قالىپتاسقان كاسىبي قارىم-قاتىناس

زاڭناما جانە قۇقىقتىق ماسەلەلەر كوميتەتىنىڭ توراعاسى بەرىك يماشەۆ باستاعان سەنات دەپۋتاتتارىنىڭ باس پرو­كۋراتۋرا باسشىلىعىمەن كەزدەسۋىندە پرو­كۋراتۋرانىڭ كونستيتۋتسيالىق نور­مالاردى جۇزەگە اسىرۋ مىندەتتەرى تۋرالى ماسەلەلەر تالقىلاندى. باس پروكۋراتۋرا جۇمىسىنىڭ باسىم باعىتتارى تۋرالى دەپۋتاتتاردى حاباردار ەتكەن ق.ءمامي قاداعالاۋ قىزمەتىن جە­­تىلدىرۋ, قۇقىقتىق ساياسات تۇجىرىم­داماسى مەن پرەزيدەنت ن.نازارباەۆتىڭ “قازاق­ستان رەسپۋبليكاسىنداعى قۇقىق قورعاۋ قىزمەتى مەن سوت جۇيەسىنىڭ تيىمدىلىگىن ارتتىرۋ شارالارى تۋرالى” جارلىعىن جۇزەگە اسىرۋ ماسەلەلەرىنە توقتالدى. كوميتەت باسشىسى ب.يماشەۆ سوت جانە قۇقىقتىق رەفورمالاردىڭ مىندەتتەرى اياسىنداعى تالقىلاۋدىڭ ماڭىزدىلىعىن جانە ازاماتتار قۇقىقتارىن مەملەكەتتىك قورعاۋداعى, كونستيتۋتسيانىڭ ساقتالۋىن مەملەكەتتىك قاداعالاۋداعى جانە ەلدەگى زاڭداردىڭ ورىندالۋىنداعى پروكۋرا­تۋرانىڭ ءرولىن اتاپ ءوتتى. كەزدەسۋ بارىسىندا باس پروكۋروردىڭ ءبىرىنشى ورىنباسارى ي.مەركەل, الەۋ­مەتتىك-ەكونوميكالىق سالاداعى زاڭدى­لىقتى قاداعالاۋ دەپارتامەنتىنىڭ باستىعى ا.كراۆچەنكو, ۇستالعان جانە قاماۋعا الىنعانداردىڭ, سونداي-اق قىلمىستىق جازاسىن وتەۋشىلەردىڭ قۇقىقتارىن ساق­تاۋ­داعى زاڭدىلىقتى قاداعالاۋ دەپار­تامەنتىنىڭ باستىعى ن.ءابدىروۆ دەپۋتات­تاردىڭ ساۋالدارىنا جاۋاپ بەردى.