كەلەلى كەزدەسۋلەر كەزەڭى

ەلباسىمىزدىڭ بارشا قازاق­ستان­دىقتارعا ارناعان بيىلعى جول­داۋىنىڭ نەگىزگى قاعيداتتارىن حا­لىققا ءتۇسىندىرىپ, ونىڭ باسىم با­عىتتارىن كەڭىنەن ناسيحاتتاۋ ماق­ساتىندا سىر ايماعىنا كەلگەن رەس­پۋبليكالىق اقپاراتتىق-ناسيحات­تىق توپ قازالى, جالاعاش, شيەلى اۋ­دان­دارىندا بولىپ, كوپشىلىك حا­لىق­پەن جىلى جۇزدەسۋلەر وتكىزدى. كەزدەسۋلەردە ناسيحاتتىق توپ مۇشەلەرى ءبىلىم بەرۋ مەن دەنساۋلىق ساقتاۋ سالاسىنداعى ەلىمىزدە اتقا­رىلىپ جاتقان اۋقىمدى جۇمىستار­عا كەڭىنەن توقتالدى. ءبىلىم جانە عىلىم مينيسترلىگى مەملەكەتتىك ساتىپ الۋ اقپارات­تىق-تەحنيكالىق قامتاماسىز ەتۋ دە­پار­تامەنتىنىڭ باسقارما باس­تى­عى ماي­را مەلدەبەكوۆا بالا­باق­شا­مەن قام­تۋ جايىن, 12 جىلدىق ءبىلىم بە­رۋگە كوشۋدى, اتا-انا, مەك­تەپ, وقۋ­شى تاراپىنان باي­لا­نىس جاساۋدى جولعا قويۋ قاجەت­تى­گىنە توقتالدى. ىشكى ىستەر مينيسترلىگى جول پو­لي­تسياسى كوميتەتىنىڭ توراعاسى قاي­­رات تىنىبەكوۆ باستاعان اقپا­رات­تىق-ناسيحاتتىق توپ وكىلدەرى جالاعاش اۋدانى تۇرعىندارىمەن, ال پرەزيدەنت اكىمشىلىگىنىڭ ىشكى ساياسات ءبولىمىنىڭ سەكتور مەڭگەرۋشىسى قۋات بوراشەۆ باستاعان توپ وكىلدەرى شيەلى اۋدانى تۇرعىندارىمەن جىلى جۇزدەسۋلەر وتكىزدى. قايسىبىر اۋدانداعى كەزدەسۋ­لەر­دەن سوڭ استانادان ارنايى ات باس­تارىن بۇرعان رەسپۋبليكالىق اق­پاراتتىق-ناسيحاتتىق توپ مۇشەلەرى قوعامدىق قابىلداۋلار وتكىزدى. ەركىن ءابىل. قىزىلوردا وبلىسى.