قايتا تۇلەگەن قىزىلاعاش

ەل بىرلىگى مەن مەملەكەت قامقورلىعىن ايقىن سەزىندى “سۋ – ءومىردىڭ ءنارى” دەگەن عوي. دەسەك تە بيىلعى كوكتەمنىڭ قارا سۋى­عىن­دا تابيعاتتىڭ توسىن مىنەز تانىتۋىنان بوگەندەگى تۇنىق سۋ كەمەرىنەن اسىپ, جول-جونەكەي الىپ تەمىر قۇبىرلاردى اعىزسا, بەيقام تىرلىكتەگى اۋىل حالقىن ابىگەرگە سالدى. قىزىلاعاشتىقتار ءبىر تۇندە كوز كورىپ, قۇلاق ەستىمەگەن الاپات سۋ تاسقىنىنىڭ استىندا قالىپ, اكە-شەشە بالاسىنان, تۋعان-تۋىستارىنان ايىرىلىپ, كوڭىل مۇڭعا, كوزدەرى جاسقا تولدى. ەلباسى نۇرسۇلتان نازارباەۆ­تىڭ سۋ تاسقىنى زارداپتارىن جويۋ مەن تىرلىكتى قالپىنا كەل­تىرۋگە قاتىستى جەدەل تاپسىر­ما­سىنان كەيىن بارشا قازاقستان­دىقتار ءبىر جاعادان باس, ءبىر جەڭ­نەن قول شىعارىپ, جۇمىلا كى­رىستى. ۇكىمەت باسشىسىنىڭ قادا­عالاۋى, وبلىس اكىمىنىڭ جەتەك­شىلىگىمەن قۇرىلعان كوميسسيا ءجۇر­گىزگەن بارلىق جۇ­مىستاردىڭ تياناقتى اياقتالعانى­نا دا ايعا جۋىق ۋاقىت بولدى. جەر جانناتى جەتىسۋعا جۇمىس ساپارىمەن تامىز ايىنىڭ ال­عاش­قى اپتاسىندا كەلگەن مەملەكەت باسشىسى تاسقىننان كەيىنگى قى­زىل­اعاشتا اتقارىلعان جۇمىستارعا جو­عارى باعاسىن بەرىپ, تۇرعىن­دار­دى بىرلىك پەن تىرلىككە, تۇشىمدى ەڭبەككە شاقىرعانىن ەشكىم ۇمىت­قان جوق. ايتىلعان سوزگە ۇيىعان ولار, ءار كۇندەرىن يگىلىكتى ىسكە ارناپ كەلەدى. قازىرگى كەزدە قىزىلاعاشتىقتار مامىراجاي ومىرلەرىن جالعاستى­رىپ, ءساندى ۇيلەردە عۇمىر كەشىپ, قورالارىنان ءتورت ت ۇلىك مال ءورىپ, وزدەرىنە جاسالعان تۇرمىستىق جاعدايلاردىڭ قىزىعىنا كەنەلگەن. قانداي دا ءبىر باستالعان ءىستىڭ قورىتىندىسى بولاتىنى انىق. كۇنى كەشە قىزىلاعاشتاعى سال­تاناتتى مادەنيەت سارايىندا ەلدى مەكەندەردەگى سۋ تاسقىنىنىڭ زارداپتارىن جويۋ مەن قالپىنا كەل­تىرۋگە بايلانىستى جۇمىسشى­لاردى ۇيلەستىرگەن جەدەل شتابتىڭ قورىتىندى جيىنى ءوتىپ, وبلىس اكىمى سەرىك ۇمبەتوۆ حالىقتىڭ باسىنا تۇسكەن قايعىسىن ءبولىسىپ, قايناعان جۇمىستىڭ ورتاسىنان تابىلىپ, قىسقا مەرزىمدە اۋىلدى قايتا تۇلەتكەن قۇرىش قولدى قۇرىلىسشىلاردى, تاعى باسقا سالا باس­شى­لارى مەن ماماندارىن العىس حات, قۇرمەت گراموتالارىمەن ماراپاتتادى. ولاردىڭ قاتارىندا قيىن كەزدە ەلدى مەكەندەگى ورىن العان جاعدايدى جالپى حالىققا جەتكىزىپ, شىنايى اقپارات تاراتقان باق ۇجىمدارى بولسا, ەلىمىزدىڭ باس گازەتىنىڭ ۇجىمىنا دا وسىنداي قۇرمەت كورسەتىلدى. وسى كۇنى مادەنيەت سارايىنداعى جۇرت­شىلىق الدىندا وبلىس اكىمى سەرىك ءۇم­بەتوۆ, ءبىرىنشى ورىنباسارى, جەدەل شتاب جەتەكشىسى اماندىق باتالوۆ ناۋرىز ايىن­داعى تابيعات اپاتى كەزىندە كەزدەسكەن قيىندىقتاردى جانە سودان بەرگى باسقا تۇسكەن اۋىرتپالىقتى سەيىلتۋدەگى شىدام­دىلىق شىڭدالعان ساتتەردى ەسكە ءتۇسىرىپ, “قايعى بولىسكەندە عانا جەڭىل­دەيتىنىن” ورتاعا سالدى. اۋىلدار سۋ استىندا قالعاندا وڭىردەگى قىز­­­مەت سالالارىنداعى جاۋاپتىلار تۇر­عىنداردى