مەرينوس قويىنىڭ اق ءجۇنى وڭدەلىپ, ودان 800 توننا توپس وندىرىلەدى.
الەمدىك رىنوكتا تياناقتاي وڭدەلگەن جۇنگە دەگەن سۇرانىس بارلىق ۋاقىتتا دا جوعارى. مىسالى, قازاقستاندا جىلىنا شامامەن 7 مىڭ توننا ءجۇن قىرقىلادى. ال فابريكانىڭ جىلىنا 2 مىڭ توننا توپس, ياعني شۇيكە وندىرۋگە مۇمكىندىگى بار. سوندىقتان “تاراز-پوش فابريكاسى” جاۋاپكەرشىلىگى شەكتەۋلى سەرىكتەستىگى كەلەشەكتە يتاليا جانە ءۇندىستان ەلدەرىمەن بىرلەسكەن كاسىپورىن قۇرۋدى جوسپارلاپ وتىر. ول كاسىپورىن ماتا وندىرۋمەن شۇعىلداناتىن بولادى.
قازىردىڭ وزىندە وسىندا وندىرىلەتىن توپسقا تاپسىرىس بەرۋشىلەر كوپتەپ تابىلۋدا. قازىر مۇندا 100 ادام جۇمىس ىستەيدى. ءوندىرىس ورنى تولىعىمەن جۇمىس ىستەگەندە تاعى دا 200 جاڭا جۇمىس ورنى اشىلادى. جۇمىسشىلاردىڭ ورتاشا ايلىق جالاقىسى 35 مىڭ تەڭگە.
توپس وندىرەتىن تسەحتى ىسكە قوسقان ەلباسى نۇرسۇلتان نازارباەۆ تسەحتىڭ جۇمىس ۇدەرىسىمەن تانىسىپ, جۇمىسشىلارمەن سويلەسىپ, ولاردىڭ فابريكاداعى تىنىس-تىرشىلىگىن ءبىلدى.
ەلباسىنىڭ جامبىل وبلىسىنداعى جۇمىس ساپارى بۇگىن ودان ءارى جالعاسادى.
كوسەمالى ساتتىباي ۇلى, جامبىل وبلىسى. سۋرەتتەردى تۇسىرگەندەر س.بوندارەنكو, ب.وتارباەۆ.
كەڭەس وداعىنىڭ باتىرى, كوزىنىڭ تىرىسىندە-اق حالىق جۇرەگىندەگى قالاۋلى قاھارمانعا اينالعان باۋىرجان مومىش ۇلىنىڭ 100 جىلدىق مەرەيتويىنىڭ قۋانىشى كوڭىلدەرىندە ءالى باسىلماي جۇرگەن جامبىلدىقتار پرەزيدەنت نۇرسۇلتان نازارباەۆتىڭ جامبىل وڭىرىنە ات باسىن بۇرۋىن جاقسىلىققا جورىدى.
ەلباسى “اۋليەاتا” اۋەجايىنان بىردەن قازاقستان رەسپۋبليكاسىنىڭ تۇڭعىش پرەزيدەنتى ساياباعىنا كەلىپ, قالا تۇرعىندارىمەن جانە وبلىستىق ىشكى ىستەر دەپارتامەنتىنىڭ جاس كادرلارىمەن اڭگىمەلەستى. جامبىل وبلىسىنىڭ اكىمى قانات بوزىمباەۆ پەن وبلىستىق ىشكى ىستەر دەپارتامەنتىنىڭ باستىعى بەكەت بايماعامبەتوۆ قۇقىق قورعاۋ مەن ءتارتىپ ساقتاۋداعى اتقارىلىپ جاتقان جۇمىستار تۋرالى باياندادى.
پرەزيدەنت نۇرسۇلتان نازارباەۆ بۇدان كەيىن تاراز قالاسىنداعى ءجۇن وڭدەيتىن فابريكادا بولىپ, وسىنداعى توپس شىعاراتىن تسەحتى ىسكە قوستى. توپس دەگەن توسىنداۋ ءسوزدى قازاقشالاساق – ول ءجۇندى وڭدەپ, ءجىپ, ودان ماتا جاساۋ ءۇشىن ۇرشىققا ءيىرۋ ءۇشىن دايىندالاتىن كادىمگى شۇيكە ىسپەتتى نارسە. قارداي اپپاق, ماقتاداي جۇمساق. ساپاسى دا وتە جوعارى.
بۇل جوبا وبلىستاعى ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا جۇزەگە اسىرىلعان. جوبانى جۇزەگە اسىرۋ وسىدان ەكى جىل بۇرىن قولعا الىندى. جالپى قۇنى 1116 ميلليون تەڭگە بولادى. كاسىپورىنعا 967 ميلليون تەڭگە نەسيەنى “قازاگرو” ۇلتتىق باسقارۋ حولدينگى” اق بەرىپ وتىر. ال قالعان 167 ميلليون تەڭگە فابريكا يەلەرىنىڭ ءوز قارجىسى. وسىدان كەيىن كاسىپورىن باسشىلارى تاۋەكەلگە بەل بايلاپ, 450 ميلليون تەڭگەگە فرانتسيادان ءجۇن وڭدەيتىن زاماناۋي ۇلگىدەگى جابدىقتار ساتىپ العان. تسەحتا ءبىر جىلدا 2000 توننا ارقار-مەرينوس قويىنىڭ اق ءجۇنى وڭدەلىپ, ودان 800 توننا توپس وندىرىلەدى.
الەمدىك رىنوكتا تياناقتاي وڭدەلگەن جۇنگە دەگەن سۇرانىس بارلىق ۋاقىتتا دا جوعارى. مىسالى, قازاقستاندا جىلىنا شامامەن 7 مىڭ توننا ءجۇن قىرقىلادى. ال فابريكانىڭ جىلىنا 2 مىڭ توننا توپس, ياعني شۇيكە وندىرۋگە مۇمكىندىگى بار. سوندىقتان “تاراز-پوش فابريكاسى” جاۋاپكەرشىلىگى شەكتەۋلى سەرىكتەستىگى كەلەشەكتە يتاليا جانە ءۇندىستان ەلدەرىمەن بىرلەسكەن كاسىپورىن قۇرۋدى جوسپارلاپ وتىر. ول كاسىپورىن ماتا وندىرۋمەن شۇعىلداناتىن بولادى.
قازىردىڭ وزىندە وسىندا وندىرىلەتىن توپسقا تاپسىرىس بەرۋشىلەر كوپتەپ تابىلۋدا. قازىر مۇندا 100 ادام جۇمىس ىستەيدى. ءوندىرىس ورنى تولىعىمەن جۇمىس ىستەگەندە تاعى دا 200 جاڭا جۇمىس ورنى اشىلادى. جۇمىسشىلاردىڭ ورتاشا ايلىق جالاقىسى 35 مىڭ تەڭگە.
توپس وندىرەتىن تسەحتى ىسكە قوسقان ەلباسى نۇرسۇلتان نازارباەۆ تسەحتىڭ جۇمىس ۇدەرىسىمەن تانىسىپ, جۇمىسشىلارمەن سويلەسىپ, ولاردىڭ فابريكاداعى تىنىس-تىرشىلىگىن ءبىلدى.
ەلباسىنىڭ جامبىل وبلىسىنداعى جۇمىس ساپارى بۇگىن ودان ءارى جالعاسادى.
كوسەمالى ساتتىباي ۇلى, جامبىل وبلىسى. سۋرەتتەردى تۇسىرگەندەر س.بوندارەنكو, ب.وتارباەۆ.
