سوتتالعاندار جاقىندارىمەن بەينەبايلانىسقا شىقتى

كەشە ادىلەت مينيسترلىگى قىلمىستىق-اتقارۋ جۇيەسى كوميتەتىندە وتاندىق پەنيتەنتسيارلىق جۇيە تاريحىندا العاشقى رەت سوتتالعانداردىڭ قاشىقتا تۇراتىن تۋىستارىمەن ون-لاين بەينەرەجىمىندەگى كەزدەسۋى بولىپ ءوتتى. قاناتقاقتى جوبانى العاشقىلاردىڭ ءبىرى بولىپ سوتتالعانداردىڭ استانا, الماتى, اقتوبە, سەمەي قالالارىندا تۇراتىن تۋىستارى پايدالاندى. تار قاپاسقا قامالعاندار سىرت­قى دۇنيەمەن اقپاراتتىق بايلا­نىس­تا, سونداي-اق ءوز تۋعان-تۋىس­تا­رىمەن ارالاس-قۇرالاس بولۋعا اسا مۇق­تاج. ال مۇنداي جاڭا مۇمكىندىك ولارعا مورالدىق جانە پسيحو­لو­گيالىق تۇرعىدا قولداۋ بولاتىنى ان­ىق. جاڭا ءادىستىڭ تاعى ءبىر پاي­دا­لىلىعى ەلىمىزدىڭ ءبىر تۇكپىرىندە جازاسىن وتەپ جاتقان سوتتالۋشى­نىڭ ەكىنشى ءبىر وبلىستا تۇراتىن تۋ­ىستارىمەن جول ءجۇرۋ شىعىن­دا­رىن­سىز-اق قىسقا ۋاقىت ارا­لى­عىن­دا كوزبە-كوز جۇزدەسە الاتىندىعى بو­لىپ وتىر. تۋىسقاندارىنىڭ ما­تە­ريالدىق مۇمكىندىكتەرى جوقتى­عىن, سونداي-اق اۋا رايىنىڭ ءار­دايىم جول جۇرۋگە قولايلى بولا بەر­مەيتىنىن ەسكەرسەك, سوت­تال­عان­دارعا كەزدەسۋگە كەلەتىن جاقىن تۋ­ىس­قاندارىنىڭ سانىنا شەك قوي­ىل­ماۋىنا قوسىمشا مۇمكىندىك بەرەدى. بەينەكەزدەسۋ تۇزەۋ مەكەمەسىنىڭ ىشكى ءتارتىپ ەرەجەلەرىن بۇزباي, جاق­سى تارتىپتەرىمەن, سونىمەن قاتار ەڭبەككە دەگەن ادال كوز­قا­راستارى جانە مادەني ءىس-شارالارعا بەلسەنە قاتىسۋىنان تۇراتىن مە­كەمەنىڭ ۇستالۋ رەجىمىن بۇلجىتپاي ساقتا­عان­­دارعا ۇسىنىلاتىن بولادى. با­لالاردىڭ بەينەرەجىم ارقىلى باس بوستاندىعىنان ايىرۋ ورگان­دارىنا بارماي-اق, اتا-انالارىمەن ارالاسا الۋى جانە ولاردى كورە الۋى ءادىس­تىڭ تيىمدىلىگىن كورسەتەدى. بۇل رەتتە تۇرمەنىڭ كەيىپ-كەسكىنى با­لالاردىڭ پسيحولوگياسىنا بۇ­رىن­عىداي جا­عىم­سىز اسەرىن تي­گىز­بەيدى. بەينە­باي­لانىس كەلەسى جىل­دان باستاپ قا­زاقستاننىڭ بارلىق تۇرمەلەرىنە ەن­گىزىلەتىن بولادى. ال سوتتالۋشىنىڭ تۋىستارى ءوز تاراپ­تارىنان جازاسىن وتە­ۋ بارىسى دۇ­رىس ءجۇرىپ جات­قان­دىعىنا شىنايى كوز جەتكىزەدى. قاجك باسشىلىعىنىڭ ايتۋىن­شا, جاقىن ارادا ەل كولونيا­لا­رىنىڭ بارلىعىن بەينەبايلانىس قۇرالدارىمەن جاراقتاندىرۋ جوس­پار­لانۋدا. شارانىڭ سوتتالۋشى­لار­دى ىزگىلەندىرۋدە ۇلكەن ءرول اتقا­را­تىنى داۋسىز. بۇل جازاسىن وتەۋ­شىگە عانا ەمەس, ولاردىڭ تۋما-تۋ­ىسقاندارىنا قاتىستى دا ىزگىلىكتىڭ كورىنىسى بولىپ تابىلماق. مۇنداي باستاما جازاسىن وتەۋشىلەرگە يگى اقپال ەتىپ, كەيىنگى ومىرىندە قيسىق جولعا قايتالاپ تۇسپەۋىنە سەبىن تيگىزەدى دەگەن ءۇمىت مول. ۆەنەرا تۇگەلباي.