شىۇ اياسىنداعى “بەيبىت ميسسيا-2010” جاتتىعۋلارى شەبەرلىكتى شىڭداۋدا
لاڭكەستىككە قارسى حالىقارالىق “بەيبىت ميسسيا-2010” بىرلەسكەن اسكەري جاتتىعۋ ويىندارىنىڭ بەلسەندى كەزەڭى “ماتىبۇلاق” جالپى اسكەري پوليگونىندا وتكىزىلدى. قازاقستان, رەسەي, قىتاي, قىرعىزستان, تاجىكستان مەملەكەتتەرى اسكەري قۇرامالارىمەن قاتار, قر ءىىم-ءىنىڭ “بۇركىت” ارناۋلى وتريادى مەن قر ۇقك-ءنىڭ “ارىستان” وتريادى دا قاتىسقان اسكەري جاتتىعۋلاردى شىۇ-عا مۇشە مەملەكەتتەردىڭ قورعانىس سالاسى باسشىلارى قاداعالادى.
بۇل ءىس-شاراعا 6,5 مىڭنان استام اسكەريلەردىڭ قاتىسۋى ونىڭ اۋقىمدىلىعىن ايقىن اڭعارتادى. سونىمەن قاتار, وعان جاۋىنگەرلىك ۇشاق پەن تىكۇشاقتاردى قوسا ەسەپتەگەندە 1,5 مىڭنان استام قارۋ-جاراق پەن اسكەري تەحنيكانىڭ تارتىلۋى دا كوپ نارسەدەن حابار بەرسە كەرەك. ولاردى قازاقستان, رەسەي جانە قىتاي مەملەكەتتەرى قوسقان.
حالىقارالىق بىرلەسكەن اسكەري جاتتىعۋلاردىڭ نەگىزىنە – بۇگىنگى تاڭدا الەم نازارىن وزىنە اۋدارىپ, قوعامعا ۇلكەن قاۋىپ ءتوندىرىپ وتىرعان ەڭ ءىرى جويقىن قاتەرلەردىڭ ءبىرى – ۇلتارالىق, ءدىني جانە وزگە دە شيەلەنىستەردىڭ ناتيجەسىندە ۋشىعىپ, دۇربەلەڭ تۋدىراتىن كۇردەلى جاعداي الىنعان. سالا باسشىلارىنىڭ ايتۋىنشا, “ماتىبۇلاق” جالپى اسكەري پوليگونىندا ۇيىمداستىرىلعان ءىرى جاتتىعۋ ويىندارى وعان قاتىسۋشىلاردى, انىعىراق ايتقاندا شىۇ-عا مۇشە مەملەكەتتەرىنىڭ قارۋلى كۇشتەرى سالاسى ۇجىمىن ۇلتارالىق, ءدىني نەمەسە باسقا دا شيەلەنىستەر تۇتانا قالعان جاعدايدا, ونى بىرلەسىپ جويۋعا كومەكتەسپەك.
ءبىز ءسوز ەتىپ وتىرعان پوليگونداعى لاڭكەستىككە قارسى حالىقارالىق “بەيبىت ميسسيا-2010” جاتتىعۋ ويىندارىنا ەنگەن ءتورت تاكتيكالىق وقيعانىڭ, ەپيزودتىڭ ءبىرى تۇنگى ۋاقىتتا وتكىزىلەدى دەپ جوسپارلانعان. قازاقستان رەسپۋبليكاسى مەن رەسەي فەدەراتسياسى قارۋلى كۇشتەرىنىڭ “سترەلا-10” جانە “يگلا” زەنيتتىك-راكەتالىق كەشەندەرى اۆياتسيانىڭ تالقانداۋ الاڭىنا ەنىپ, اۋە شابۋىلى قۇرالدارىن جويىپ جىبەرەدى. سونداي-اق, وپەراتسيا كەزىندە ءوز قارسىلاستارىن جاڭىلىستىرىپ, اداستىرۋدى ويلاستىرعان “پريما” رەاكتيۆتى ديۆيزياسى وزدەرىنىڭ باستى سوققىسىنىڭ باعىتىن ناقتى كورسەتپەي, قارسىلاسىنان باسىم تۇسەدى. ءسويتىپ, اسكەري جاتتىعۋلارداعى الدىن الا ويلاستىرىلعان وقيعالار وسىلاي ءوربىپ, ءوزىنىڭ سوڭعى ءتۇيىندى ساتىنە دە جەتتى.