قۇتقارۋعا جۇمىلدىرىلدى. وسى ورايدا وبلىستىق ىشكى ىستەر, توتەنشە جاع­داي­لار جونىندەگى باسقارما, تالدىقورعان اسكەري بولىمدەرىنىڭ ساربازدارى اسقان جانقيارلىق تانىتقانىن ايتقان ءجون. ال قۇرىلىس كومپانيالارى قۇجاتتارى ءازىر­لەن­گەنشە ءبىر جارىم اي بويى ءوز قارجى­لارى­مەن جۇمىس ىستەپ, وسى مەرزىمدە 45 ءۇي­دى پايدالانۋعا بەردى. وسىلايشا قالپى­نا كەلتىرۋ جۇمىستارى 4 ايدا تولىق اياق­تالىپ, قىزىلاعاشتا 465 ءۇي جاڭادان سا­لىن­سا, 30 ءۇي مەن 9 الەۋمەتتىك نىسان عي­مارات­تارى جوندەۋدەن ءوتتى. ءبىر اۋىل قايتا تۇلەپ, اسەم كەلبەتكە يە بولدى. اۋىلداعى ۇشان-تەڭىز جۇمىستاردىڭ تياناعىن كەل­تىرىپ, كۇن-ءتۇن دەمەي ونىڭ باسى-قاسى­نان تابىلعان اماندىق عابباس­ ۇلىنىڭ ولشەۋ­سىز ەڭبەگىن وبلىس اكىمى وسى كۇنى ەرەكشە ايتتى. بۇكىل ەل قىزىلاعاشقا قايىرىم­دى­لىق كومەكتەرىن جونەلتسە, ارداگەرلەر زەينەتاقىسىن اۋداردى. تۇرعىنداردىڭ قايعىسىن ءبولىسىپ, قولۇشىن بەرۋدەن ەش ادام شەت قالمادى. بۇگىن سىزدەردىڭ جانە ءوزىمنىڭ اتىمنان بارشاعا العىس ايتامىن. ماسەلەن, اپاتتان زارداپ شەككەن تۇر­عىن­دارعا 3 اي بويى 15 مىڭ تەڭگەدەن ما­تە­ريال­دىق كومەك كورسەتۋگە رەسپۋبليكالىق بيۋدجەتتەن 145,3 ملن. تەڭگە ءبولىنىپ, 3310 تۇرعىننىڭ دەربەس ەسەپتەرىنە قارجى اۋ­دا­رىلدى. مەملەكەتتىڭ ماتەريالدىق رە­زەر­ۆى مەن قايىرىمدىلىق ۇيىمدارىنان 245,3 ملن.تەڭگەنىڭ ازىق-ت ۇلىگى مەن زات­تارى كەلىپ ءتۇستى. وسىنداعى جوعارى وقۋ ورىندارى مەن كوللەدجدەردە وقيتىن 70 بالاعا وبلىس اكىمىنىڭ گرانتى بەرىلسە, باسقا دا الەۋمەتتىك-تۇرمىستىق جاعداي­لاردى جۇزەگە اسىرعاندارعا العىس ايتقان ءجون. بۇگىنگى جەدەل شتابتىڭ سوڭعى وتى­رىسىن قىزىلاعاشتا اياقتاپ, سۋ تاسقىنى­نان كەيىن ونىڭ زارداپتارىن جويۋعا جۇمىلا كىرىسكەندەردى ماراپاتتاۋدى ءجون كوردىك, دەدى سەرىك ابىكەن ۇلى. قورىتىندى جيىندا وبلىس اكىمىنىڭ ءبىرىنشى ورىنباسارى اماندىق باتالوۆ, اقسۋ اۋدانىنىڭ اكىمى اسكەربەك دۇيسەم­باەۆ قيىندىعى باتپانداي بولعان 4 ايداعى كوڭىلدە جۇرگەن وي تۇجىرىم­دارىن ورتاعا سالسا, اۋىل اكىمىنىڭ مىندەتىن اتقارۋشى ساۋلە اميتوۆا, جاس ۇستاز قۇ­را­لاي بايگەلديەۆا, تاعى باسقالارى جەر­لەستەرى اتىنان قيىن كەزدە قولۇشىن بەر­گەندەرگە العىستارىن جەتكىزىپ, تەبىرەندى. سۋ تاسقىنى زارداپتارىن جويۋ مەن قالپىنا كەلتىرۋدەگى ەسەلى ەڭبەكتەرى ءۇشىن وسى كۇنى ءتۇرلى سالا قىزمەتكەرلەرى, ءتارتىپ ساقشىلارى مەن جاۋىنگەرلەر, قاتارداعى جۇمىسشى, قۇرىلىسشى, اۋىل بەلسەندىلەرى وبلىس اكىمىنىڭ, اۋدان اكىمىنىڭ قۇرمەت گرا­موتالارىمەن ماراپاتتالىپ, ەڭبەك­تەرىنىڭ وتەۋىن كوردى. جينالعاندارعا ءان مەن كۇيدەن شاشۋ شاشىلسا, اپات كەزىندە باقيلىق بولعان ارۋاقتارعا قۇران باعىشتالىپ, اس بەرىلدى. اجەلەر شاشۋىن شاشىپ, مارە-سارە بولىپ, قىزىلاعاشتا ەندى توي-مەرەكە بولسىن دەگەن اق تىلەكپەن تاراستى. كۇمىسجان بايجان. الماتى وبلىسى.