حالىقارالىق “بەيبىت ميسسيا-2010” اسكەري جاتتىعۋلارى شىۇ-عا مۇشە-مەملەكەتتەر – قازاقستان, رەسەي, قىتاي, تاجىكستان, قىرعىزستان قارۋلى كۇشتەرى باسشىلارى تاراپىنان ويداعىداي باعالاندى. اسكەري جاتتىعۋلار اياقتالعاننان كەيىن وتكىزىلگەن بريفينگتە سالا باسشىلارى شىعىپ سويلەپ, ءوز ويلارىن ورتاعا سالدى. بريفينگتە العاشقىلاردىڭ ءبىرى بولىپ ءسوز العان قازاقستان رەسپۋبليكاسى قورعانىس ءمينيسترى ادىلبەك جاقسىبەكوۆ ء“اسكەريلەردىڭ وزدەرىنە تاپسىرىلعان ىسكە جوعارى جاۋاپكەرشىلىكپەن, ۇقىپتىلىقپەن قاراعاندىعىن” تىلگە تيەك ەتتى.
– حالىقارالىق “بەيبىت ميسسيا-2010” بىرلەسكەن اسكەري جاتتىعۋلارىنا قاتىسۋشى بارلىق جاساقتار تۇگەلدەي دەرلىك وزدەرىنە قويىلعان تاپسىرمالاردى مۇلتىكسىز ورىنداپ شىقتى. بۇل ورايدا اتاپ ايتارلىعى جانە ەڭ باستىسى, حالىقارالىق جاتتىعۋلار قورىتىندىسى شىۇ-عا مۇشە-مەملەكەتتەردىڭ اۋماعىندا تۇراقسىز جاعداي قالىپتاسقان جاعدايدا ونىڭ الدىن الۋعا, ياعني وعان تويتارىس بەرەتىندەي كۇشتىڭ بار ەكەنىن دالەلدەپ شىقتى, – دەدى ول.
قر قورعانىس ءمينيسترىنىڭ بۇل پىكىرى ونىڭ ارىپتەستەرى تاراپىنان دا قولداۋ تاپتى. رەسەي فەدەراتسياسى قورعانىس ءمينيسترى اناتولي سەرديۋكوۆ, قحر قورعانىس مينيسترى ليان گۋانلە, ءتاجىستان قارۋلى كۇشتەرى باس شتابى باستىعىنىڭ ورىنباسارى زاريف بوبوكالونوۆ, قىرعىزستان قورعانىس ءمينيسترى ابيبيللا قۇدايبەرديەۆ جانە باسقالار اسكەري جاتتىعۋ ويىندارى دەڭگەيىنىڭ تالاپقا ساي ەكەندىگىن اتاپ ايتتى.
باقىت بالعارينا, الماتى. سۋرەتتى تۇسىرگەن بەرسىنبەك سارسەنوۆ.
لاڭكەستىككە قارسى حالىقارالىق “بەيبىت ميسسيا-2010” بىرلەسكەن اسكەري جاتتىعۋ ويىندارىنىڭ بەلسەندى كەزەڭى “ماتىبۇلاق” جالپى اسكەري پوليگونىندا وتكىزىلدى. قازاقستان, رەسەي, قىتاي, قىرعىزستان, تاجىكستان مەملەكەتتەرى اسكەري قۇرامالارىمەن قاتار, قر ءىىم-ءىنىڭ “بۇركىت” ارناۋلى وتريادى مەن قر ۇقك-ءنىڭ “ارىستان” وتريادى دا قاتىسقان اسكەري جاتتىعۋلاردى شىۇ-عا مۇشە مەملەكەتتەردىڭ قورعانىس سالاسى باسشىلارى قاداعالادى.
بۇل ءىس-شاراعا 6,5 مىڭنان استام اسكەريلەردىڭ قاتىسۋى ونىڭ اۋقىمدىلىعىن ايقىن اڭعارتادى. سونىمەن قاتار, وعان جاۋىنگەرلىك ۇشاق پەن تىكۇشاقتاردى قوسا ەسەپتەگەندە 1,5 مىڭنان استام قارۋ-جاراق پەن اسكەري تەحنيكانىڭ تارتىلۋى دا كوپ نارسەدەن حابار بەرسە كەرەك. ولاردى قازاقستان, رەسەي جانە قىتاي مەملەكەتتەرى قوسقان.
حالىقارالىق بىرلەسكەن اسكەري جاتتىعۋلاردىڭ نەگىزىنە – بۇگىنگى تاڭدا الەم نازارىن وزىنە اۋدارىپ, قوعامعا ۇلكەن قاۋىپ ءتوندىرىپ وتىرعان ەڭ ءىرى جويقىن قاتەرلەردىڭ ءبىرى – ۇلتارالىق, ءدىني جانە وزگە دە شيەلەنىستەردىڭ ناتيجەسىندە ۋشىعىپ, دۇربەلەڭ تۋدىراتىن كۇردەلى جاعداي الىنعان. سالا باسشىلارىنىڭ ايتۋىنشا, “ماتىبۇلاق” جالپى اسكەري پوليگونىندا ۇيىمداستىرىلعان ءىرى جاتتىعۋ ويىندارى وعان قاتىسۋشىلاردى, انىعىراق ايتقاندا شىۇ-عا مۇشە مەملەكەتتەرىنىڭ قارۋلى كۇشتەرى سالاسى ۇجىمىن ۇلتارالىق, ءدىني نەمەسە باسقا دا شيەلەنىستەر تۇتانا قالعان جاعدايدا, ونى بىرلەسىپ جويۋعا كومەكتەسپەك.
ءبىز ءسوز ەتىپ وتىرعان پوليگونداعى لاڭكەستىككە قارسى حالىقارالىق “بەيبىت ميسسيا-2010” جاتتىعۋ ويىندارىنا ەنگەن ءتورت تاكتيكالىق وقيعانىڭ, ەپيزودتىڭ ءبىرى تۇنگى ۋاقىتتا وتكىزىلەدى دەپ جوسپارلانعان. قازاقستان رەسپۋبليكاسى مەن رەسەي فەدەراتسياسى قارۋلى كۇشتەرىنىڭ “سترەلا-10” جانە “يگلا” زەنيتتىك-راكەتالىق كەشەندەرى اۆياتسيانىڭ تالقانداۋ الاڭىنا ەنىپ, اۋە شابۋىلى قۇرالدارىن جويىپ جىبەرەدى. سونداي-اق, وپەراتسيا كەزىندە ءوز قارسىلاستارىن جاڭىلىستىرىپ, اداستىرۋدى ويلاستىرعان “پريما” رەاكتيۆتى ديۆيزياسى وزدەرىنىڭ باستى سوققىسىنىڭ باعىتىن ناقتى كورسەتپەي, قارسىلاسىنان باسىم تۇسەدى. ءسويتىپ, اسكەري جاتتىعۋلارداعى الدىن الا ويلاستىرىلعان وقيعالار وسىلاي ءوربىپ, ءوزىنىڭ سوڭعى ءتۇيىندى ساتىنە دە جەتتى.
حالىقارالىق “بەيبىت ميسسيا-2010” اسكەري جاتتىعۋلارى شىۇ-عا مۇشە-مەملەكەتتەر – قازاقستان, رەسەي, قىتاي, تاجىكستان, قىرعىزستان قارۋلى كۇشتەرى باسشىلارى تاراپىنان ويداعىداي باعالاندى. اسكەري جاتتىعۋلار اياقتالعاننان كەيىن وتكىزىلگەن بريفينگتە سالا باسشىلارى شىعىپ سويلەپ, ءوز ويلارىن ورتاعا سالدى. بريفينگتە العاشقىلاردىڭ ءبىرى بولىپ ءسوز العان قازاقستان رەسپۋبليكاسى قورعانىس ءمينيسترى ادىلبەك جاقسىبەكوۆ ء“اسكەريلەردىڭ وزدەرىنە تاپسىرىلعان ىسكە جوعارى جاۋاپكەرشىلىكپەن, ۇقىپتىلىقپەن قاراعاندىعىن” تىلگە تيەك ەتتى.
– حالىقارالىق “بەيبىت ميسسيا-2010” بىرلەسكەن اسكەري جاتتىعۋلارىنا قاتىسۋشى بارلىق جاساقتار تۇگەلدەي دەرلىك وزدەرىنە قويىلعان تاپسىرمالاردى مۇلتىكسىز ورىنداپ شىقتى. بۇل ورايدا اتاپ ايتارلىعى جانە ەڭ باستىسى, حالىقارالىق جاتتىعۋلار قورىتىندىسى شىۇ-عا مۇشە-مەملەكەتتەردىڭ اۋماعىندا تۇراقسىز جاعداي قالىپتاسقان جاعدايدا ونىڭ الدىن الۋعا, ياعني وعان تويتارىس بەرەتىندەي كۇشتىڭ بار ەكەنىن دالەلدەپ شىقتى, – دەدى ول.
قر قورعانىس ءمينيسترىنىڭ بۇل پىكىرى ونىڭ ارىپتەستەرى تاراپىنان دا قولداۋ تاپتى. رەسەي فەدەراتسياسى قورعانىس ءمينيسترى اناتولي سەرديۋكوۆ, قحر قورعانىس مينيسترى ليان گۋانلە, ءتاجىستان قارۋلى كۇشتەرى باس شتابى باستىعىنىڭ ورىنباسارى زاريف بوبوكالونوۆ, قىرعىزستان قورعانىس ءمينيسترى ابيبيللا قۇدايبەرديەۆ جانە باسقالار اسكەري جاتتىعۋ ويىندارى دەڭگەيىنىڭ تالاپقا ساي ەكەندىگىن اتاپ ايتتى.
باقىت بالعارينا, الماتى. سۋرەتتى تۇسىرگەن بەرسىنبەك سارسەنوۆ.
